Lukas 15:24 - Jaji ma Su-sungi

²⁴ Sababu 'ari ngowa'a nau'u nena-ne ma tero sa'olo ro sengene ḏua, mada'a nange-ne unanga ma tero sa'olo dadunu 'o 'ahu moju. Unanga ro iranga, mada'a dadunu wo sanga moju.’ Ḏua ananga 'aḏi mulaingi 'a'a ma laya.

Lukas 15:24 Iomraidhean Croise

Matias 8:22

Mada'a Yesus 'o sangoro ra unanga, “Ino mete'e Ngoi! Sieanga i'a ḇato ngowa'a sengene 'aḏi palihara ngowa'a sengene.”

Markus 8:22

Ananga 'aḏi ngadolo toma limau Betsaida. 'Age rema ngowa'a nga muḏuo i'a 'aḏi gasa ino ngowa'a hafu matengo ra Yesus re 'aḏi golo'o 'a siteru 'ai giama, la ngowa'a gena-ge 'o la.

Lukas 10:19

Ngoi to pula'a ḏua kuasa ra ngini dadi kalaha ni jo'u ngorana bolo kalajengking, ni sanga sangisara ua. Ngoi ḏi'i to pula'a ninga de-de'e di'a ni sirapo'o 'Iblisi ma kuasa singadolo matengo i'a mai ua, bolo 'ori i'a rimoi i'a mai ua sigasa ngini sanga sangisara.

Lukas 15:23

Gena ḏua, 'oro sapi ma ngowa rimoi ma lese 'i rousu i'a, re na tola'a, la ngene wo 'a'a laya re wa oromo.

Lukas 15:25

Toma 'orasa gena-ge, ma ngowa'a nau'u ma ioro i'a unanga toma guḏa. Wakutu unanga 'o maḏibo toma guḏa ino re sa'i ro co-cori toma wala, unanga 'o 'isene musik ma iḏingi re 'o oḏi'i ngowa'a 'aḏi roje.

Lukas 15:32

Mada'a ngene balasu wo monere re wo 'a'a laya sababu 'ani nongoḏu gena-ge ro sengene, nange-ne dadunu 'o 'ahu moju, unanga ro iranga mada'a nange-ne dadunu 'o maḏibo moju!’ ”

Lukas 15:4

“Si'ade-'ade i'a taninga sigolona 'age rema ngowa'a matengo i'a rai doba latu moi, mada'a 'i iranga rimoi. Doba ma dutu 'o 'a'a 'oru? Tantu ḏua unanga 'a sisoi'i tala moju ma nyagi siworo re siworo toma daeraha rurubu, re 'o tagi 'a disa ma rimoi ga'a 'i iranga nange-ge singadolo 'a sanga.

Lukas 19:10

Ngoi, Manusia ma Ngowa'a Nau'u to sapolo di'a To disa re To sisalamata ngowa'a ga'a 'aḏi iranga ngo'omo.”

Lukas 9:60

Mada'a Yesus 'o sangoro ra unanga, “Sieanga i'a ḇato ngowa'a sengene 'aḏi palihara ngowa'a sengene. Mada'a ngana, no tagi no singadolo Ma Jou'ongu Madutu 'ai Pareta le'a ḇato.”

Yohanes 11:25

Yesus 'o kanau i'a ra munanga, “Ngoi nena-ne dadunu to si'ahu ngowa-ngowa'a sengene, re To pula'a 'ahu ḏi'i. Kalaha ngowa-ngowa'a raḏi sengene, ananga gena-ge ga'a 'aḏi ngaku Ngoi, dadunu 'aḏi 'ahu moju.

Yohanes 5:21

'Ari Ḇaḇa dadunu 'o si'ahu moju ngowa'a senge-sengene, re 'O pula'a 'ahu kasingado-ngadolo i'a ra ananga. So'o gena ḏi'i Ngoi, 'Ai Ngowa'a Nau'u, To pula'a 'ahu kasingado-ngadolo i'a ra guna ḇato mete'e 'Ari mau.

Roma 11:15

Sababu wakutu Ma Jou'ongu Madutu 'o itomo ngowa'a Yahudi, ma ngo'omo 'i welanga di'a ngowa'a mo-moini toma dungia sitabi donga ananga nyengara 'aḏi marimoi ra Ma Jou'ongu Madutu. Dadi tantu ḏua Unanga 'o pula'a barakati lebe lamo'o i'a reo barakati gena-ge, wakutu Unanga 'o dawongo ngowa'a Yahudi moju. Barakati gena-ge ḏuanga i'a ma tero sa'olo ngowa'a raḏi sengene, dadunu 'aḏi 'ahu moju!

Roma 12:15

Ni monere sirimoi toma ngowa'a ga'a 'aḏi monere, re ni gaḏi sirimoi toma ngowa'a ga'a gaḏi.

