Lukas 15:30 - Jaji ma Su-sungi

³⁰ Mada'a Baba 'ani ngowa'a nau'u gena-ge ra simoini 'ai pipisi toma we-were'a ma jira. Kalaha so'o gena, Baba no tola'a sapi ma ngowa rimoi ma lese lebe rousu di'a unanga wakutu 'o maḏibo.’

Lukas 15:30 Iomraidhean Croise

Markus 12:44

Ananga mo-moini 'aḏi pula'a ra manga 'ori i'a rana pai-pai'i. Mada'a were'a balo gena-ge 'ami 'ahu 'i ma dinga'unu ua. 'Ami pipisi di'a munanga 'ami 'ahu masiretene mai mo pula'a ma simoini.”

Lukas 15:29

Mada'a ngowa'a nau'u ma ioro gena-ge 'o kanau, ‘Ngoi to munara ma tero sa'olo budaka di'a ngana ma di'ara rema musu-musungu ḏua. Soi moi i'a mai nyangu to sangoro 'ani demo. Mada'a ngana no pula'a 'abingi ma ngowa rimoi i'a mai ua ra ngoi, la ngoi to 'a'a laya rari ḏagilomu.

Lukas 15:31

Ma ḇaḇa 'o sangoro, ‘ 'Ari ngowa'a nau'u, ngana no tegoro tau-taunu 'ane ra ngoi re 'oru ga'a ta ngoi gena-ge ta ngana ḏi'i.

Lukas 15:32

Mada'a ngene balasu wo monere re wo 'a'a laya sababu 'ani nongoḏu gena-ge ro sengene, nange-ne dadunu 'o 'ahu moju, unanga ro iranga mada'a nange-ne dadunu 'o maḏibo moju!’ ”

Lukas 18:11

Ngowa'a Farisi gena-ge 'o te'oso kara 'o manyiata mangale 'ai diri masiretene, ‘Ya Ma Jou'ongu Madutu ngoi to pula'a murasa ma la, sababu ngoi to ma tero ua ngowa'a lelegu: ngowa'a ga'a tori'i, 'akala re sinyingara 'i boloto ua, tinikai bolo ma tero sa'olo ngowa'a golo-golo'o balastengi nena-ne.