Lukas 16:13 - Jaji ma Su-sungi

¹³ Budaka matengo i'a mai ua nga'unu 'o de-de'oso ti-tiai tuanga nga muḏiḏi! Sababu unanga 'ai 'akala re sinyingara 'i kucela: Unanga 'o lebe dadalara tuanga matengo reo tuanga ma lelegu. Bolo unanga 'o mete'e lebe cufala tai tuanga matengo reo tuanga ma lelegu. So'o gena ḏi'i, sanga ua ngini ni lomu harata toma dungia nena-ne simete'e ni de-de'oso ti-tiai Ma Jou'ongu Madutu!”

Lukas 16:13 Iomraidhean Croise

Matias 4:10

Yesus 'a sangoro, “ 'Iblisi no sisoi'i tala ngoi. Toma Boku 'Ofi-'Ofi ma dara 'i silefo so'o ne: ‘Silamo'o re siḏubuso Ma Jou'ongu Madutu, 'ani Jou re de-de'oso pa'i Unanga ḇato.’ ”

Matias 6:24

“Sanga ua, matengo 'o de-de'oso ti-tiai tuanga nga muḏiḏi! Sababu unanga 'ai 'akala re sinyingara 'i kucela: Unanga 'o lebe dadalara tuanga matengo reo tuanga ma lelegu. Bolo unanga 'o mete'e lebe cufala tai tuanga matengo reo tuanga ma lelegu. So'o gena ḏi'i, sanga ua ngini ni lomu harata toma dungia nena-ne simete'e ni de-de'oso ti-tiai Ma Jou'ongu Madutu!

Lukas 11:23

'A guna marimoi ra Ngoi ua, unanga gena-ge mode-mode'e 'o malawana Ngoi, re 'a guna riono Ngoi ua, unanga gena-ge mode-mode'e 'a dola'aku Ngoi 'ari munara.”

Lukas 14:26

“Na'o ngowa'a matengo i'a 'o mau mete'e Ngoi, mada'a lebe dadalara 'ai ngina, ḇaḇa, were'a, ngowa-ngowa'a, ioro re nongoḏu, re sidogo ḏi'i 'ai diri masiretene, unanga 'o dadi Ngoi 'ari me-mete'e yoḏu'u.

Lukas 16:12

Na'o ngini ni jaga la-la ua ngowa'a ma lelegu manga 'ori i'a rana singadolo ananga 'aḏi ngaku ngini riwara, 'a guna nga'unu 'o pula'a 'ori i'a rana toma soroga di'a ngini masiretene!

Lukas 16:9

Ḏua Yesus 'o kanau moju, “Ngoi to siajele ra ngini nena-ne: Ni pake ninga 'ori i'a rana toma dungia nena-ne di'a ni riono ngowa'a lelegu re ni sanga ḏagilomu, la wakutu ma 'orasa enanga 'i ngadolo 'ori i'a rana gena-ge ma ijana ri cua, ananga ḏuanga i'a 'aḏi dawongo ngini toma soroga.

Lukas 9:50

Yesus 'o kanau i'a ra ananga mo-moini, “Awa ni simaha ua unanga, sababu 'a guna ga'a lawana ngini ua, ananga 'aḏi marimoi ra ngini.”

Yakobus 4:4

Ngini ni mete'e ua Ma Jou'ongu Madutu 'ai bererongo re 'Ai do-doto'o ma tero sa'olo we-were'a matengo rami nau'u mo ma'u pake re na-nau'u lelegu! Ngini ni waro bolo ua, na'o ngini ni mau mete'e dungia ma nyafusu ngini ni maḏagilomu reo dungia re ngini ni malawana ra Ma Jou'ongu Madutu ḏi'i! Sababu gena-ge, 'a guna ḇato 'o dadi dungia ma ḏagilomu, unanga gena-ge 'o dadi Ma Jou'ongu Madutu 'ai lawana.