Lukas 16:17 - Jaji ma Su-sungi

¹⁷ Mada'a lebe gapanga diwanga re dungia enanga 'i iranga reo Musa 'ai hukumu ma demo bale moi i'a mai ua 'i iranga.

Lukas 16:17 Iomraidhean Croise

Matias 5:18

Ni ngaku mode-mode'e 'Ari demo-demo nena-ne: Na'o diwanga re tana'a 'age rema enanga moju, hukumu ma hurufu ngai moi i'a mai ua wa singi-ngiranga, na'o mo-moini ra Musa 'ai hukumu gena-ge ma dara 'i dadi nyangu.

Lukas 21:33

Diwanga re dungia ḏuanga i'a 'i iranga, mada'a Ngoi 'ari demo-demo 'i iranga ua kasingado-ngadolo i'a.

Roma 3:31

Dadi sababu ngene wo ngaku Yesus, ngene wa upa'a Musa 'ai hukumu bolo ua?! Sanga Ua! Siḏibo ḏi'i sababu nanga ngo-ngaku, ngene nga'unu wa sitotomo mode-mode'e Musa 'ai hukumu gena-ge.

1 Petrus 1:25

Mada'a Ma Jou'ongu Madutu 'ai demo, kama iranga ua kasingado-ngadolo i'a.” Demo gena-ge Habari Roanga ga'a ri singadolo ra ngini.

2 Petrus 3:10

Mada'a Ma Jou 'ai Wangere ḏuanga i'a 'i ngadolo ma tero sa'olo ngowa'a to-tori'i. Toma wangere gena-ge diwanga 'i iranga rema rurusu lai siḏi, re 'ori i'a i'a mo-moini toma diwanga 'i ro'u mo-moini. Re dungia re ma dara mo-moini, enanga 'i iranga.

Tingoýi 20:11

Gena ḏua, ngoi to oḏi'i ḏe-ḏegoro lamo'o bu-buḏo rimoi re Ma Jou'ongu Madutu 'o maḏegoro toma ḏe-ḏegoro gena-ge ma re'u. Diwanga re dungia 'i iranga ra Unanga 'ai biono, singadolo kama oḏi'i riwara.

Tingoýi 21:1

Ḏua ngoi to oḏi'i diwanga su-sungi re dungia su-sungi sababu diwanga ma siḏa re dungia ma siḏa ri iranga re oḏi'i ngoloto riwara,

Tingoýi 21:4

Unanga 'o singi-ngiranga ananga manga la'o ma 'ongoro. Kama sengene riwara, kama 'akala kangela riwara, kama rerese ma gaḏi riwara bolo kama basono si-siḏi riwara. Sababu 'ori i'a ma siḏa gena-ge ri iranga mo-moini ḏua.”