Lukas 15:28 - Jaji ma Su-sungi

²⁸ Ngowa'a nau'u ma ioro, unanga 'o porata lai siḏi singadolo 'o oḏu'u osama toma wala ma dara. Ḏua ma ḇaḇa 'o supu re 'o baja, la 'o osama.

Lukas 15:28 Iomraidhean Croise

Matias 20:11

Wakutu ananga 'aḏi sanga manga pipisi gena-ge, ananga 'aḏi kuḏubungu toma guḏa 'anggur ma dutu re 'aḏi kanau,

Markus 1:40

Ngowa'a matengo si-siḏi 'eno'o 'o sapolo re 'o maḏipolono re 'o madigaro'o ra Yesus, “Na'o No nyengara, No si-la ngoi.”

Lukas 13:34

Yerusalem, Yerusalem! Ngini, ngowa'a Yerusalem ga'a 'aḏi sisengene nabi-nabi re ni poini reo maḏi Ma Jou'ongu Madutu 'ai 'utusana singadolo 'aḏi sengene! Soi muḏuo i'a ḏua, Ngoi mau tini saolo ngini ma tero sa'olo namo ma ngina ya worongo ma ngowa-ngowa toma kalatu'u ma 'aḏu, mada'a ngini ni oḏu'u!

Lukas 15:2

Ngowa-ngowa'a Farisi re guru-guru 'agama mulaingi 'aḏi kuḏubungu re 'aḏi kanau, “Unanga ne 'o dawongo ngowa-ngowa'a baraḏosa re 'aḏi oromo mamete'e ra Unanga!”

Lukas 15:27

Falalomu gena-ge 'a sangoro, ‘Tuanga 'ani nongoḏu ro sapolo re Tuanga 'ani ḇaḇa 'o soma'a tola'a sapi ma ngowa rimoi ma lese lai rousu, sababu Unanga dadunu 'o sanga moju 'ai ngowa'a nau'u toma salamata ma dara!’

Lukas 15:29

Mada'a ngowa'a nau'u ma ioro gena-ge 'o kanau, ‘Ngoi to munara ma tero sa'olo budaka di'a ngana ma di'ara rema musu-musungu ḏua. Soi moi i'a mai nyangu to sangoro 'ani demo. Mada'a ngana no pula'a 'abingi ma ngowa rimoi i'a mai ua ra ngoi, la ngoi to 'a'a laya rari ḏagilomu.

Lukas 24:47

Re ngowa-ngowa'a ḏuanga i'a 'aḏi singadolo habari rea Kristus gena-ge 'ai kuasa toma suku-suku mangale manusia balasu 'aḏi maḏibo toma ngo'omo boloto, la Ma Jou'ongu Madutu 'a singi-ngiranga manga ḏosa. Habari nena-ne balasu sirera re siwalata mulaingi toma limau Yerusalem singadolo toma dungia sitabi donga.

Lukas 5:30

Ngowa'a Farisi nga muḏuo i'a re ananga manga guru-guru 'agama ananga 'aḏi sanangi ua. Dadi ananga 'aḏi kanau i'a ra Yesus 'ai me-mete'e, “I'a sa'olo ngini mo-moini ni oromo mamete'e reo ngowa'a golo-golo'o balastengi re ngowa'a baraḏosa?”

Lukas 7:39

Wakutu ngowa'a Farisi ga'a saele Yesus nange-ge 'o oḏi'i so'o gena, unanga 'o kanau tai 'akala re sinyingara ma dara, “Na'o Unanga nena-ne nabi Unanga 'a waro ḏua we-were'a ga'a mo cigi Unanga, munanga gena-ge ngo guna. We-were'a nena-ne mo 'ahu toma ḏosa ma dara.”

Yesus 'ai so-soma'a 13:45

Wakutu ngowa'a Yahudi 'aḏi oḏi'i ngowa'a kawasa, ananga manga 'akala re sinyingara 'i go-goḏi masala. Sababu gena-ge, ananga 'aḏi je-jengere 'a Paulus re 'aḏi lawana unanga 'ai demo mo-moini.

Yesus 'ai so-soma'a 13:50

Mada'a ngowa-ngowa'a Yahudi 'aḏi baja ngowa'a la-lamo'o re ngowa'a la-lamo'o manga we-were'a ga'a 'aḏi silamo'o re mojongo Ma Jou'ongu Madutu toma limau gena-ge, la 'aḏi lawana 'a Paulus re 'a Barnabas singadolo ngowa-ngowa'a gena-ge 'aḏi bo-bosono. Sababu gena-ge, ngowa'a Yahudi ya'u dusu'u ananga nga muḏiḏi toma daeraha gena-ge.

Yesus 'ai so-soma'a 14:19

'Age ngowa'a Yahudi nga muḏuo i'a toma limau Antiokhia — toma daeraha Pisidia re limau Ikonium ḏi'i, 'aḏi tagi toma limau Listra — ananga 'aḏi baja ngowa-ngowa'a toma limau gena-ge singadolo manga repe 'aḏi lawana 'a Paulus re 'a Barnabas. Ananga 'aḏi poini 'a Paulus reo maḏi, kara 'u taba'a unanga re 'u sisupu toma limau ma ḏuḏunu sababu 'aḏi ta'ajiri unanga ro sengene.

Yesus 'ai so-soma'a 14:2

Sababu gena, Paulus re 'a Barnabas ananga 'aḏi tegoro 'age lai ti'ara. Ananga 'aḏi mojongo ua 'aḏi kanau mangale Ma Jou Yesus. Sababu Ma Jou'ongu Madutu 'age ra ananga re 'O pula'a kuasa ra ananga singadolo 'aḏi 'a'a didina'o heranga re 'ori i'a hera-heranga. Mada'a ngowa'a Yahudi ga'a 'aḏi ngaku Yesus ua, ananga 'aḏi dola'aku re 'aḏi baja ngowa'a Yahudi ua, la 'aḏi bo-bosono toma ngowa'a ngaku Yesus.

Roma 10:19

Mada'a ngoi to sano ḏi'i: Mode-mode'e ngowa'a Israel ya sahe nyangu habari gena-ge?! Tantu ḏua reya sahe! Siḏa-siḏa 'a Musa 'o kanau: “Ma Jou'ongu Madutu 'o kanau so'o ne, ‘Ngoi ḏuanga i'a to si'a'a ngini ninga 'akala si-siḏi toma bangsa ga'a 'Ari 'umata ua. Re Ngoi tini 'a'a ngini ni ruta toma bangsa ga'a nana'o Ngoi ua.’ ”

2 Korintus 5:20

Sababu gena-ge, ngomi remi dadi Kristus 'ai 'utusana. Enanga ma tero sa'olo Ma Jou'ongu Madutu masiretene 'o pake ngomi di'a siajele 'Ai demo-demo ra ngini. Dadi ngomi mi golo'o mode-mode'e ra ngini rea Kristus 'ai lomanga: Ni marimoi ra Ma Jou'ongu Madutu!

1 Tesalonika 2:16

Ananga gena-ge 'aḏi dola'aku ngomi, la mi singadolo awa Habari Roanga mangale salamata toma ngowa-ngowa'a Yahudi ua la ananga 'aḏi sanga salamata awa. Ma duhu so'o gena-ge, ananga manga ḏosa 'i madogo-dogo taunu singadolo ma ju-juguri 'i romanga. Sababu gena-ge, Ma Jou'ongu Madutu 'o ruta re ḏuanga i'a 'O sihukumu ananga.