Lukas 17:20 - Jaji ma Su-sungi

²⁰ Toma wangere rimoi, Ngowa'a Farisi nga muḏuo i'a 'aḏi sano ra Yesus, “Ngau Ma Jou'ongu Madutu 'ai Pareta 'i sapolo?” Yesus 'a sangoro, “Ngowa'a 'aḏi oḏi'i ua Ma Jou'ongu Madutu 'ai Pareta 'i sapolo sababu 'i sapolo ua reo didina'o-didina'o ga'a nyengara 'aḏi oḏi'i.

Lukas 17:20 Iomraidhean Croise

Lukas 10:11

‘Limau nena-ne ma korou'u ga'a 'i pata taminga rou ma sata, ngomi ma sesara ra ngini ninga momina di'a 'i dadi nana'o rimoi ra ngini mangale Ma Jou'ongu Madutu dawongo ngini ua ḏi'i. Mada'a ngini ni 'elingi 'Ari demo nena-ne: Tiara riwara Ma Jou'ongu Madutu 'ai Pareta 'i ngadolo.’

Lukas 14:1

Toma 'orasa rimoi Sabata ma wangere, Yesus 'o tagi oromo toma ngowa'a Farisi matengo 'ai wala. Unanga gena-ge 'o sayanga ma jingi'i. Toma ngi'i gena-ge, guru-guru 'agama re ngowa-ngowa'a Farisi 'aḏi tailako Unanga mode-mode'e.

Lukas 16:16

Musa 'ai hukumu 'i singadolo re nabi-nabi manga do-doto'o 'i siḏagi tau-taunu singadolo toma 'orasa Yohanes tukanga baptis. Mada'a mulaingi toma 'orasa gena-ge, Habari Roanga mangale Ma Jou'ongu Madutu 'ai Pareta 'i singadolo tau-taunu re ngowa-ngowa'a 'aḏi makutale mode-mode'e di'a 'aḏi osama nyo-nyoimi ra Ma Jou'ongu Madutu 'ai Pareta.

Lukas 19:11

Wakutu ngowa'a repe 'aḏi 'isene Yesus 'ai jarita, Unanga 'a sidowanga reo pula'a 'ade-'ade sababu Unanga 'o co-cori toma limau Yerusalem re ngowa'a repe 'aḏi ta'ajiri Ma Jou'ongu Madutu ti'ara riwara 'o sapolo 'o parenta sa'olo 'Olana toma dungia.

Yohanes 18:36

Yesus 'o kanau, “Ngoi 'ari pareta ma 'asala toma dungia nena-ne ua. Sababu na'o ma 'asala toma dungia nena-ne, Ngoi 'ari ngowa-ngowa'a 'aḏi sapolo lawana, la ngowa'a Yahudi manga bi-biri'i 'aḏi cako'o Ngoi ua. Mada'a mode-mode'e Ngoi 'ari pareta ma 'asala toma dungia nena-ne ua.”