Lukas 17:4 - Jaji ma Su-sungi

⁴ Na'o 'ani ioronongoḏu gena-ge 'o 'a'a ḏosa ra ngana, wange moi sou tumudingi re 'o sapolo tau-taunu sou tumudingi ḏi'i ra ngana re 'o kanau, ‘Ngoi to golo'o ma'afu,’ na si'apongo unanga.”

Lukas 17:4 Iomraidhean Croise

Matias 18:16

Mada'a na'o unanga 'o dawongo 'ani demo-demo ua, ngana dadunu no tagi ra unanga re no gasa ngowa'a matengo bolo nga muḏiḏi ḏi'i. Sababu toma Boku 'Ofi-'Ofi ri silefo so'o ne: ‘Ma kuranga ḏua nga muḏiḏi bolo nga ḏu'ange 'aḏi dadi sakisi di'a sibanari ngowa'a gena-ge 'ai sala.’

Matias 18:35

Yesus 'a siḏo-ḏogumu 'ai 'aḏe-'aḏe gena-ge so'o ne: “So'o gena ḏi'i, 'Ari Ḇaḇa da'u toma soroga ḏuanga i'a nu 'a'a ngini matengo re matengo, na'o ngini ni si'apongo ua taninga 'akala re sinyingara ninga ioronongoḏu ga'a 'a'a ḏosa ra ngini.”

Matias 5:44

Mada'a Ngoi to siajele ra ngini nena-ne: Ngini balasu ni dadalara ninga lawana-lawana, re ni nyiata ḏi'i ngowa-ngowa'a ga'a 'aḏi sisikisa ngini sababu ni mete'e Ngoi.

Matias 6:12

Re No singi-ngiranga minga sala, ma tero ngomi ḏi'i remi si'apongo ngowa'a ga'a 'aḏi 'a'a sala ḏua ra ngomi.

Lukas 17:5

Yesus 'ai so-soma'a 'aḏi kanau ra Ma Jou, “Ma Jou na site'e minga ngo-ngaku.”

Roma 12:20

Mada'a siḏibo ḏi'i, “Na'o ninga lawana 'o sawini; nu pula'a oromo. Re na'o unanga 'ai camala dudungu; nu pula'a ka'e ḇanyo. Sababu ninga ga'a so'o gena, unanga 'o mara'a, re awa-awa 'o maḏibo toma ngo'omo boloto.”