Lukas 16:31 - Jaji ma Su-sungi

³¹ Mada'a Abraham 'o kanau, ‘Kalaha ngowa'a sengene dadunu 'o 'ahu moju, tantu ḏua ananga ḏuanga i'a 'aḏi ngaku ua ḏi'i sababu ananga ya mete'e ua 'a Musa 'ai hukumu re nabi-nabi manga do-doto'o.’ ”

Lukas 16:31 Iomraidhean Croise

Lukas 16:30

Mada'a ngowa'a rema-enanga gena-ge 'a sangoro, ‘Baba Abraham, enanga gena-ge 'i tiai nyangu. Mada'a na'o ngowa'a sengene ḏua dadunu 'o 'ahu moju, 'o sapolo ra ananga, ananga ḏuanga i'a 'aḏi maḏibo toma ngo'omo boloto.’

Lukas 17:1

Yesus 'o kanau Tai me-mete'e, “Tantu ḏua 'ori i'a rimoi sigasa ngowa'a 'aḏi eta'a toma ḏosa, mada'a bahala 'a guna ḇato 'ai ga'a sigasa ngowa'a ma lelegu di'a eta'a toma ḏosa!

Yohanes 5:47

Mada'a ngini ni ngaku ua 'oru ga'a Musa 'a silefo ḏua. Dadi tantu ḏua, ngini ni ngaku ua ḏi'i 'oru ga'a Ngoi to siajele ra ngini!”

Yesus 'ai so-soma'a 19:8

Toma limau Efesus gena-ge, Paulus 'o singadolo re ma'u rubutu ra ananga mangale Ma Jou'ongu Madutu 'ai Pareta toma wala puji ma dara kama mojongo ua ma di'ara ngara ro'ange ma dara.

Yesus 'ai so-soma'a 26:28

Ḏua 'Olana Agripa 'o kanau ra Paulus, “Dadi ngana no ta'ajiri lai gapanga di'a no baja ngoi ḏua to dadi ngowa'a ngaku Yesus toma 'orasa nange-ne?!”

Yesus 'ai so-soma'a 28:23

Ḏua Paulus re ananga ya sitantukanga toma wangere rimoi ananga ma'u sanga. Toma wangere gena-ge, ngowa'a repe matai sapolo ra Paulus 'ai ngi'i. Da-daini i'a moju singadolo wangere so'o ne'o, Paulus 'a singadolo re 'a sitarangi ra ananga mangale Ma Jou'ongu Madutu 'ai Pareta. Unanga 'o pake 'a Musa re nabi-nabi manga boku ma bu-bula'a, la ananga 'aḏi ngaku Yesus sa'olo 'O Mesias.

2 Korintus 4:3

Mada'a 'age rema ngowa'a 'aḏi ngaku ua Habari Roanga ga'a ngomi ma singadolo ḏua. Ngowa'a gena-ge ma tero sa'olo ngowa'a ga'a manga fikirana 'i kuci, gena-ge ma tero sa'olo daku manga biono reo jujuwurungu. Re 'aḏi tagi toma ngo'omo sigasa toma naraka.

2 Korintus 5:11

Sababu gena-ge, ngomi mi silamo'o re mojongo nanga Jou Yesus sababu Unanga ḏuanga i'a 'O sijuruhakimi ngene. Dadi ngomi makutale mi baja ngowa-ngowa'a di'a 'aḏi ngaku Kristus. Ma Jou'ongu Madutu 'a waro ngomi minga 'akala re sinyingara ma dara re ngomi mi nganono ngini ḏi'i ni waro ngomi taninga 'akala re sinyingara ma dara.