Lukas 16:28 - Jaji ma Su-sungi

²⁸ 'Age ḏi'i 'ari ioro re nongoḏu nga mutoara da'a toma wala. No soma'a Lazarus 'o sipo-poma ananga, la awa singadolo ananga ḏi'i 'aḏi eta'a toma ngi'i sikisa so'o nena-ne.’

Lukas 16:28 Iomraidhean Croise

Lukas 16:27

Ngowa'a rema-enanga 'o kanau, ‘Na'o so'o gena, ngoi to golo'o nga'unu gari'a Baba no soma'a Lazarus 'o tagi tari ḇaḇa 'ai wala.

Yesus 'ai so-soma'a 10:42

Unanga 'o soma'a ngomi mi singadolo Habari Roanga toma ngowa'a mo-moini re mi pula'a sakisi mangale Ma Jou'ongu Madutu 'o 'utusu Yesus. Unanga gena-ge ḏuanga i'a 'o dadi Juruhakimi di'a ngowa'a 'ahu-'ahu re ngowa'a senge-sengene.

Yesus 'ai so-soma'a 18:5

Toma 'orasa gena-ge, 'a Silas ra Timotius 'aḏi sapolo toma limau Korintus da'u Makedonia tala. Sababu gena-ge, Paulus 'o pake 'ai 'orasa 'o singadolo Habari Roanga pa'i toma ngowa-ngowa'a Yahudi ḇato mangale Yesus: Unanga gena-ge 'O Kristus ga'a Ma Jou'ongu Madutu sijaji pasala ḏua.

Yesus 'ai so-soma'a 2:40

So'o gena 'a Petrus 'a sitarangi re 'o golo'o mode-mode'e ra ananga re rai demo ma repe ḏi'i 'a sida-dadunu ma betongo so'o ne: “Ngini balasu ni maḏibo toma ngo'omo boloto, la Ma Jou'ongu Madutu 'o sisalamata ngini toma bangsa ne ga'a 'aḏi madiga'a 'ori i'a ma jira. Ḏuanga i'a Ma Jou'ongu Madutu 'o sihukumu bangsa gena-ge.”

Yesus 'ai so-soma'a 20:21

So'o gena ḏi'i bae toma ngowa'a Yahudi bae toma ngowa'a Yahudi ua, ngoi tini si'elingi taunu, ngini balasu ni maḏibo toma ngo'omo boloto ra Ma Jou'ongu Madutu re ni ngaku Ma Jou Yesus.

Yesus 'ai so-soma'a 20:23

Ngoi pa'i ta waro toma limau mo-moini, Ma Ngagara 'Ofi-'Ofi 'i siajele pasala ḏua ra ngoi mangale ngoi to osama bui re to basono sangisara.

Yesus 'ai so-soma'a 20:24

Mada'a ngoi ta kalesanga ua mangale ngoi 'ari 'ahu. Ngoi balasu ta siḏuanga 'ari munara nena-ne ga'a Ma Jou Yesus 'a siwatasa ḏua ra ngoi di'a ta singadolo Habari Roanga mangale Ma Jou'ongu Madutu 'ai mura re dadalara singadolo 'ari 'ahu ma ḏo-ḏogumu.

Yesus 'ai so-soma'a 23:11

Ma ḇiḇini ino ma lobi'i tala, Ma Jou Yesus 'o made-de'oso ra Paulus 'ai gagoro re 'o kanau, “Na site'e tala 'ani 'akala re sinyingara, sababu ma tero sa'olo ngana masiretene no pula'a sakisi mangale Ngoi toma limau Yerusalem, so'o gena ḏi'i ḏuanga i'a, ngana no pula'a sakisi toma limau Roma.”

Yesus 'ai so-soma'a 26:22

Mada'a singadolo 'orasa nange-ne Ma Jou'ongu Madutu ri saolo ngoi dadi ngoi to 'ahu moju re to pula'a sakisi toma ngowa'a repe manga biono: bae ngowa'a la-lamo'o, bae ngowa'a ma pake ua. Dadi 'oru ga'a ngoi to siajele nange-ne, gena-ge enanga 'i supu ua 'oru ga'a nabi-nabi re 'a Musa ya siajele pasala ḏua:

Yesus 'ai so-soma'a 28:23

Ḏua Paulus re ananga ya sitantukanga toma wangere rimoi ananga ma'u sanga. Toma wangere gena-ge, ngowa'a repe matai sapolo ra Paulus 'ai ngi'i. Da-daini i'a moju singadolo wangere so'o ne'o, Paulus 'a singadolo re 'a sitarangi ra ananga mangale Ma Jou'ongu Madutu 'ai Pareta. Unanga 'o pake 'a Musa re nabi-nabi manga boku ma bu-bula'a, la ananga 'aḏi ngaku Yesus sa'olo 'O Mesias.

Yesus 'ai so-soma'a 8:25

Pasala i'a, ananga 'aḏi sijarita remanga wo-waro masiretene mangale Yesus Kristus tamanga 'ahu ma dara re 'aḏi singadolo Habari Roanga, kara Petrus re 'a Yohanes 'aḏi maḏibo toma limau Yerusalem. Tamanga ḏo-ḏagi gena-ge, wakutu ananga 'aḏi tuḏu toma gamu-gamu toma daeraha Samaria, ananga 'aḏi singadolo mangale Habari Roanga ḏi'i.

Galatia 5:3

Soi moi moju, ngoi to sipo-poma ra ngini ga'a mau ni masuna, ngini balasu ni siḏagi Musa 'ai hukumu mo-moini, la ni dadi ngowa'a kamanga sala ua ra Ma Jou'ongu Madutu 'ai momina.

Efesus 4:17

Sababu gena-ge, ngoi to kanau re to mate'e reo Ma Jou'ongu Madutu 'ai kuasa: Awa ni 'ahu ma tero sa'olo ngowa'a 'aḏi nana'o Ma Jou'ongu Madutu ua, re ga'a ninga fikirana ma faeda 'i cua.

1 Tesalonika 2:11

Ngini ni waro ngomi mi 'angoto ngini matengo-matengo ma tero sa'olo ḇaḇa matengo 'o 'angoto 'ai ngowa'a masiretene:

1 Tesalonika 4:6

Toma dara ma tero so'o gena-ge, awa ngini ni 'a'a sala bolo ni sihaga taninga ioronongoḏu ngo-ngaku rimoi. 'Au wali, ngomi mi sipo-poma ḏua ra ngini sababu na'o ni 'a'a so'o gena, Ma Jou'ongu Madutu nu sihukumu.