Lukas 17:24 - Jaji ma Su-sungi

²⁴ Ngoi, Manusia ma Ngowa'a Nau'u ḏuanga i'a to sapolo moju ma tero sa'olo ḇeḇelanga 'i cawi-cawi da'u diwanga tala, re ma lalaki dai dere ngadolo dina dere.

Lukas 17:24 Iomraidhean Croise

Matias 24:27

Sababu Ngoi, Manusia ma Ngowa'a Nau'u, dadunu To sapolo moju ma tero sa'olo ḇeḇelanga pelete'e toma wangere ma la'o, mada'a enanga ma lalaki 'i lapasa ngadolo toma wangere ma soḏu.

Matias 24:30

Gena ḏua, didina'o rimoi 'i waiti toma diwanga ga'a ma ngale: Ngoi, Manusia ma Ngowa'a Nau'u, dadunu to sapolo moju da'u diwanga tala. Toma 'orasa gena-ge bangsa-bangsa toma dungia sitabi donga, ananga 'aḏi rerese ma gaḏi, sababu ngowa'a mo-moini gena-ge 'aḏi oḏi'i Ngoi, Manusia ma Ngowa'a Nau'u, To sapolo da'u diwanga tala toma kakamo Rari kuasa lamo'o re Rari mulia lamo'o.

Matias 25:31

“Wakutu Ngoi, Manusia ma Ngowa'a Nau'u To sapolo moju sa'olo 'Olana rari kabasarana lamo'o, mala'ekata mo-moini 'aḏi mete'e Ngoi, re Ngoi ḏuanga i'a to tegoro tari ḏe-ḏegoro ga'a 'i mulia.

Matias 26:64

Yesus 'a sangoro, “Ma tero sa'olo ngana no kanau. Mada'a 'elingi 'Ari demo nena-ne: ngini ḏuanga i'a ni oḏi'i Ngoi, Manusia ma Ngowa'a Nau'u, To tegoro ra Ma Jou'ongu Madutu 'ai giama ma kuwiḏa i'a, Unanga gena-ge 'Ai kuasa ma pari cua. Re Ngoi to sapolo ra Ma Jou'ongu Madutu toma kakamo ma re'u da'u diwanga tala!”

Matias 5:15

Re matengo i'a mai ua tagala 'o poci, kara 'a sidamunu reo tampayanga! Siḏibo ḏi'i, 'a sigare toma poci ma ngi'i, la 'i sitarangi ngowa'a mo-moini toma wala ma dara.

1 Korintus 1:8

Ma Jou'ongu Madutu ḏuanga i'a 'o riono ngini di'a ni macako'o namo-namoto taninga ngo-ngaku singadolo dungia ma ḏo-ḏogumu, la toma 'orasa gena-ge nanga Jou Yesus Kristus dadunu 'o sapolo moju, ngini ninga de'oso re ḏegoro kama rapu ua.

1 Tesalonika 5:2

sababu ngini masiretene na waro ḏua Unanga gena-ge dadunu 'o sapolo moju ma tero sa'olo ngowa'a tori-tori'i 'aḏi sapolo toma 'orasa lobi'i.

2 Tesalonika 2:2

Kalaha ngini ni 'isene habari, bae nubuata, bae do-doto'o bolo surata 'age rema ngowa'a 'aḏi kanau ra ngomi ino, mangale ma 'orasa enanga 'i ngadolo ḏua di'a Unanga dadunu 'o sapolo, awa ninga 'akala re sinyingara 'i waro gogare riwara, bolo 'i kangela!

2 Tesalonika 2:8

ngowa'a matengo 'ai 'akala re sinyingara lai cira madutu 'o waiti re Ma Jou Yesus 'o sisengene ngowa'a matengo gena-ge pa'i Rai demo ḇato re 'O singi-ngiranga unanga gena-ge 'ai kuasa Rai kabasarana wakutu Unanga dadunu 'o sapolo moju.

Yakobus 5:8

Ngini ḏi'i balasu ma tero sa'olo ngowa'a guḏa gena-ge. Ngini balasu ni pake 'akala ḇanyo tau-taunu, ni macako'o namo-namoto ra Ma Jou, sababu Unanga 'ai ta-sapolo enanga ma 'orasa 'i co-cori ḏua.

2 Petrus 3:10

Mada'a Ma Jou 'ai Wangere ḏuanga i'a 'i ngadolo ma tero sa'olo ngowa'a to-tori'i. Toma wangere gena-ge diwanga 'i iranga rema rurusu lai siḏi, re 'ori i'a i'a mo-moini toma diwanga 'i ro'u mo-moini. Re dungia re ma dara mo-moini, enanga 'i iranga.