Lukas 17:26 - Jaji ma Su-sungi

²⁶ Wakutu Ngoi, Manusia ma Ngowa'a Nau'u dadunu to sapolo moju, gena-ge ma tero sa'olo 'oru 'i dadi toma 'orasa nabi Nuh 'ua re 'au wali.

Lukas 17:26 Iomraidhean Croise

Lukas 17:22

Ḏua Unanga 'o kanau Tai me-mete'e, “Ḏuanga i'a ma 'orasa 'i sapolo na'o ngini mau ni oḏi'i Ngoi, Manusia ma Ngowa'a Nau'u, mada'a ni oḏi'i yoḏu'u.

Lukas 17:24

Ngoi, Manusia ma Ngowa'a Nau'u ḏuanga i'a to sapolo moju ma tero sa'olo ḇeḇelanga 'i cawi-cawi da'u diwanga tala, re ma lalaki dai dere ngadolo dina dere.

Lukas 17:27

Toma 'orasa nabi Nuh, ngowa'a 'aḏi oromo re 'aḏi ka'e, ananga 'aḏi ma'u molo'ara singadolo ma wangere 'a Nuh 'o osama toma kapala ma dara re ngu'uisi sapolo singadolo ngowa'a mo-moini matai sengene.

Lukas 17:7

“Si'ade-'ade i'a taninga sigolona 'age rema ngowa'a matengo rai budaka ga'a 'o mapajeko toma guḏa bolo 'o jaga doba. Wakutu 'ai budaka gena-ge 'o ḏibo toma wala, sanga ua ngana no kanau ra unanga gena-ge, ‘Capati ino re no oromo!’

Lukas 18:8

Ngoi to siajele ra ngini nena-ne: Unanga jau-jau 'o riono ananga remanga hali! Mada'a maha Ngoi, Manusia ma Ngowa'a Nau'u dadunu to sapolo moju, 'oru Ngoi to sanga moju bolo ua ngowa'a ga'a manga ngo-ngaku kama elala ua toma dungia nena-ne!”

'Ibrani 11:7

Sababu Nuh 'ai ngo-ngaku, unanga gena-ge 'o mete'e Ma Jou'ongu Madutu 'ai parenta. Ma Jou'ongu Madutu 'u siajele ra Nuh mangale Unanga 'o siromanga dungia sitabi donga reo ḇanyo. Kalaha Nuh 'a oḏi'i nyangu enanga gena-ge 'i dadi, unanga 'o silamo'o re mojongo Ma Jou'ongu Madutu re dadi 'o mete'e 'Ai parenta. Dadi unanga 'o madiga'a kapala rimoi di'a sisalamata unanga re 'ai ngitu re ngale. Nuh 'ai ngo-ngaku gena-ge 'i dadi nana'o rimoi mangale ngowa'a mo-moini ga'a 'aḏi ngaku Ma Jou'ongu Madutu ua, ananga gena-ge ngowa'a ma jira. Sababu gena-ge Ma Jou'ongu Madutu 'o 'adili di'a sihukumu ngowa'a ma jira gena-ge wakutu 'O siromanga dungia sitabi donga reo ḇanyo. Sababu Nuh 'ai ngo-ngaku gena-ge, Ma Jou'ongu Madutu 'o si'aro'o unanga, ngowa'a loasa re banari.

2 Petrus 2:5

So'o gena ḏi'i, 'ua re 'au wali moju Ma Jou'ongu Madutu 'o singi-ngiranga ua 'Ai hukumu di'a dungia. Mada'a 'O singi-ngiranga dungia re ngowa-ngowa'a ga'a oḏu'u mete'e Unanga. 'A Nuh ga'a 'o singadolo mangale 'ahu loasa re banari, unanga re ngowa-ngowa'a lelegu nga tumudingi, pa'i ananga gena-ge 'aḏi sanga salamata.

2 Petrus 3:6

Re 'ua re 'au wali Ma Jou'ongu Madutu 'o singi-ngiranga dungia reo ḇanyo gena-ge ḏi'i.