Lukas 15:6 - Jaji ma Su-sungi

⁶ kara 'a siḏibo re 'o 'aro'o 'ai ḏagilomu-ḏagilomu re wala-wala sebanga re 'o kanau, ‘Ino ngene wo monere. 'Ari doba ga'a 'i iranga ta sanga ḏua!’

Lukas 15:6 Iomraidhean Croise

Lukas 1:58

Wakutu wala-wala sebanga re 'ami ioro re nongoḏu ya 'isene Ma Jou'ongu Madutu 'o sijumu 'Ai 'akala re sinyingara ma la-la masala ra ngo Elisabet, ananga ḏi'i 'aḏi maroanga ma tero sa'olo ngo Elisabet mo maroanga.

Lukas 15:10

Ngoi to siajele ra ngini nena-ne: So'o gena ḏi'i, Ma Jou'ongu Madutu re 'Ai mala'ekata 'aḏi monere na'o ngowa'a baraḏosa matengo ro maḏibo toma ngo'omo boloto.”

Lukas 15:24

Sababu 'ari ngowa'a nau'u nena-ne ma tero sa'olo ro sengene ḏua, mada'a nange-ne unanga ma tero sa'olo dadunu 'o 'ahu moju. Unanga ro iranga, mada'a dadunu wo sanga moju.’ Ḏua ananga 'aḏi mulaingi 'a'a ma laya.

Lukas 15:5

Re unanga 'o maroanga madutu wakutu unanga ra sanga doba gena-ge, 'a kuluḇe re 'a gasa

Lukas 15:7

Ngoi to siajele ra ngini nena-ne: So'o gena ḏi'i, toma soroga lebe roanga na'o manusia baraḏosa ga'a ro ḏibo toma ngo'omo boloto reo ngowa'a nga nyagi siworo re nga siworo ga'a ḏibo toma ngo'omo boloto ua, sababu raḏi loasa re banari.”

Yohanes 15:14

Na'o ngini ni siḏagi 'Ari parenta taninga 'ahu, ngini ni dadi 'Ari ḏagilomu.

Yohanes 3:29

Geri molo'ara we-were'a gena-ge di'a geri molo'ara na-nau'u. Geri molo'ara na-nau'u 'ai ḏagilomu pa'i totoma re 'o 'isene di'a unanga 'ai sapolo. Unanga gena-ge 'o maroanga na'o 'o 'isene geri molo'ara na-nau'u 'ai iḏingi. Ngoi nena-ne ma tero sa'olo geri molo'ara na-nau'u 'ai ḏagilomu. Sababu gena-ge, ngoi 'ari roanga 'i ti-tiai sababu 'oru ga'a ngini reni siajele ra ngoi.

Yesus 'ai so-soma'a 11:23

Wakutu Barnabas 'o ngadolo toma limau Antiokhia, unanga oḏi'i nana'o mangale Ma Jou'ongu Madutu 'ai mura re dadalara 'i tegoro ra ananga. Dadi unanga 'ai 'akala re sinyingara 'i maroanga. Barnabas 'o golo'o ananga gena-ge 'aḏi mete'e re 'aḏi ngaku Ma Jou Yesus tau-taunu remanga 'akala re sinyingara mode-mode'e.

Yesus 'ai so-soma'a 15:3

Ḏua, jama'ata Antiokhia 'aḏi singata'a ananga singadolo sisupu toma limau, kara 'aḏi tagi tutumu jama'ata-jama'ata toma daeraha Fenisia re daeraha Samaria. I'a da'a, ananga 'aḏi siajele mangale ngowa-ngowa'a Yahudi ua 'aḏi dadi ngowa'a ngaku Yesus. Ngowa-ngowa'a ya 'isene habari gena-ge 'aḏi maroanga masala.

Filipi 1:4

Re toma 'orasa 'oru ḇato ngoi to manyiata di'a 'ari ioronongoḏu ngo-ngaku rimoi ngini mo-moini, ngoi to manyiata tau-taunu rari 'akala re sinyingara ma roanga.

Filipi 2:17

Ngowa'a ḏa 'aḏi sisengene ngoi re 'ari ngaunu 'i dadi ma tero sa'olo 'anggur di'a jou-jou ra Ma Jou'ongu Madutu. 'Anggur di'a jou-jou gena-ge ga'a enanga ya siajala toma jou-jou haiwani ma re'u. Haiwani di'a jou-jou gena-ge ma tero sa'olo ninga munara di'a Ma Jou'ongu Madutu sababu ngini ninga ngo-ngaku. Na'o 'i dadi so'o gena, ngoi to sibere ie 'ari 'akala re sinyingara re to maroanga mamete'e ra ngini.

Filipi 4:1

Sababu gena-ge, 'ari ioronongoḏu ngo-ngaku rimoi ga'a ngoi tini dadalara re tini duka, ngini nena-ne ga'a 'ari roanga re si'a'a ngoi 'ari biono gau'u, ngini balasu ni macako'o namo-namoto ra Ma Jou re ni ngaku mode-mode'e Unanga tau-taunu.

1 Tesalonika 2:19

Ngomi mi mau tutumu ngini sababu ngini ni macako'o namo-namoto ra Yesus. Sababu gena-ge, ngini gena-ge ngomi minga ngo-nganono re ni si'a'a ngomi maroanga. Re wakutu Ma Jou Yesus dadunu 'o sapolo moju re ngene wo talaḏi Unanga, ngini ni dadi ngomi minga biono gau'u.

1 Petrus 2:10

Ma siḏa ngini ni osama nyo-nyoimi nyangu ra Unanga 'ai 'umata, mada'a toma 'orasa nange-ne ngini reni osama nyo-nyoimi ra Unanga 'ai 'umata. Ma siḏa ngini ni basono nyangu Unanga 'ai 'akala re sinyingara ma la-la, mada'a 'orasa nange-ne ngini reni basono Unanga 'ai 'akala re sinyingara ma la-la.

1 Petrus 2:25

Ma siḏa ninga 'ahu ma tero sa'olo doba 'i iranga. Mada'a nange-ne ngini sanga siḏibo di'a mete'e Unanga gena-ge ninga Sowohi ga'a 'O sioḏi'i ninga nyawa.