Lukas 16:14 - Jaji ma Su-sungi

¹⁴ Ngowa-ngowa'a Farisi ya 'isene mo-moini ga'a Yesus 'o kanau mada'a ananga 'aḏi nye-nyelo'o Unanga sababu ananga 'aḏi nyafusu pipisi.

Lukas 16:14 Iomraidhean Croise

Matias 23:13

“Bahala ra ngini guru-guru 'agama re ngowa-ngowa'a Farisi! Ngini, ngowa'a munafiki! Ngini ni simaha ua ngowa'a 'aḏi osama nyo-nyoimi toma Soroga ma Pareta. Ngini masiretene ni oḏu'u osama nyo-nyoimi toma Soroga ma Pareta, re ni dola'aku ngowa'a lelegu ga'a mau osama nyo-nyoimi toma Soroga ma Pareta. [

Matias 9:24

Unanga 'o kanau ra ananga, “Ngini ni supu mo-moini. Ngowa 'olo nena-ne mo sengene ua munanga pa'i mo otu ḇato.” Ananga mo-moini 'aḏi nye-nyelo'o Unanga.

Lukas 12:15

Gena ḏua, Yesus 'o kanau i'a toma ngowa'a repe, “Ni ma'istiari! Awa singadolo ni da-danata. Sababu, kalaha ni masidowunu 'ori i'a rana toma dungia, manusia manga 'ahu ma cimi 'i tegoro ua toma 'ori i'a rana gena-ge!”

Lukas 20:47

Ananga 'aḏi sihaga balo-balo, re ya'u ra-rabasa ananga manga 'ori i'a rana tamanga wala ma dara. Re ananga 'aḏi manyiata lai kiḏa-kiḏanga di'a ya damunu manga kajahatana. Sababu gena-ge, Ma Jou'ongu Madutu ḏuanga i'a 'o sihukumu lai tubuso madutu ra ananga!”

Lukas 23:35

Ngowa'a kawasa 'aḏi matai sapolo toma ngi'i gena-ge di'a uningi 'a Yesus. Yahudi manga bi-biri'i 'aḏi je-jengere Unanga, re 'aḏi kanau, “Na'o Unanga mode-mode'e 'O Kristus ga'a Ma Jou'ongu Madutu 'o cumutu ḏua, tai'i i'a nange-ne Unanga masiretene 'a sisalamata 'Ai diri ma tero sa'olo 'O sisalamata ngowa'a ma lelegu.”

Lukas 8:53

Ananga 'aḏi nye-nyelo'o 'a Yesus, sababu ananga 'aḏi waro ngowa 'olo were'a gena-ge remo sengene.

2 Timotius 3:2

Toma 'orasa gena-ge, ngowa'a 'aḏi kalesanga pa'i manga 'ahu masiretene, 'aḏi mafikiri pa'i pipisi, 'aḏi matoro, 'aḏi momole, 'aḏi jajaha demo, 'aḏi 'isene bi-biri'i ua, 'aḏi si'a'a ua murasa ma la, re 'aḏi emono 'ori i'a 'ofi-'ofi.

'Ibrani 11:36

Ananga nga muḏuo i'a 'aḏi sanga je-jengere, 'aḏi sanga ca'olo. Ananga nga muḏuo i'a ga'a 'aḏi sanga piri'u reo rate, re singosama toma bui.