Lukas 18:10 - Jaji ma Su-sungi

¹⁰ Yesus 'o kanau, “Ngowa'a nga muḏiḏi 'aḏi osama ra Ma Jou'ongu Madutu 'ai Wala di'a 'aḏi manyiata. Matengo ngowa'a Farisi, matengo ḏi'i ngowa'a golo-golo'o balastengi.

Lukas 18:10 Iomraidhean Croise

Matias 10:3

Ḏua 'a Filipus re 'a Bartolomeus; 'a Tomas re 'a Matius golo-golo'o balastengi; 'a Yakobus Alfeus 'ai ngowa'a nau'u, re 'a Tadeus.

Lukas 19:46

Unanga 'o kanau, “ 'Ua re 'au wali 'i silefo pasala ḏua toma Boku 'Ofi-'Ofi ma dara ma betongo so'o ne: ‘Ma Jou'ongu Madutu 'o kanau: 'Ari wala ḏuanga i'a sidadi manyiata ma wala.’ Mada'a ngini ni si'a'a ngowa'a to-tori'i manga ngi'i.”

Yesus 'ai so-soma'a 26:5

Ma di'ara ḏua, ananga ya waro mangale ngoi. Na'o ananga 'aḏi nyengara ananga masiretene 'aḏi pula'a sakisi, 'au nga'ene ngoi ne to osama nyo-nyoimi toma ngowa'a Farisi re ma gu'u lai te'e minga 'agama ma 'atoranga.

Yesus 'ai so-soma'a 3:1

Toma wangere rimoi ca'olo ro'ange wangere so'o ne'o, 'a Petrus re Yohanes 'aḏi tagi ra Ma Jou'ongu Madutu 'ai Wala ma soana di'a 'aḏi manyiata. Toma 'orasa so'o gena-ge biasa ḏua ngowa'a Yahudi mo-moini 'aḏi manyiata.

Filipi 3:5

Ngoi to sanga suna wakutu 'ari 'umuru wangere tu'angere mete'e Musa 'ai hukumu. Ngoi 'ari ngaunu pa'ala re 'ari 'asala toma suku Benyamin, 'ari ete re dotumu mo-moini ngowa'a 'Ibrani. Wakutu ngoi to ngaku Yesus nyangu, ngoi to osama nyo-nyoimi toma ngowa'a Farisi, to mete'e Yahudi manga 'agama ma 'atoranga mo-moini,