Lukas 18:11 - Jaji ma Su-sungi

¹¹ Ngowa'a Farisi gena-ge 'o te'oso kara 'o manyiata mangale 'ai diri masiretene, ‘Ya Ma Jou'ongu Madutu ngoi to pula'a murasa ma la, sababu ngoi to ma tero ua ngowa'a lelegu: ngowa'a ga'a tori'i, 'akala re sinyingara 'i boloto ua, tinikai bolo ma tero sa'olo ngowa'a golo-golo'o balastengi nena-ne.

Lukas 18:11 Iomraidhean Croise

Matias 10:3

Ḏua 'a Filipus re 'a Bartolomeus; 'a Tomas re 'a Matius golo-golo'o balastengi; 'a Yakobus Alfeus 'ai ngowa'a nau'u, re 'a Tadeus.

Matias 5:20

Dadi, Ngoi to siajele ra ngini nena-ne: Ngini balasu ni mete'e “Musa 'ai hukumu lebe cufala i'a reo guru-guru 'agama re ngowa'a Farisi. Na'o so'o gena-ge ua, ngini ni osama nyo-nyoimi yoḏu'u toma Soroga ma Pareta.”

Matias 6:5

Re wakutu ngini ni manyiata, awa ni dadi sa'olo ngowa'a munafiki! Wakutu ananga gena-ge 'aḏi manyiata 'aḏi nyanyaḏi made-de'oso toma wala-wala puji re toma ngo'omo ma sola, la ngowa'a ya'u oḏi'i kara ya'u puji re silamo'o ananga. Ni ngaku mode-mode'e 'Ari demo-demo nena-ne: Ananga gena-ge manga ngogele rema enanga ḏua! Tantu ḏua Ma Jou'ongu Madutu nu puji re silamo'o ua!

Markus 11:25

Re na'o ngini ni manyiata, mada'a ninga 'akala re sinyingara 'i sanangi ua ra matengo i'a, siḏa-siḏa na si'apongo ngowa'a matengo gena-ge, la ninga Ḇaḇa da'u toma soroga 'A singi-ngiranga ḏi'i ninga ḏosa-ḏosa. [

Lukas 20:47

Ananga 'aḏi sihaga balo-balo, re ya'u ra-rabasa ananga manga 'ori i'a rana tamanga wala ma dara. Re ananga 'aḏi manyiata lai kiḏa-kiḏanga di'a ya damunu manga kajahatana. Sababu gena-ge, Ma Jou'ongu Madutu ḏuanga i'a 'o sihukumu lai tubuso madutu ra ananga!”

Lukas 22:41

Gena ḏua, Yesus 'o masai'i i'a ra ananga ma giḏanga ḏa poini reo maḏi soi moi, kara Unanga 'o maḏipolono re 'o manyiata

Galatia 3:10

Ngowa-ngowa'a ga'a 'aḏi sigare manga ngo-ngaku ra Musa 'ai hukumu, ḏuanga i'a ananga mo-moini gena-ge 'aḏi sanga hukumu kasingado-ngadolo i'a ra Ma Jou'ongu Madutu. Sababu toma Boku 'Ofi-'Ofi 'i silefo so'o ne: “Ngowa'a ga'a 'aḏi mete'e Musa 'ai hukumu mo-moini ua, ḏuanga i'a 'aḏi sanga hukumu ra Ma Jou'ongu Madutu!”

Filipi 3:6

Ngoi to mete'e mode-mode'e 'a Musa 'ai hukumu singadolo ngoi to sisikisa ngowa-ngowa'a ngaku Yesus. Re ngoi to cufala masala to mete'e Musa 'ai hukumu mo-moini, singadolo matengo i'a mai ua nyengara 'o kanau, ceka'a i'a mai ua, ngoi Paulus ta mete'e ua.

Tingoýi 3:17

Ngini nena-ne ni kanau, ‘Ngomi ngowa'a rema-enanga, minga 'ahu ti-tiai kama kuranga ua!’ Mada'a ngini ni masiwaro ua: Ngini ninga 'ahu 'i kuranga ma pari cua ma tero sa'olo ngowa'a ma dinga'unu ua ga'a ni wa-watolo re ni hafu.