Lukas 15:2 - Jaji ma Su-sungi

² Ngowa-ngowa'a Farisi re guru-guru 'agama mulaingi 'aḏi kuḏubungu re 'aḏi kanau, “Unanga ne 'o dawongo ngowa-ngowa'a baraḏosa re 'aḏi oromo mamete'e ra Unanga!”

Lukas 15:2 Iomraidhean Croise

Matias 11:19

Ngoi, Manusia ma Ngowa'a Nau'u reto sapolo, To oromo re ka'e 'anggur. Nange-ne ḏi'i ngowa'a raḏi dawongo Ngoi ua 'aḏi kanau, ‘Oḏi'i Unanga gena-ge 'O da-danata re 'O 'etolo, re Ma'u ḏagilomu reo ngowa-ngowa'a golo-golo'o balastengi re ngowa-ngowa'a baraḏosa!’ Kalaha so'o gena, Ma Jou'ongu Madutu 'ai 'akala ma soro'unu 'i waiti banari ra Ma Jou'ongu Madutu 'ai ngowa-ngowa'a manga de'oso re ḏegoro ma rousu.”

Matias 9:11

'Age rema ngowa'a Farisi ga'a 'aḏi oḏi'i i'a so'o gena, ananga 'aḏi sano ra Yesus 'ai me-mete'e, “I'a sa'olo ninga guru Unanga 'o oromo mamete'e reo ngowa-ngowa'a golo-golo'o balastengi re ngowa'a baraḏosa?”

Lukas 15:3

Sababu gena-ge, Yesus 'o jarita ra ananga 'ade-'ade rimoi so'o ne:

Lukas 19:7

Ngowa'a mo-moini 'aḏi oḏi'i so'o gena, ananga 'aḏi kuḏubungu re 'aḏi kanau, “Cih, Unanga 'o tagi tuḏu toma ngowa'a baraḏosa manga wala!”

Lukas 5:30

Ngowa'a Farisi nga muḏuo i'a re ananga manga guru-guru 'agama ananga 'aḏi sanangi ua. Dadi ananga 'aḏi kanau i'a ra Yesus 'ai me-mete'e, “I'a sa'olo ngini mo-moini ni oromo mamete'e reo ngowa'a golo-golo'o balastengi re ngowa'a baraḏosa?”

Lukas 7:34

Ngoi, Manusia ma Ngowa'a Nau'u reto sapolo re To oromo re ka'e, mada'a ngini ḏi'i ni dawongo Ngoi ua re ni kanau, ‘ Oḏi'i unanga gena-ge 'O da-danata, 'O 'etolo, re Ma'u ḏagilomu reo ngowa-ngowa'a golo-golo'o balastengi re ngowa-ngowa'a baraḏosa.’

Lukas 7:39

Wakutu ngowa'a Farisi ga'a saele Yesus nange-ge 'o oḏi'i so'o gena, unanga 'o kanau tai 'akala re sinyingara ma dara, “Na'o Unanga nena-ne nabi Unanga 'a waro ḏua we-were'a ga'a mo cigi Unanga, munanga gena-ge ngo guna. We-were'a nena-ne mo 'ahu toma ḏosa ma dara.”

Yesus 'ai so-soma'a 11:3

Ananga 'aḏi kanau, “I'a sa'olo no osama toma ngowa'a Yahudi ua manga wala re ngana no sioromo i'a ra ananga?”

Galatia 2:12

Ma mulaingi, unanga 'o tegoro oromo mamete'e reo ioronongoḏu ngo-ngaku rimoi ga'a ngowa'a Yahudi ua. Mada'a togumu i'a 'a Yakobus 'ai ḏagilomu 'aḏi sapolo, Petrus 'o maki-kiḏanga toma ioronongoḏu ngo-ngaku rimoi ga'a ngowa'a Yahudi ua re ro oḏu'u oromo mamete'e ra ananga. Unanga 'o mojongo Yakobus 'ai ḏagilomu, ga'a 'aḏi mau ngowa'a mo-moini 'aḏi sanga suna.

1 Timotius 1:15

'Age demo ma betongo so'o ne: “Kristus Yesus 'o sapolo toma dungia di'a 'O sisalamata ngowa-ngowa'a baraḏosa.” Demo gena-ge 'i tero re balasu wa dawongo re wa ngaku mode-mode'e. Ngoi masiretene 'ari ḏosa lai lamo'o toma ngowa'a baraḏosa mo-moini.