Lukas 15:1 - Jaji ma Su-sungi

¹ Toma wangere rimoi, ngowa-ngowa'a golo-golo'o balastengi re ngowa-ngowa'a ga'a ngowa'a repe ya'u si'aro'o “ngowa'a baraḏosa” sapolo di'a 'aḏi 'isene Yesus 'ai do-doto'o.

Lukas 15:1 Iomraidhean Croise

Matias 5:46

Dadi na'o ni dadalara pa'i ngowa'a ga'a 'aḏi dadalara ngini ḇato, Ma Jou'ongu Madutu 'o pula'a ngogele ua ra ngini. Sababu ngini ma tero sa'olo ngowa'a golo-golo'o balastengi: Ananga ḏi'i pa'i 'aḏi dadalara ngowa'a ga'a ya'u dadalara!

Lukas 13:30

Mode-mode'e 'age rema ngowa'a ga'a ngowa'a mapake ua ga'a ḏuanga i'a 'aḏi dadi ngowa'a la-lamo'o. Re ngowa'a ga'a ngowa'a la-lamo'o ga'a ḏuanga i'a 'aḏi dadi ngowa'a mapake ua.”

Lukas 7:29

Rayata mo-moini (sidogo ngowa'a golo-golo'o balastengi) ga'a 'a Yohanes ya'u baptis, ananga gena-ge 'aḏi dawongo Yesus 'ai demo-demo mangale Yohanes 'i banari.

Roma 5:20

Musa 'ai hukumu Ma Jou'ongu Madutu 'a pula'a, la manusia manga ḏosa 'i waiti. Mada'a kalaha manusia lebe 'a'a ḏosa, Ma Jou'ongu Madutu ganapu dogo pula'a 'ai mura re dadalara toma manusia.

1 Timotius 1:15

'Age demo ma betongo so'o ne: “Kristus Yesus 'o sapolo toma dungia di'a 'O sisalamata ngowa-ngowa'a baraḏosa.” Demo gena-ge 'i tero re balasu wa dawongo re wa ngaku mode-mode'e. Ngoi masiretene 'ari ḏosa lai lamo'o toma ngowa'a baraḏosa mo-moini.