Roma 6:11

Dadi so'o gena ḏi'i, ngini balasu ni fikiri mangale ngini masiretene sa'olo ngowa'a bebasa toma ḏosa ma kuasa re sa'olo ngowa'a ga'a 'ahu di'a Ma Jou'ongu Madutu, sababu ngini ni marimoi ra Kristus Yesus.

Roma 6:13

Awa ni sidoa'a moju ninga lese ma bageanga rimoi i'a toma ḏosa ma kuasa, di'a 'i 'a'a 'ori i'a ma jira. Mada'a siḏibo ḏi'i, ngini balasu ni sidoa'a ninga 'ahu ra Ma Jou'ongu Madutu sa'olo ngowa'a ga'a raḏi bebasa toma sengene re raḏi sanga 'ahu su-sungi. Ni sidoa'a ninga lese ma bageanga mo-moini ra Ma Jou'ongu Madutu, la Unanga nu pake di'a 'a'a 'ori i'a ga'a loasa re banari,

Roma 8:2

Ma Ngagara 'Ofi-'Ofi ma kuasa ri sibebasa ngene toma ḏosa ma kuasa re sengene kasingado-ngadolo i'a re pula'a 'ahu su-sungi ra ngene, sababu ngene rewo marimoi ra Kristus Yesus.

1 Korintus 12:26

Na'o bageanga rimoi enanga 'i siḏi, bageanga mo-moini 'i basono siḏi. Na'o bageanga rimoi ngowa'a ya sitoro, bageanga mo-moini 'i maroanga.

Efesus 2:1

'Au nga'ene ngini ma tero sa'olo ngowa'a raḏi sengene sababu ni baraḏosa re ni mete'e ua Ma Jou'ongu Madutu 'ai parenta.

Efesus 2:5

Kalaha ngene ma tero sa'olo ngowa'a raḏi sengene sababu nanga ḏosa-ḏosa, Ma Jou'ongu Madutu dadunu ro si'ahu moju ngene mamete'e rea Kristus. Sababu gena-ge, pa'i Ma Jou'ongu Madutu 'ai mura re dadalara ḇato, ngene wo sanga salamata.

Efesus 5:14

kara ngowa'a gena-ge 'aḏi 'ahu toma tarangi sababu 'o tarangi. Ma sababu gena-ge, ngowa'a 'aḏi kanau, “Momi'i, ngana ga'a no otu re dadunu no 'ahu moju toma ngowa'a senge-sengene ma sigolona. Ḏua Kristus 'ai cahaya ḏuanga i'a 'age ra ngana.”

Kolose 2:13

'Au nga'ene, kalaha ngini ni 'ahu-'ahu, ngini ni ma tero sa'olo ngowa'a raḏi sengene. Gena-ge 'i dadi sababu reni baraḏosa re ngini sanga suna ua taninga 'akala re sinyingara ma dara. Mada'a nange-ne, Ma Jou'ongu Madutu dadunu 'o si'ahu ngini mamete'e ra Kristus sababu ngene nanga ḏosa mo-moini, Ma Jou'ongu Madutu ra singi-ngiranga.

1 Timotius 5:6

Mada'a were'a balo ga'a mo madaga'a ua 'ori i'a ma la-la, mada'a mo disa 'ahu pai-pai'i re mau sanangi tau-taunu; kalaha munanga mo 'ahu moju, munanga ma tero sa'olo romo sengene!

Yudas 1:12

Wakutu ngini ni lomu di'a 'omo, 'age guru-guru sa-salaka gena-ge ga'a manga de'oso re ḏegoro 'i pula'a mara'a ngini: Ananga gena-ge 'aḏi oromo ḇato ma tero sa'olo ngowa'a danata sababu ananga manga mara'a 'i sengene re pa'i masinga'unu manga diri. Ananga ma tero sa'olo kakamo karawiana ya wusu, mada'a ma besa'a cua. Ananga ḏi'i site-tero sa'olo ate 'i sowo'o ua, kalaha 'orasa sowo'o 'i ngadolo; ate-ate ga'a ma utu'u ri wuru'u singadolo ri sengene.

Tingoýi 3:1

Yesus gena-ge 'o kanau ra ngoi ḏi'i, “Toma jama'ata Sardis ma mala'ekata, na lefo so'o ne: Nena-ne habari ra Ngoi ga'a to parenta Ma Jou'ongu Madutu 'ai Roh tumudingi re to gu'u mumuḏungu ngai tumudingi Tari giama ma kuwiḏa. Ngoi ta waro mangale ninga de'oso re ḏegoro: Ngowa'a 'aḏi aje, ngini ni 'ahu-'ahu. Mada'a, mete'e ngoi, ngini rini sengene!