Lukas 16:24 - Jaji ma Su-sungi

²⁴ Ngowa'a rema-enanga 'o maḏigaro'o, ‘Baba Abraham, no sijumu 'Ani 'akala re sinyingara ma la-la ra ngoi, soma'a 'a Lazarus 'a tono 'ai rarag̱a toma ḇanyo kara 'o sapolo 'a sioḇoso 'ari yai'i, sababu ngoi to sangisara masala toma u'u ma dara!’

Lukas 16:24 Iomraidhean Croise

Matias 25:41

Gena ḏua, Ngoi 'Olana gena-ge to kanau toma ngowa-ngowa'a Tari kuḇali, ‘Ngini ngowa'a ma jira, ni tagi. Ni osama toma u'u ma lejanga ga'a kama sora-sora ua ga'a sidodahe ḏua di'a 'Iblisi re enanga ma mala'ekata-mala'ekata!

Matias 3:9

Awa ngini ni ta'ajiri taninga 'akala re sinyingara, ‘Ngomi mi sanga hukumu ua sababu Abraham ngomi minga ete re dotumu.’ Sababu Ngoi to siajele ra ngini nena-ne: Ma Jou'ongu Madutu nga'unu 'o sidadi maḏi-maḏi nena-ne 'i dadi Abraham 'ai ju'uda!

Matias 5:22

Mada'a Ngoi to siajele ra ngini nena-ne: 'A guna ḇato 'o ruta toma ngowa'a lelegu, unanga gena-ge ḏuanga i'a 'o sanga hukumu. Re 'a guna ḇato ga'a do-doana ngowa'a lelegu, unanga ḏuanga i'a sitalaḏi toma Mahkamah 'Agama. Mada'a 'a guna ḇato ga'a si'aro'o ‘Haga’ toma ngowa'a lelegu, unanga gena-ge ḏuanga i'a sanga upa'a toma naraka ma dara.

Lukas 16:30

Mada'a ngowa'a rema-enanga gena-ge 'a sangoro, ‘Baba Abraham, enanga gena-ge 'i tiai nyangu. Mada'a na'o ngowa'a sengene ḏua dadunu 'o 'ahu moju, 'o sapolo ra ananga, ananga ḏuanga i'a 'aḏi maḏibo toma ngo'omo boloto.’

Lukas 19:9

Ḏua Yesus 'o kanau, “Toma wangere nange-ne, ngana re 'ani were'a re 'ani ngowa-ngowa'a, Ma Jou'ongu Madutu 'o sisalamata ngini mo-moini sababu ngana ḏi'i mode-mode'e 'ani 'asala ra Abraham ino.

Lukas 3:8

Sijumu taninga de'oso re ḏegoro mangale ngini reni maḏibo mode-mode'e toma ngo'omo boloto! Awa ngini ni ta'ajiri taninga 'akala re sinyingara, ‘Ngomi mi sanga hukumu ua, sababu Abraham ngomi minga ete re dotumu.’ 'Elingi 'Ari demo nena-ne: Ma Jou'ongu Madutu nga'unu 'o sidadi maḏi-maḏi nena-ne 'i dadi Abraham 'ai ju'uda!

Yohanes 4:10

Yesus 'a sangoro, “Na'o ngana na waro mangale Ma Jou'ongu Madutu 'ai bu-bula'a re Ngoi nena-ne 'a guna ga'a to golo'o ka'e ra ngana, tantu ḏua, ngana masiretene ḏuanga i'a no golo'o ka'e ḇanyo ra Ngoi, re Ngoi to pula'a ḇanyo 'ahu ra ngana.”

Yohanes 4:14

Mada'a 'a guna 'o ka'e ḇanyo ga'a Ngoi to pula'a, ananga manga camala dudungu riwara nena re si'a. Sababu ḇanyo ga'a Ngoi to pula'a gena-ge enanga 'i dadi ḇanyo ma la'o tamanga lese ma dara ga'a 'i sipula'a ḇanyo 'ahu re 'ahu kasingado-ngadolo i'a.”

