Lukas 18:1 - Jaji ma Su-sungi

¹ Gena ḏua, Yesus 'o jarita 'ade-'ade rimoi di'a 'o doto'o 'Ai me-mete'e, la ananga manga 'akala re sinyingara 'i rapo'o awa mada'a 'aḏi manyiata tau-taunu.

Lukas 18:1 Iomraidhean Croise

Lukas 11:10

Sababu 'a guna ḇato ga'a 'o golo'o, ḏuanga i'a 'o dawongo. 'A guna ḇato ga'a 'o disa, ḏuanga i'a 'o sanga. Re 'a guna ḇato ga'a 'o tolo'o ngalana, ḏuanga i'a ya welanga.

Lukas 21:36

Ni ma'istiari ino re ni manyiata tau-taunu, la ngini nga'unu ni tahana susa re sangisara ga'a ḏuanga i'a enanga 'i dadi singadolo ngini nyengara talaḏi ra Ngoi, Manusia ma Ngowa'a Nau'u, kama mojongo ua.”

Roma 12:12

Ni maroanga tau-taunu sababu ninga ngo-nganono. Ni pake 'akala ma ḇanyo toma susa re sangisara, re ni manyiata tau-taunu.

2 Korintus 4:1

Dadi sababu Ma Jou'ongu Madutu 'o sijumu 'ai 'akala re sinyingara ma la-la ra ngomi, Unanga gena-ge 'o cumutu ngomi di'a singadolo mangale jaji ma su-sungi. Sababu gena-ge, ngomi minga 'akala re sinyingara 'i rapo'o ua.

Galatia 6:9

Sababu gena-ge, kalaha wo basono momoro, awa ngene wo matogumu 'a'a 'ori i'a ma la-la. Sababu na'o ngene wo madaga'a 'ori i'a ma la-la tau-taunu, ḏuanga i'a enanga ma 'orasa 'i ngadolo ngene wa sanga enanga ma sowo'o.

Efesus 6:18

Toma ngi'i le'a ḇato re toma donga mo-moini, ngini balasu ni manyiata re ni golo'o tau-taunu reo ri-riono toma Ngagara 'Ofi-'Ofi. Wakutu ngini ni manyiata balasu ni ma'istiari, re ni manyiata tau-taunu di'a Ma Jou'ongu Madutu 'ai 'umata mo-moini.

Filipi 4:6

Ngini awa ninga 'akala kangela mangale 'oru ḇato. Mada'a toma 'ori i'a mo-moini, ngini balasu ni manyiata re sibere ninga go-golo'o reninga murasa ma la ra Ma Jou'ongu Madutu.

Kolose 4:12

'Age rema ngowa'a matengo ḏi'i 'ai lomanga 'a Epafras, unanga ga'a ta Kristus Yesus ma tero sa'olo 'Ai budaka. Unanga ngowa'a Kolose re 'o siḏingoto 'ai tabea ra ngini. Unanga 'o manyiata tau-taunu rai 'akala re sinyingara mode-mode'e. Unanga 'o golo'o ra Ma Jou'ongu Madutu mangale ninga ngo-ngaku 'i te'oso ogo-ogoro kama elala ua, ma tero sa'olo ngowa'a raḏi ngimono tamanga ngo-ngaku. Re ḏi'i unanga 'o golo'o mangale ngini ni waro mode-mode'e 'oru ga'a Ma Jou'ongu Madutu 'ai 'akala ma mau.

Kolose 4:2

Ngini balasu ni manyiata tau-taunu. Sidogo ḏi'i, ngini balasu ni ma'istiari re ni sibere ie murasa ma la ra Ma Jou'ongu Madutu.