Lukas 14:27 - Jaji ma Su-sungi

²⁷ 'A guna ḇato 'o oḏu'u doiti 'ai salib re 'o mete'e Ngoi, unanga 'o dadi Ngoi 'ari me-mete'e yoḏu'u, sababu unanga 'o oḏu'u sanga susa re sangisara.

Lukas 14:27 Iomraidhean Croise

Matias 10:38

'A guna ḇato 'o oḏu'u doiti 'ai salib re 'o mete'e Ngoi, unanga 'o patasa ua 'o dadi Ngoi 'ari me-mete'e sababu unanga 'o oḏu'u sanga susa re sangisara.

Matias 13:21

mada'a habari gena-ge 'i utu'u ua tamanga 'akala re sinyingara singadolo 'i tahana ti'ara ua. Dadi wakutu 'aḏi sanga susa re sangisara bolo sanga sikisa, sababu 'aḏi ngaku habari, ananga jau-jau 'aḏi celolo ḏuḏunu i'a.

Markus 10:21

Yesus 'u tatamo i'a re 'o dadalara dadi 'o kanau, “Rimoi moju balasu no si'a'a. No maḏibo re na wu'unu 'ani 'ori i'a rana mo-moini, ma pipisi na sibalangu toma ngowa-ngowa'a ma dinga'unu ua. Dadi ngana no sanga 'ori i'a rana toma soroga. Togumu i'a, no sapolo re no mete'e Ngoi.

Markus 15:21

Toma ḏo-ḏagi ma dara, sordado-sordado 'aḏi oḏi'i 'age rema ngowa'a matengo 'ai lomanga Simon 'o tola'a ino. Unanga gena-ge da'a gamu ino 'o si'a toma limau. Unanga 'ai 'asala toma limau Kirene ino, Aleksander re Rufus manga ḇaḇa. Ananga 'aḏi simau-mau Simon 'a doiti Yesus 'ai salib.

Lukas 14:28

Si'ade-'ade i'a na'o 'age matengo taninga sigolona, mau 'o side'oso menara. Tantu ḇato unanga tegoro 'a roimi enanga ma ijana, la 'a waro 'ai pipisi 'i ngadolo bolo ua di'a 'a simomi'i menara gena-ge singadolo 'i ḏuanga.

Yohanes 19:17

Yesus masiretene 'a doiti 'Ai salib tagi toma ngi'i ga'a si'aro'o, “Ḏoḏowi ma Ngi'i” (toma demo 'Ibrani: Golgota).

Yesus 'ai so-soma'a 14:22

Toma limau-limau gena-ge, ananga 'aḏi site'e ngowa'a ngaku Yesus manga ngo-ngaku re 'aḏi babata ananga gena-ge di'a 'aḏi ngaku Yesus tau-taunu re 'aḏi mete'e Unanga 'ai do-doto'o ḇato re 'aḏi siajele “Ngene balasu wo basono kangela siḏa, kara ḏuanga i'a wa sanga ma sanangi toma soroga ra Ma Jou'ongu Madutu.” Paulus re 'a Barnabas 'aḏi doto'o ngowa'a ngaku Yesus so'o gena toma limau-limau gena-ge.

2 Timotius 1:12

Ma sababu gena-ge, ngoi ta sanga ma sangisara. Mada'a ngoi to mara'a ua, sababu ta waro mode-mode'e Yesus Kristus ga'a ngoi reto ngaku re ḏi'i Unanga 'o saolo Habari Roanga ga'a Unanga 'a siwatasa ḏua ra ngoi singadolo Kiamata ma Wangere.

2 Timotius 3:12

'A guna ḇato mau 'ahu, la ananga 'aḏi sisanangi Ma Jou'ongu Madutu 'ai 'akala re sinyingara re 'ahu marimoi ra Kristus Yesus, ananga gena-ge ḏuanga i'a sanga sikisa.