Yohanes 7:37

Toma wangere ma ḏo-ḏogumu laya suyu'u ma 'atu ate ma so'a, wangere gena-ge wangere ma lamo'o, Yesus 'o made-de'oso ra Ma Jou'ongu Madutu 'ai Wala ma soana, re 'o kanau rai iḏingi 'a siduga-duga: “Ngowa'a ga'a manga camala 'i dudungu, balasu 'aḏi sapolo ra Ngoi di'a 'aḏi ka'e!

Roma 4:12

So'o gena-ge ḏi'i, Abraham 'o dadi ḇaḇa rohani di'a ngowa'a Yahudi sababu pa'i ananga gena-ge raḏi masuna ḇato ua, mada'a sababu ananga ḏi'i manga 'ahu 'i sijumu manga ngo-ngaku ra Ma Jou'ongu Madutu, ma tero sa'olo Abraham wakutu unanga gena-ge 'o suna nyangu.

2 Tesalonika 1:8

Unanga ḏuanga i'a 'o 'uci da'u soroga tala Rai u'u leja-lejanga di'a sihukumu 'a guna ḇato 'aḏi nana'o ua Ma Jou'ongu Madutu, bolo mete'e ua Habari Roanga mangale Yesus nanga Jou.

Yakobus 2:13

Ma Jou'ongu Madutu ḏuanga i'a 'o sijuruhakimi kai 'akala re sinyingara ma la-la ua toma ngowa'a ga'a 'aḏi sijumu ua 'akala re sinyingara ma la-la, mada'a 'aḏi sijuruhakimi ngowa'a lelegu. Mada'a na'o ngowa'a ngaku Yesus 'aḏi sijumu 'akala re sinyingara ma la-la toma ngowa-ngowa'a, ḏuanga i'a Ma Jou'ongu Madutu 'o sijumu 'ai 'akala re sinyingara ma la-la toma ngowa'a gena-ge wakutu Unanga 'o sijuruhakimi ngowa'a mo-moini.

Yakobus 3:6

Yai'i ma tero sa'olo u'u gena-ge. Enanga 'i tegoro tananga lese sa'olo kajahatana ma cimi re nga'unu sijira nanga lese rimoi. Ganau toma yai'i gena-ge ma tero sa'olo u'u 'i sapolo toma naraka ino, enanga 'i ro'u nanga 'ahu simoini.

Tingoýi 19:20

Mada'a haiwani gena-ge re nabi sa-sakala ga'a 'aḏi 'a'a didina'o heranga toma haiwani gena-ge ma biono, ananga gena-ge 'aḏi sanga cako'o. (Nabi sa-sakala 'o 'a'a didina'o heranga gena-ge, la 'o sihaga ngowa-ngowa'a ga'a remanga nana'o haiwani gena-ge re ngowa-ngowa'a ga'a 'aḏi silamo'o re siḏubuso dulada haiwani gena-ge.) Ḏua haiwani re nabi-nabi sa-sakala gena-ge 'aḏi siupa'a koro-koro toma ngoloto u'u ga'a rema walira leja-lejanga.

Tingoýi 20:15

Ngowa'a mo-moini ga'a manga lomanga 'i silefo ua toma ngowa'a 'ahu-'ahu manga boku, ananga gena-ge 'aḏi siupa'a toma ngoloto u'u ma dara.

Tingoýi 22:1

Mala'ekata gena-ge 'o sijumu ra ngoi ḇanyo ma lese ga'a ma ḇanyo 'i pula'a 'ahu. Ḇanyo gena-ge 'i ciḏo-ciḏoto sa'olo kristal re 'i waloro re 'i 'uisi ra Ma Jou'ongu Madutu re ra Doba ma Ngowa manga ḏe-ḏegoro ino.