Lukas 16:9 - Jaji ma Su-sungi

⁹ Ḏua Yesus 'o kanau moju, “Ngoi to siajele ra ngini nena-ne: Ni pake ninga 'ori i'a rana toma dungia nena-ne di'a ni riono ngowa'a lelegu re ni sanga ḏagilomu, la wakutu ma 'orasa enanga 'i ngadolo 'ori i'a rana gena-ge ma ijana ri cua, ananga ḏuanga i'a 'aḏi dawongo ngini toma soroga.

Lukas 16:9 Iomraidhean Croise

Matias 19:21

Yesus 'o kanau, “Na'o ngana mau no dadi ti-tiai, no maḏibo re na wu'unu 'ani 'ori i'a rana mo-moini, re ma pipisi na sibalangu toma ngowa-ngowa'a ma dinga'unu ua. Dadi, ngana ḏuanga i'a no sanga 'ori i'a rana mode-mode'e toma soroga. Togumu i'a no sapolo re no mete'e Ngoi!”

Matias 6:19

“Awa ni lomu harata toma dungia di'a ninga diri. Sababu enanga gena-ge nyengara 'i keho re nyanyao'o ya sijira re ngowa'a to-tori'i sapolo ya tori'i.

Matias 6:24

“Sanga ua, matengo 'o de-de'oso ti-tiai tuanga nga muḏiḏi! Sababu unanga 'ai 'akala re sinyingara 'i kucela: Unanga 'o lebe dadalara tuanga matengo reo tuanga ma lelegu. Bolo unanga 'o mete'e lebe cufala tai tuanga matengo reo tuanga ma lelegu. So'o gena ḏi'i, sanga ua ngini ni lomu harata toma dungia nena-ne simete'e ni de-de'oso ti-tiai Ma Jou'ongu Madutu!

Lukas 11:41

Ngini ninga moku re suḏe ma dara, balasu ni pula'a toma ngowa'a ma dinga'unu ua. Na'o ninga ga'a so'o gena-ge, ngini ni dadi 'ofi-'ofi ra Ma Jou'ongu Madutu 'ai momina.

Lukas 12:33

Ninga 'ori i'a rana na wu'unu re ma ijana ni pula'a toma ngowa'a ma dinga'unu ua. Na'o 'a'a so'o gena, ngini ni gogono 'ori i'a rana mode-mode'e toma soroga ma dara. Soroga gena-ge ma tero sa'olo harata ma ngi'i kama cira ua. Harata ga'a 'i sigare gena-ge ngowa'a to-tori'i ya tori'i yoḏu'u re ngingia mai reno yoḏu'u.

Lukas 14:14

Na'o ngana 'a'a so'o gena ḏuanga i'a ngana no bara'utungu. Sababu ngowa'a gena-ge ya balasa nga'unu ua ngana 'ani la. Mada'a ngana 'ani la, ḏuanga i'a Ma Jou'ongu Madutu 'a balasa wakutu ngowa'a loasa re banari dadunu 'aḏi 'ahu moju toma ngowa'a senge-sengene manga sigolona.”

Lukas 16:11

Dadi na'o ngini ni jaga la-la ua 'ori i'a rana toma dungia nena-ne singadolo ngowa'a 'aḏi ngaku ngini riwara, 'a guna nga'unu ngaku ngini ni jaga 'ori i'a rana mode-mode'e toma soroga?

Lukas 16:13

Budaka matengo i'a mai ua nga'unu 'o de-de'oso ti-tiai tuanga nga muḏiḏi! Sababu unanga 'ai 'akala re sinyingara 'i kucela: Unanga 'o lebe dadalara tuanga matengo reo tuanga ma lelegu. Bolo unanga 'o mete'e lebe cufala tai tuanga matengo reo tuanga ma lelegu. So'o gena ḏi'i, sanga ua ngini ni lomu harata toma dungia nena-ne simete'e ni de-de'oso ti-tiai Ma Jou'ongu Madutu!”

Lukas 16:4

Mada'a ngoi rari fikirana so'o ne: Ngoi balasu to disa ḏagilomu repe-repe, la wakutu tuanga 'o sitogumu ngoi 'ari munara, ananga gena-ge 'aḏi 'aro'o re 'aḏi dawongo ngoi ra ananga manga wala!’

Yesus 'ai so-soma'a 10:31

Unanga gena-ge 'o kanau, ‘Kornelius! Ma Jou'ongu Madutu 'a 'isene ḏua 'ani go-golo'o re 'a sidaioranga ua 'ani 'akala re sinyingara ma la-la toma ngowa-ngowa'a ma dinga'unu ua.

Yesus 'ai so-soma'a 10:4

Kornelius 'o talaḏi i'a rai mojongo re 'o kanau, “Ma Jou, rema 'oru?” Mala'ekata gena-ge 'o sangoro, “Ma Jou'ongu Madutu 'a 'isene 'ani go-golo'o ḏua re 'a sidaioranga ua 'ani 'akala re sinyingara ma la-la toma ngowa-ngowa'a ma dinga'unu ua.

2 Korintus 4:17

Nange-ne ngomi basono sangisara mada'a gena-ge 'i ti'ara ua re ḏubuso woḏi ua. Ḏuanga i'a ngomi mi sanga ngogele lai lamo'o. Re na'o site-tero ngogele gena-ge reo sangisara ga'a mi basono, ngogele gena-ge ma pari cua re kama ḏo-ḏogumu ua.

Yudas 1:21

Re ḏi'i balasu ni 'ahu 'eli-'elingi Ma Jou'ongu Madutu 'ai dadalara di'a ngini. Ni 'elingi tau-taunu gena-ge sa'olo ni totoma ni ngaku mode-mode'e mangale nanga Jou Yesus Kristus dadunu 'o sapolo moju. Re wakutu Ma Jou dadunu 'o sapolo moju, Unanga 'o pula'a 'ahu kasingado-ngadolo i'a ra ngini, sababu 'Ai 'akala re sinyingara ma la-la.