Lukas 16:26 - Jaji ma Su-sungi

²⁶ Sidogo ḏi'i, ngana re ngoi nanga sigolona 'age ngabanga lamo'o. Dadi ngowa'a da'a kaci moi, ino 'ane kaci moi yoḏu'u. So'o gena ḏi'i ngowa'a 'ane kaci moi, si'a da'a kaci moi yoḏu'u!’

Lukas 16:26 Iomraidhean Croise

Matias 25:46

Ḏua ngowa'a gena-ge ga'a Tari kuḇali, ananga 'aḏi tagi toma ngi'i di'a sanga hukumu kasingado-ngadolo i'a. Mada'a ngowa'a loasa re banari ga'a Tari kuwiḏa, ananga gena-ge 'aḏi tagi toma ngi'i lelegu di'a sanga 'ahu kasingado-ngadolo i'a.”

Lukas 12:59

Ngoi to siajele ra ngini nena-ne: Na'o na pula'a simoini nyangu 'ani bo-bangu, ngana no supu yoḏu'u toma bui!”

Lukas 16:25

Mada'a Abraham 'o sangoro, ‘ 'Ari ngowa'a, wakutu ngana no 'ahu moju ngana 'ani 'ahu enanga 'i pai-pai'i re 'ahu sanangi masala. Mada'a Lazarus unanga 'ai 'ahu enanga kangela. Toma 'orasa nena-ne unanga 'ai 'ahu enanga 'i sanangi re ngana 'ani 'ahu enanga 'i sangisara.

Lukas 16:27

Ngowa'a rema-enanga 'o kanau, ‘Na'o so'o gena, ngoi to golo'o nga'unu gari'a Baba no soma'a Lazarus 'o tagi tari ḇaḇa 'ai wala.

Yohanes 3:36

'A guna ga'a ngaku Ma Jou'ongu Madutu 'ai Ngowa'a Nau'u, unanga 'o sanga 'ahu kasingado-ngadolo i'a. Mada'a 'a guna ga'a 'o ngaku ua, unanga 'o sanga ua 'ahu kasingado-ngadolo i'a, mada'a ḏuanga i'a 'o sanga hukumu kasingado-ngadolo i'a.

Tingoýi 20:10

Gena ḏua, 'Iblisi ga'a sihaga bangsa-bangsa gena-ge, 'i sanga upa'a toma ngoloto u'u ma walira 'i leja-lejanga. Ngi'i gena-ge nyangu moju, siupa'a haiwani ma mulaingi re nabi sa-sakala. Ananga fara ro'ange ḏuanga i'a 'aḏi sanga sikisa lobi'i re wangere kasingado-ngadolo i'a.

Tingoýi 22:11

Ngowa'a ma jira, sieanga i'a 'aḏi 'a'a cira tau-taunu. Ngowa'a su-sudala, sieanga i'a 'aḏi madiga'a su-sudala tau-taunu. Ngowa'a ga'a 'aḏi 'a'a la-la re banari, sieanga i'a 'aḏi 'a'a la-la re banari tau-taunu. Re ngowa'a ga'a manga 'ahu 'ofi-'ofi, sieanga i'a 'aḏi maki-kiḏanga tau-taunu toma 'ori i'a ma jira.”