Lukas 17:2 - Jaji ma Su-sungi

² Jobilaha maḏi la-lamo'o 'i siḏobe tai camala, kara siupa'a unanga toma ngoloto reo unanga 'ai ga'a 'i sigasa ngowa'a ma pake ua ga'a ngaku Ngoi, 'o eta'a toma ḏosa.

Lukas 17:2 Iomraidhean Croise

Matias 17:27

Mada'a awa ngene wa'u caḏabi ngowa-ngowa'a ga'a lomu balastengi gena-ge. Dadi, ngana si'a toma talaga di'a no ga-gawolo nyao'o. Re ngana no 'oro nyao'o ga'a na tuono ma mulaingi re ngana no sanga pipisi-pipisi toma nyao'o ma madanga. Pipisi-pipisi gena-ge 'i site-tero ngene nga muḏiḏi nanga balastengi di'a Ma Jou'ongu Madutu 'ai Wala. Ḏua ngana no pula'a pipisi-pipisi gena-ge toma ngowa'a ga'a lomu balastengi di'a Ma Jou'ongu Madutu 'ai Wala.”

Matias 18:10

“Awa si'u'ua ngowa'a ma pake ua ga'a raḏi ngaku Ngoi, ananga gena-ge ma tero sa'olo ngowa 'olo nena-ne. Sababu Ngoi to siajele ra ngini nena-ne: Mala'ekata-mala'ekata ga'a 'aḏi jaga ngowa 'olo gena-ge, 'age tau-taunu toma soroga ra Ma Jou'ongu Madutu 'ai momina. [

Matias 18:14

So'o gena ḏi'i, ninga Ḇaḇa toma soroga 'O oḏu'u ngowa'a ma pake ua ga'a ro ngaku Ngoi 'o iranga kasingado-ngadolo i'a.”

Matias 26:24

Mode'e Ngoi, Manusia ma Ngowa'a Nau'u, balasu To sengene, ma tero sa'olo 'i silefo ḏua toma Boku 'Ofi-'Ofi ma dara. Mada'a ngowa'a ga'a sipula'a Ngoi, Manusia ma Ngowa'a Nau'u, unanga gena-ge 'o sanga bahala lamo'o. Jobilaha unanga gena-ge ma ngina mo sibuoro awa ḇato!”

Markus 9:42

“Mada'a na'o 'a guna ḇato 'o sigasa ngowa-ngowa'a ma pake ua ma tero sa'olo ngowa 'olo nena-ne, singadolo ananga 'aḏi ngaku Ngoi riwara, Ma Jou'ongu Madutu 'o sihukumu unanga gena-ge lebe tubuso i'a. Jobilaha maḏi la-lamo'o 'i siḏobe tai camala, kara siupa'a unanga toma ngoloto.

Yohanes 21:15

Ananga 'aḏi oromo togumu i'a, Yesus 'o sano ra Simon Petrus, “Simon, Yohanes 'ai ngowa'a nau'u, Ngana no dadalara Ngoi lebe lamo'o i'a reo 'Ari me-mete'e ma lelegu 'aḏi dadalara Ngoi?” Unanga 'a sangoro, “Ya, Ma Jou reno waro mangale ngoi to dadalara Ma Jou.” Ḏua Yesus 'o kanau, “Na kadiarata 'Ari doba-doba.”

1 Korintus 9:15

Mada'a soi moi nyangu, ngoi to pake 'ari haku gena-ge di'a to golo'o 'oru ḇato ra ngini. Re ngoi to lefo surata nena-ne ma maksudu so'o gena ua, la ngini ni pula'a ngogele ra ngoi. Jobilaha, ngoi to sengene, reo matengo i'a 'o singiranga 'ari haku di'a to sanangi masala ga'a ngoi to golo'o ua 'oru ḇato ra ngini!

1 Korintus 9:22

Wakutu ngoi 'age ra ananga ga'a manga ngo-ngaku 'i te'e nyangu manga sigolona, ngoi ta 'a'a ua 'ori i'a ga'a ananga ya fikiri 'i sala, la ngoi nga'unu ta'u sigasa ananga manga ngo-ngaku lebe te'e. Ngoi to 'a'a diri ma tero sa'olo 'a guna ḇato, dadi reo duhu 'oru ḇato ngoi ta'u sigasa ananga mamuni'a toma salamata.