Lukas 16:8 - Jaji ma Su-sungi

⁸ Kalaha falalomu ma sae'e gena-ge 'ai 'akala re sinyingara 'i boloto ua, ngowa'a rema-enanga gena-ge 'u sitoro 'ai falalomu gena-ge sababu 'ai 'akala soro'unu masala. Sababu ngowa-ngowa'a 'aḏi 'ahu di'a dungia nena-ne, ananga 'aḏi lebe pahe mangale manga 'urusana toma ngowa-ngowa'a 'aḏi 'ahu di'a dungia nena-ne reo ngowa-ngowa'a 'aḏi 'ahu toma tarangi ma dara!”

Lukas 16:8 Iomraidhean Croise

Matias 12:32

'A guna ḇato 'o kanau cira mangale Ngoi, Manusia ma Ngowa'a Nau'u, unanga gena-ge 'ai ḏosa nga'unu singi-ngiranga. Mada'a 'a guna ḇato 'o kanau cira mangale Ma Ngagara 'Ofi-'Ofi, unanga 'ai ḏosa singi-ngiranga 'i yoḏu'u: bae toma dungia nena-ne, bae dungia ma su-sungi.”

Matias 17:26

Petrus 'a sangoro, “Ngowa'a sa-sapolo ino.” Yesus 'o kanau, “Na'o so'o gena, rayata paralu ua fangu balastengi.

Lukas 16:10

Ngowa'a ga'a 'aḏi jaga 'ori i'a ma je-jeka'a ngowa'a ya'u ngaku, ḏuanga i'a ngowa'a ya'u ngaku ḏi'i ya sijaga 'ori i'a ma la-lamo'o. Mada'a na'o ngowa'a ga'a 'aḏi jaga 'ori i'a ma je-jeka'a ngowa'a ya'u ngaku ua, ḏuanga i'a ngowa'a 'aḏi ngaku ua ḏi'i ya sijaga 'ori i'a ma la-lamo'o.

Lukas 16:4

Mada'a ngoi rari fikirana so'o ne: Ngoi balasu to disa ḏagilomu repe-repe, la wakutu tuanga 'o sitogumu ngoi 'ari munara, ananga gena-ge 'aḏi 'aro'o re 'aḏi dawongo ngoi ra ananga manga wala!’

Lukas 16:7

Gena ḏua, unanga 'o 'aro'o ngowa'a lelegu ḏi'i ga'a rai banyatoro re 'o sano, ‘ 'Ani banyatoro ma lamo'o sa'olo?’ Unanga 'o sangoro, ‘Gandum kadu cala moi.’ Falalomu ma sae'e gena-ge 'o kanau, ‘Ne 'ani banyatoro ma surata. Na lefo kadu latu tu'angere.’

Lukas 18:6

Ḏua Ma Jou 'o kanau, “ 'Isene la-la ino, juruhakimi ma 'adili ua 'ai demo-demo.

Lukas 20:34

Yesus 'a sangoro, “Ngowa-ngowa'a 'ahu toma dungia nena-ne biasa 'aḏi ma'u molo'ara.

Lukas 20:35

Mada'a toma dungia su-sungi so'o gena-ge ua. Ma Jou'ongu Madutu ḏuanga i'a 'o dadunu si'ahu moju ngowa'a ga'a patasa ra Unanga 'ai momina. Ananga gena-ge kama ma'u molo'ara ua.

Yohanes 12:36

Na'o tarangi gena-ge rema enanga moju ra ngini, ngini balasu ni ngaku tarangi gena-ge, la ni dadi ngowa-ngowa'a ga'a 'ahu toma tarangi gena-ge ma dara.” Wakutu Yesus 'o kanau ra ananga togumu i'a, Unanga masiretene 'o masijumu riwara toma mandan.

1 Korintus 3:18

Awa ni sihaga ninga diri masiretene. Na'o 'age taninga sigolona matengo i'a ga'a 'o ta'ajiri unanga ngowa'a 'akala soro'unu toma manusia ma momina; unanga gena-ge balasu 'o madadi sa'olo ngowa'a haga toma manusia ma momina, la unanga mode-mode'e ngowa'a 'akala soro'unu ra Ma Jou'ongu Madutu 'ai momina.

Efesus 5:8

'Au nga'ene, ngini ni 'ahu toma hafu-hafu, dadi ngini madiga'a so'o gena. Mada'a 'orasa nange-ne, ngini reni dadi Ma Jou 'ai 'umata, dadi ngini reni tegoro toma tarangi ma dara. Sababu gena-ge, ngini balasu 'ahu toma tarangi tau-taunu.

Filipi 3:19

Ma ḏo-ḏogumu tala, ngowa-ngowa'a ga'a 'aḏi 'ahu so'o gena, manga 'ahu 'i iranga sababu ananga 'aḏi silamo'o re siḏubuso manga nyafusu masiretene. Ananga 'aḏi matoro mangale manga de'oso re ḏegoro. Momongolo ua, sipula'a mara'a ananga masiretene. Ananga 'aḏi fikiri pa'i manga 'ahu toma dungia ḇato.

1 Tesalonika 5:5

Ngini mo-moini sa'olo ngowa'a ngaku Yesus ga'a ni 'ahu re ninga de'oso re ḏegoro ma tero sa'olo ngowa-ngowa'a ga'a 'ahu toma tarangi ma dara, sababu ngini reni ngaku Yesus. Sababu gena-ge, ngene mo-moini wo si'a'a awa 'oru i'a ma jira, sababu ngene wo 'ahu toma hafu-hafu riwara.

1 Petrus 2:9

Mada'a ngini ngowa-ngowa'a ga'a Ma Jou'ongu Madutu renu siwola i'a, re ngini ni dadi ma tero sa'olo 'Ai 'imam-'imam di'a munara ra Unanga sa'olo ninga 'Olana. Re ḏi'i, ngini ni dadi bangsa 'ofi-'ofi, re Unanga masiretene 'ai 'umata. Unanga 'o 'a'a so'o gena-ge, la ngini ni sihabari mangale 'Ai ga'a lai rousu. Unanga gena-ge ga'a 'O 'aro'o sisupu ngini toma hafu-hafu re 'O singosama ngini Tai tarangi ma dara ga'a ma pari cua.

1 Yohanes 3:10

Nena-ne 'i dadi didina'o rimoi mangale ngene nyengara wa oḏi'i enanga 'i ma'u rapu Ma Jou'ongu Madutu 'ai ngowa-ngowa'a reo 'Iblisi ma ngowa-ngowa'a: 'A guna ḇato ga'a si'a'a mete'e ua Ma Jou'ongu Madutu 'ai 'akala ma mau bolo manga dadalara 'i cua tamanga ioronongoḏu ngo-ngaku rimoi, ananga gena-ge Ma Jou'ongu Madutu 'ai ngowa-ngowa'a ua.