Lukas 17:18 - Jaji ma Su-sungi

¹⁸ I'a sa'olo pa'i unanga matengo ḇato 'o maḏibo di'a 'o pula'a 'ai murasa ma la ra Ma Jou'ongu Madutu! Sidogo ḏi'i unanga nena-ne, ngowa'a Yahudi ua!”

Lukas 17:18 Iomraidhean Croise

Matias 19:30

Mada'a ngowa'a repe ga'a nange-ne 'aḏi dadi ngowa'a la-lamo'o, ḏuanga i'a 'aḏi dadi ngowa'a ma pake ua. Re ngowa'a repe ga'a nange-ne 'aḏi dadi ngowa'a ma pake ua, ḏuanga i'a 'aḏi dadi ngowa'a la-lamo'o.”

Matias 20:16

“Dadi, ngowa'a ga'a ngowa'a mapake ua, ḏuanga i'a 'aḏi dadi ngowa'a la-lamo'o. Re ngowa'a ga'a ngowa'a la-lamo'o, ḏuanga i'a 'aḏi dadi ngowa'a mapake ua.”

Matias 8:10

Wakutu Yesus 'a 'isene Roma ma sordado ma sae'e 'o kanau so'o gena-ge togumu i'a, Unanga 'o heranga masala. Dadi Unanga 'o kanau i'a toma ngowa'a repe ga'a 'aḏi mete'e Unanga, “Ni ngaku mode-mode'e 'Ari demo-demo nena-ne: Toma ngowa'a Israel manga sigolona, Ngoi to sanga matengo i'a mai nyangu, ga'a 'ai ngo-ngaku ma de'e so'o nena-ne.

Matias 8:12

Momongolo ua ngowa'a Yahudi manga repe ga'a Ma Jou'ongu Madutu ro cumutu di'a dadi 'Ai 'umata, ananga gena-ge ḏuanga i'a 'aḏi sanga upa'a toma ngi'i hafu-hafu toma ḏuḏunu. Toma ngi'i gena-ge ananga ḏuanga i'a ya rerese ma gaḏi re ya doiti ma sangisara.”

Matias 9:8

Wakutu ngowa'a repe 'aḏi oḏi'i so'o gena, ananga 'aḏi mojongo re 'aḏi puji re silamo'o Ma Jou'ongu Madutu, sababu Unanga ro pula'a 'Ai kuasa lamo'o masala toma manusia.

Lukas 17:17

Ḏua Yesus 'o kanau, “Ngoi ta'u si-la ngowa'a nga nyagi moi, nga siworo ananga le'a?

Tingoýi 14:7

Mala'ekata gena-ge 'o kanau rai iḏingi siduga-duga: “Ni mojongo Ma Jou'ongu Madutu re ni puji re silamo'o 'Ai kabasarana, sababu ma 'orasa ri ngadolo di'a Ma Jou'ongu Madutu 'o sijuruhakimi manusia. Ni silamo'o re siḏubuso Unanga ga'a 'o sidadi 'ori i'a mo-moini: diwanga, tana'a, ngoloto re 'o ḇanyo ma utu'u mo-moini!”