Lukas 15:22 - Jaji ma Su-sungi

²² Mada'a ma ḇaḇa 'o 'aro'o 'ai budaka-budaka re 'o kanau, ‘Capati! 'Oro ino pakeanga ma rousu i'a, re ni sipake ra unanga. Sipake ḏi'i 'ali-'ali tai giama ma rarag̱a re tarupa tai rou.

Lukas 15:22 Iomraidhean Croise

Lukas 15:21

Ngowa'a ma nongoḏu 'o kanau, ‘Baba! Ngoi reto baraḏosa ra Ma Jou'ongu Madutu re ra Baba, ngoi ri ma'u gasa riwara si'aro'o Baba 'ani ngowa'a nau'u.’

Lukas 15:23

Gena ḏua, 'oro sapi ma ngowa rimoi ma lese 'i rousu i'a, re na tola'a, la ngene wo 'a'a laya re wa oromo.

Roma 13:14

Siḏibo ḏi'i, ngini balasu ni mete'e Ma Jou Yesus Kristus 'Ai tabeata re 'Ai de'oso re ḏegoro, singadolo 'Ai tabeata re de'oso re ḏegoro gena-ge, enanga 'i dadi ma tero sa'olo ninga pakeanga. Re ni fikiri riwara mangale ni mete'e ninga tabeata baraḏosa ma nyafusu.

Roma 3:22

ngene pa'i wo dadi loasa re banari na'o ngene nanga ngo-ngaku ra Yesus Kristus. Re Ma Jou'ongu Madutu ḏuanga i'a 'a si'a'a so'o gena di'a ngowa'a mo-moini ga'a manga ngo-ngaku ra Yesus Kristus. Ngowa'a mo-moini ma tero ra Ma Jou'ongu Madutu 'ai momina,

Roma 8:15

Sababu Ma Ngagara 'Ofi-'Ofi ga'a Ma Jou'ongu Madutu 'a pula'a ra ngini, si'a'a ua ngini ni dadi ngowa'a budaka, singadolo ngini ni 'ahu mojongo ma hukumu ra Ma Jou'ongu Madutu. Siḏibo ḏi'i, Ma Ngagara 'Ofi-'Ofi 'i si'a'a ngini dadi Unanga 'ai ngowa-ngowa'a nau'u. Re sababu Ma Ngagara 'Ofi-'Ofi ma kuasa, ngene nga'unu wo 'aro'o Ma Jou'ongu Madutu, “Baba, ngene nanga Ḇaḇa.”

Galatia 3:27

Re sababu ngini mo-moini reni sanga baptis ra Kristus 'ai lomanga, ngini reni dawongo Kristus ma tero sa'olo ni mapake 'Ai pakeanga.

Efesus 6:15

Ngini balasu ni ḏu-ḏuanga ḏua di'a singadolo Habari Roanga ga'a 'i sigasa dame ra Ma Jou'ongu Madutu tala. Gena-ge 'i ma tero sa'olo sordado manga capato.

Tingoýi 19:8

Pakeanga lenan ga'a jama-jamanga sipula'a ḏua toma geri molo'ara we-were'a di'a mapake.” (Pakaeanga lenan gena-ge ma ngale: Ma Jou'ongu Madutu 'ai ngowa-ngowa'a manga ga'a 'i loasa re banari.)

Tingoýi 2:17

'A guna ḇato nga'unu 'o 'isene, balasu 'a totoho la-la ino 'oru ga'a Ma Ngagara 'Ofi-'Ofi 'i kanau toma jama'ata-jama'ata. 'A guna ḇato 'ai ngo-ngaku ra Ngoi kama elala ua singadolo 'o sengene, Ngoi to pula'a watasa oromo manna ga'a 'i gogono. Re Ngoi ḏi'i to pula'a maḏi bu-buḏo matengo ngai moi. Toma maḏi gena-ge 'i silefo lomanga su-sungi, matengo i'a mai ua ya waro, pa'i ngowa'a ga'a ya dawongo maḏi gena-ge, ananga gena-ge ya waro.”

Tingoýi 3:18

Sababu gena-ge, Ngoi to pula'a duga re domolo ra ngini: Ni tibo Ngoi 'ari guraci ga'a guraci madutu, la ni dadi ngowa'a rema-enanga. So'o gena-ge ḏi'i, ni tibo pakeanga buḏo ra Ngoi, la ni daku ninga mara'a. Re ngini ni tibo 'o sou'u di'a ni si'ese ninga la'o, la ni oḏi'i tarangi.

Tingoýi 6:11

Ananga matengo re matengo sanga juba bu-buḏo matengo bela moi. Ḏua ananga sanga soma'a mangomasa ceka'a 'ua moju singadolo ngowa'a 'aḏi sisengene manga ḏagilomu munara re manga ioronongoḏu ngo-ngaku rimoi ma tero sa'olo ananga ḏi'i, kara ma nyo-nyoimi ri ti-tiai.

Tingoýi 7:9

Pasala i'a, ngoi to oḏi'i ḏi'i, manusia manga repe ma tero sa'olo dongi toma ngoloto ma 'uḏu ga'a matengo i'a mai ua nga'unu 'a roimi. Ananga gena-ge manga 'asala toma bangsa mo-moini, nagara mo-moini, suku mo-moini, re demo mo-moini. Ananga gena-ge 'aḏi mapake juba buḏo-buḏo re tamanga giama 'aḏi gu-gu'u ate palem ma umanga re 'aḏi made-de'oso talaḏi ra Ma 'Olana 'ai ḏe-ḏegoro re Doba ma Ngowa ma biono.