Lukas 16:11 - Jaji ma Su-sungi

¹¹ Dadi na'o ngini ni jaga la-la ua 'ori i'a rana toma dungia nena-ne singadolo ngowa'a 'aḏi ngaku ngini riwara, 'a guna nga'unu ngaku ngini ni jaga 'ori i'a rana mode-mode'e toma soroga?

Lukas 16:11 Iomraidhean Croise

Matias 6:24

“Sanga ua, matengo 'o de-de'oso ti-tiai tuanga nga muḏiḏi! Sababu unanga 'ai 'akala re sinyingara 'i kucela: Unanga 'o lebe dadalara tuanga matengo reo tuanga ma lelegu. Bolo unanga 'o mete'e lebe cufala tai tuanga matengo reo tuanga ma lelegu. So'o gena ḏi'i, sanga ua ngini ni lomu harata toma dungia nena-ne simete'e ni de-de'oso ti-tiai Ma Jou'ongu Madutu!

Lukas 12:33

Ninga 'ori i'a rana na wu'unu re ma ijana ni pula'a toma ngowa'a ma dinga'unu ua. Na'o 'a'a so'o gena, ngini ni gogono 'ori i'a rana mode-mode'e toma soroga ma dara. Soroga gena-ge ma tero sa'olo harata ma ngi'i kama cira ua. Harata ga'a 'i sigare gena-ge ngowa'a to-tori'i ya tori'i yoḏu'u re ngingia mai reno yoḏu'u.

Lukas 16:12

Na'o ngini ni jaga la-la ua ngowa'a ma lelegu manga 'ori i'a rana singadolo ananga 'aḏi ngaku ngini riwara, 'a guna nga'unu 'o pula'a 'ori i'a rana toma soroga di'a ngini masiretene!

Lukas 16:9

Ḏua Yesus 'o kanau moju, “Ngoi to siajele ra ngini nena-ne: Ni pake ninga 'ori i'a rana toma dungia nena-ne di'a ni riono ngowa'a lelegu re ni sanga ḏagilomu, la wakutu ma 'orasa enanga 'i ngadolo 'ori i'a rana gena-ge ma ijana ri cua, ananga ḏuanga i'a 'aḏi dawongo ngini toma soroga.

Lukas 18:22

Yesus 'a 'isene so'o gena re 'o kanau, “Ma jingianga rimoi moju, ngana balasu na si'a'a: Na wu'unu 'ani 'ori i'a rana mo-moini, re ma pipisi na sibalangu toma ngowa-ngowa'a ma dinga'unu ua. Dadi ngana ḏuanga i'a no sanga 'ori i'a rana mode-mode'e toma soroga. Togumu i'a no sapolo re no mete'e Ngoi.”

Efesus 3:8

Pa'i ngoi ḇato kari ijana ua ra Ma Jou'ongu Madutu 'ai 'umata mo-moini. Mada'a sababu Ma Jou'ongu Madutu 'ai mura re dadalara Unanga 'a siwatasa munara ra ngoi di'a to singadolo toma ngowa-ngowa'a Yahudi ua mangale 'Ai barakati ga'a kama moini ua sababu 'a Kristus.

Yakobus 2:5

'Ari ioronongoḏu ngo-ngaku rimoi ga'a ngoi tini dadalara. 'Elingi, ngowa'a ma dinga'unu ua toma dungia, Ma Jou'ongu Madutu ya'u cumutu dadi ngowa'a rema-enanga toma ngo-ngaku ma dara. Ngowa'a gena-ge, ḏuanga i'a 'aḏi sanga bara'utungu ra Ma Jou'ongu Madutu 'ai Pareta ma tero sa'olo 'O sijaji pasala ḏua ra guna ḇato 'aḏi dadalara Unanga.

Tingoýi 3:18

Sababu gena-ge, Ngoi to pula'a duga re domolo ra ngini: Ni tibo Ngoi 'ari guraci ga'a guraci madutu, la ni dadi ngowa'a rema-enanga. So'o gena-ge ḏi'i, ni tibo pakeanga buḏo ra Ngoi, la ni daku ninga mara'a. Re ngini ni tibo 'o sou'u di'a ni si'ese ninga la'o, la ni oḏi'i tarangi.