Lukas 17:3 - Jaji ma Su-sungi

³ Sababu gena-ge, ngini ni ma'istiari. Na'o 'ani ioronongoḏu 'o 'a'a ḏosa ra ngana, ḇangata unanga. Na'o 'ani ioronongoḏu gena-ge 'o maḏibo toma ngo'omo boloto, si'apongo unanga.

Lukas 17:3 Iomraidhean Croise

Matias 18:21

Gena ḏua, Petrus 'o sapolo ra Yesus re 'o sano, “Ma Jou, na'o 'ari ioronongoḏu 'a'a ḏosa ra ngoi, singadolo soi muḏuo ngoi balasu to si'apongo unanga? Singadolo soi tumudingi?”

Lukas 21:34

Ni ma'istiari! Awa ngini pa'i ni cufala 'a'a laya re ni ma'eto-'etolo, bolo pa'i ni mafikiri ninga 'ahu ḇato, singadolo kage-kage ma 'orasa gena-ge 'i ngadolo re ngini ni siwaro i'a ua.

Efesus 5:15

Sababu gena-ge, ni tailako la-la ino ninga 'ahu ma duhu. Awa ninga 'ahu ma tero sa'olo ngowa'a haga, mada'a 'ahu ma tero sa'olo ngowa'a manga 'akala soro'unu.

'Ibrani 12:15

Ngini ni ma ma'istiari 'ahu matengo re matengo, la matengo i'a mai ua 'o sieanga i'a Ma Jou'ongu Madutu ga'a 'O sijumu 'Ai mura re dadalara ra ngene. Re ngini ni ma'istiari ninga 'ahu matengo re matengo, la matengo i'a mai ua awa ma tero sa'olo go-gahu rema racimi ga'a si'a'a susa ngowa'a, re sigasa ngowa'a repe toma ḏosa ma dara.

Yakobus 5:19

'Ari ioronongoḏu ngo-ngaku rimoi! Na'o matengo i'a taninga sigolona ro mete'e riwara Ma Jou'ongu Madutu 'ai do-doto'o re ngowa'a lelegu 'u gasa unanga gena-ge 'o maḏibo toma ngo'omo boloto,

2 Yohanes 1:8

Sababu gena-ge, ngini balasu ni ma'istiari, la na siiranga awa ninga ngogele ga'a ngomi re ngini munara ma'u mete'e. Mada'a ni ma'istiari, la ngini nyengara ni sanga ngogele mo-moini ra Ma Jou'ongu Madutu.