Lukas 17:7 - Jaji ma Su-sungi

⁷ “Si'ade-'ade i'a taninga sigolona 'age rema ngowa'a matengo rai budaka ga'a 'o mapajeko toma guḏa bolo 'o jaga doba. Wakutu 'ai budaka gena-ge 'o ḏibo toma wala, sanga ua ngana no kanau ra unanga gena-ge, ‘Capati ino re no oromo!’

Lukas 17:7 Iomraidhean Croise

Matias 12:11

Yesus 'a sangoro, “Na'o 'age rema ngowa'a matengo ra ngini ninga sigolona unanga rai doba rimoi re toma Sabata ma wangere, doba gena-ge 'i eta'a toma tana'a ma ḇuongo; sanga ua doba ma dutu 'a sieanga 'ai doba toma tana'a ma ḇuongo gena-ge! Tantu ḏua, unanga 'a iḏala sisupu doba gena-ge.

Lukas 13:15

Ma Jou 'a sangoro, “Hei ngini, ngowa'a munafiki! Ngowa'a mo-moini sisupu manga haiwani sapi, bolo jarana toma karunga di'a ya gasa ya sika'e ḇanyo toma Sabata ma wangere ḏi'i.

Lukas 14:5

Yesus 'o kanau ra ananga, “Na'o taninga sigolona 'age rema ngowa'a matengo i'a ninga ngowa'a nau'u, bolo ninga sapi 'i eta'a toma sumu ma dara toma Sabata ma wangere. Capati na iḏala sisupu ninga ngowa'a, bolo ninga sapi gena-ge toma wangere gena-ge ḏua bolo ua?”

Lukas 17:26

Wakutu Ngoi, Manusia ma Ngowa'a Nau'u dadunu to sapolo moju, gena-ge ma tero sa'olo 'oru 'i dadi toma 'orasa nabi Nuh 'ua re 'au wali.

Lukas 17:6

Ma Jou 'a sangoro, “Na'o ngini ninga ngo-ngaku ma lamo'o sa'olo gisisi lai ceka'a ma moi ngai moi, ngini nga'unu ni kanau i'a toma ate 'ara, ‘Mawoi'i toma ngi'i gena-ge re malage toma ngoloto,’ tantu ḏua ate gena-ge 'i mete'e ninga parenta.”

Lukas 17:8

Tantu ḏua, ngana no kanau, ‘Na ḏu-ḏuanga i'a ngoi 'ari ngo-ngoromo, no ngali 'ani pakeanga la-la, re no de-de'oso ngoi singadolo ngoi to oromo togumu ḏua, kara ngana no oromo ḏi'i.’