Lukas 16:2 - Jaji ma Su-sungi

² Dadi unanga 'o 'aro'o 'ai falalomu ma sae'e gena-ge re 'o kanau, ‘ 'Oru ga'a ngoi to 'isene ḏua mangale ngana? Dadi nange-ne ḏua na masijumu banyatoro ma boku. Ngana 'ani munara, ngoi tini sitogumu!’

Lukas 16:2 Iomraidhean Croise

Matias 12:36

Dadi Ngoi to siajele ra ngini nena-ne: Wakutu Kiamata ma Wangere 'i ngadolo, Ma Jou'ongu Madutu 'o sijuruhakimi ngowa'a manga demo re ganau mo-moini ga'a ma faeda 'i cua.

Matias 20:8

Wakutu wangere so'o ne'o ḏa ca'olo rarama, guḏa 'anggur ma dutu 'o kanau tai ngowa'a munara ma sae'e, ‘ 'Aro'o re lomu ngowa'a munara mo-moini, la ta fangu ananga matengo re matengo manga munara ma ngogele; mulaingi toma ngowa'a munara ga'a sapolo ma siḏo-ḏogumu singadolo ngowa'a munara ga'a 'aḏi sapolo ma mulaingi.’

Lukas 12:20

Mada'a Ma Jou'ongu Madutu 'o kanau i'a ra unanga, ‘Hei ngowa'a haga! Lobi'i nange-ne ḏua ngana no sengene. Dadi 'a guna 'a sanga 'ani 'ori i'a rana mo-moini ga'a na lomu ge?’

Lukas 12:42

Ma Jou 'a sangoro, “ 'Ade-'ade 'age rema budaka ga'a 'o 'uru-'urusu 'ori i'a rana re unanga 'o pahe re lao cufala sidagi 'ai munara singadolo ma tuanga 'o sitede 'u dadi sae'e tai falalomu sigolona di'a 'o pula'a ngo-ngoromo toma falalomu mo-moini wange moi-wange moi.

Lukas 16:1

Yesus 'o kanau Tai me-mete'e, “ 'Age rema ngowa'a matengo ngowa'a rema-enanga. Unanga rai falalomu ma sae'e ga'a pipisi ma gu-gu'u re 'uru-'urusu 'ai 'ori i'a rana. 'Age rema ngowa'a matengo 'o siajele toma ngowa'a rema-enanga gena-ge mangale falalomu ma sae'e 'a sihalibiru ngowa'a rema-enanga 'ai pipisi.

Lukas 16:3

Ḏua falalomu ma sae'e gena-ge 'o makanau tai 'akala re sinyingara ma dara, ‘Nange-ne ngoi balasu to 'a'a 'oru? Tuanga mau sitogumu ngoi 'ari munara: To mapatu, ta nga'unu ua; to golo-golo'o, ta mara'a.

Roma 14:12

Dadi ngene mo-moini matengo re matengo balasu masiajele mode-mode'e mangale ngene nanga de'oso re ḏegoro ra Unanga.

1 Korintus 1:11

'Ari ioronongoḏu ngo-ngaku rimoi, ngoi to sanga waro toma ngowa'a mamuni'a ra ngo Kloe 'ami ngitu re ngale, mangale ngini ma'u tolabe.

1 Korintus 4:2

Sidogo ḏi'i, siḏa-siḏa ngowa'a 'aḏi disa waro mangale falalomu-falalomu 'aḏi cufala bolo siḏagi ua manga tugasa.

1 Korintus 4:5

Sababu gena-ge ma wakutu ngadolo nyangu, awa ngini cautu i'a ni sijuruhakimi matengo i'a unanga rai sala bolo ua, mada'a totoma ḇato singadolo Ma Jou dadunu 'O sapolo moju. Unanga gena-ge ḏuanga i'a 'a welanga rahasia mo-moini ga'a nange-ne 'i go-gogono toma hafu-hafu ma dara moju. Unanga ḏi'i 'a sisupu manusia manga 'ulungu tamanga 'akala ma dara. Toma 'orasa gena-ge ḏi'i, Ma Jou'ongu Madutu ḏuanga i'a 'o sitoro ngowa'a mo-moini 'i mete'e manga munara ra Unanga.

2 Korintus 5:10

Sababu ngene mo-moini ḏuanga i'a wo talaḏi toma Juruhakimi, gena-ge Kristus. Re na'o ngene nanga ga'a 'i la-la toma dungia nena-ne, sanga ngogele. Mada'a na'o ngene nanga ga'a 'i cira, sanga ngogele ua.

1 Timotius 4:14

Awa ngana siwaro i'a ua no pake cocatu ra Ma Jou'ongu Madutu 'ai Ngagara 'Ofi-'Ofi ga'a sipula'a ḏua ra ngana, wakutu jama'ata ma bi-biri'i ya siteru manga giama ra ngana ni sae'e, re nabi-nabi ya singadolo Ma Jou'ongu Madutu 'ai bererongo ra ngana.

1 Timotius 5:24

Kalaha ngowa'a manga ḏosa ya sigasa ra Ma Jou'ongu Madutu nyangu di'a Unanga 'o sijuruhakimi, ngowa'a ya waro ḏua. Mada'a ngowa'a ma lelegu ḏi'i manga ḏosa ga'a ngowa'a ya waro nyangu, enanga gena-ge ḏuanga i'a 'i waiti, kara ya waro ḏi'i.

1 Petrus 4:10

Ngini matengo re matengo reni dawongo cocatu ma tero ua ga'a Ma Jou'ongu Madutu 'o pula'a mete'e 'Ai mura re dadalara. Sababu gena-ge, ngini balasu ni pake la-la cocatu gena-ge di'a ni ma'u riono matengo re matengo. Ngini balasu ni munara cufala ga'a Unanga ro siwatasa ra ngini.

1 Petrus 4:5

Mada'a ḏuanga i'a ananga masiretene ya sitarangi mangale manga de'oso re ḏegoro ra Ma Jou'ongu Madutu ga'a ḏuanga i'a 'O sijuruhakimi ngowa'a 'ahu-'ahu re ngowa'a senge-sengene mo-moini.

Tingoýi 20:12

Re ngoi to oḏi'i ngowa'a senge-sengene: ngowa'a ma pake ua re ngowa'a la-lamo'o 'aḏi made-de'oso toma ḏe-ḏegoro gena-ge ma biono. Ḏua boku-boku 'i welanga, kara singe-ngeta'a hukumu toma ngowa'a senge-sengene site-tero mete'e ananga manga ga'a 'i silefo toma boku-boku gena-ge ma dara. Re ḏi'i boku rimoi ma lelegu 'i welanga. Re boku gena-ge 'i si'aro'o ngowa'a 'ahu-'ahu manga boku.