Lukas 17:6 - Jaji ma Su-sungi

⁶ Ma Jou 'a sangoro, “Na'o ngini ninga ngo-ngaku ma lamo'o sa'olo gisisi lai ceka'a ma moi ngai moi, ngini nga'unu ni kanau i'a toma ate 'ara, ‘Mawoi'i toma ngi'i gena-ge re malage toma ngoloto,’ tantu ḏua ate gena-ge 'i mete'e ninga parenta.”

Lukas 17:6 Iomraidhean Croise

Matias 14:29

Unanga 'a sangoro, “Sapolo ino!” Ḏua 'a Petrus 'o 'uci toma oti re 'o tagi mete'e toma ḇanyo ma re'u jau i'a Yesus.

Matias 17:20

Yesus 'a sangoro, “Sababu ngini ninga ngo-ngaku pa'i ceka'a ua. Ni ngaku mode-mode'e 'Ari demo-demo nena-ne: Na'o ngini ninga ngo-ngaku ma lamo'o sa'olo gisisi lai ceka'a ngai moi, ngini nga'unu kanau toma kie nena-ne ‘Malage i'a da'a’ re tantu ḏua enanga 'i malage. Na'o ngini ninga ngo-ngaku so'o gena, 'oru ḇato ngini nga'unu na 'a'a!” [

Matias 21:21

Yesus 'a sangoro, “Ni ngaku mode-mode'e 'Ari demo-demo nena-ne: Na'o ngini ni ngaku mode-mode'e re na sitaka-taka ua, ngini nga'unu na si'a'a ma tero sa'olo Ngoi ta si'a'a toma ate 'ara nena-ne. Re pa'i gena-ge ḇato ua, ngini nyengara ni kanau kie nena-ne, ‘No malage re no eta'a toma ngoloto.’ Re enanga gena-ge ḏuanga i'a 'i dadi.

Markus 9:23

Yesus 'o sangoro, “I'a sa'olo no aje, ‘Na'o Jou no nga'unu?’ Mo-moini nyengara 'i dadi ra guna ḇato na'o ni ngaku Ngoi!”

Lukas 13:19

Enanga site-tero sa'olo gisisi ma moi'i ngai moi lai 'alusu madutu ga'a ngowa'a ya otomo tai guḏa. Pasala i'a gisisi gena-ge 'i konyo re 'i ramasa 'i dadi ate ḏu moi singadolo namo toma diwanga mo-moini 'i matai sapolo 'i maderana re 'i 'a'a ma ngi'i toma uma-umanga.”

Lukas 17:7

“Si'ade-'ade i'a taninga sigolona 'age rema ngowa'a matengo rai budaka ga'a 'o mapajeko toma guḏa bolo 'o jaga doba. Wakutu 'ai budaka gena-ge 'o ḏibo toma wala, sanga ua ngana no kanau ra unanga gena-ge, ‘Capati ino re no oromo!’

Lukas 19:4

Dadi unanga lalara siḏa toma ngowa'a repe manga biono, kara 'o mabere toma ate 'ara ḏu moi, la unanga nga'unu 'o oḏi'i Yesus na'o Yesus 'o tola'a ino.

Lukas 7:13

Wakutu Ma Jou Yesus 'o oḏi'i were'a balo gena-ge, Tai 'akala re sinyingara 'i baolo dadalara ra munanga. Dadi Unanga 'o kanau, “Meme, no 'aḏi rawara!”

Lukas 7:19

kara unanga 'o soma'a ananga 'aḏi tagi ra Ma Jou Yesus re 'aḏi sano ra Unanga ma betongo so'o ne: “Jou nena-ne ḏua ga'a no sapolo mete'e Ma Jou'ongu Madutu 'ai jaji bolo ngomi balasu mi totoma ngowa'a lelegu?”

1 Korintus 13:2

Si'ade-'ade i'a ngoi rari kuasa di'a ta siajele habari da'u ra Ma Jou'ongu Madutu tala. Re ta sahe wo-waro mo-moini, re ba-banari lai ngido re 'ari ngo-ngaku lai te'e ra Ma Jou'ongu Madutu singadolo nga'unu to parenta kie 'i malage. Mada'a na'o 'ari dadalara toma ngowa'a lelegu 'i cua, ngoi ngowa'a ma pake ua.