Lukas 14:18 - Jaji ma Su-sungi

¹⁸ Mada'a ananga mo-moini, matengo re matengo 'aḏi golo'o ma'afu. Ma mulaingi unanga 'o golo'o ma'afu toma falalomu ga'a saele unanga, ‘Ngoi aro to tibo 'o tana'a ḇotu moi re paralu ta tutumu tana'a gena-ge. Dadi sima'afu ngoi.’

Lukas 14:18 Iomraidhean Croise

Lukas 14:17

Wakutu laya gena-ge ma 'orasa sa'i mulaingi, ngowa'a gena-ge 'o soma'a 'ai falalomu matengo 'o tagi toma ngowa'a ga'a unanga 'o saele nange-ge re 'o kanau, ‘Ino ni sapolo toma laya nena-ne sababu mo-moini 'i ḏu-ḏuanga ḏua!’

Lukas 14:19

Matengo ḏi'i 'o golo'o ma'afu, ‘Ngoi aro to tibo sapi sabi romotoa re to mau ta sitai'i ta sipajeko sapi-sapi gena-ge. Dadi sima'afu ngoi.’

Lukas 18:24

Yesus 'o oḏi'i ngowa'a gena-ge 'ai 'akala re sinyingara 'i kangela. Sababu gena-ge Unanga 'o kanau, “Kangela masala di'a ngowa'a rema-enanga 'aḏi osama nyo-nyoimi ra Ma Jou'ongu Madutu 'ai Pareta.

Lukas 8:14

Gisisi 'i eta'a toma rurubu dodowo'o ma golona, ma tero sa'olo ngowa'a 'aḏi 'isene habari gena-ge, mada'a 'aḏi dodato mangale manga 'ahu, ananga 'aḏi mau manga 'ahu pai-pai'i re tamanga 'akala re sinyingara ma dara, manga nyafusu lai lamo'o ḏi'i dadi ananga 'aḏi basono manga 'ahu 'i peletoro singadolo ananga 'aḏi mete'e riwara Ma Jou'ongu Madutu 'ai habari gena-ge. Dadi ananga ma tero sa'olo go-gahu ma sowo'o tu'unisi.

Yohanes 1:11

Kalaha Unanga 'O sapolo Tai ji'o re 'Ai gamu, 'Ai herapongo 'aḏi oḏu'u dawongo Unanga.

Yohanes 5:40

Mada'a ngini masiretene ni oḏu'u sapolo ra Ngoi, la ni sanga 'ahu kasingado-ngadolo i'a.

Filipi 3:4

Kalaha so'o gena-ge, ngoi nyengara to sigare 'ari ngo-nganono mete'e 'agama ma 'atoranga gena-ge. Si'ade-'ade i'a 'age rema ngowa'a matengo i'a rai 'alasana-'alasana di'a 'o sigare ngo-nganono mete'e 'agama ma 'atoranga di'a sisalamata unanga, ngoi mai rari 'alasana lebe te'e i'a ḏi'i:

2 Timotius 4:10

sababu 'a Demas ga'a 'o mete'e dungia ma nyafusu unanga gena-ge 'o sisoi'i tala ngoi re ro tagi toma limau Tesalonika. 'A Kreskes ro tagi toma daeraha Galatia re 'a Titus toma daeraha Dalmatia.

2 Timotius 4:4

Ananga ya pu'i manga ngau'u, sababu 'aḏi 'isene ḇusuru 'ori i'a ma ba-banari. Siḏibo ḏi'i, ananga ya pilata manga ngau'u, la 'aḏi 'isene jarita-jarita sa-sakala.

'Ibrani 12:16

Ngini ni ma'istiari ninga 'ahu matengo re matengo, la matengo i'a mai ua awa 'o 'ahu su-sudala, bolo 'o silamo'o ua Ma Jou'ongu Madutu 'ai barakati ma tero 'a Esau. Unanga gena-ge ga'a 'a wu'unu 'ai haku sa'olo ngowa nau'u ma jomolo, di'a pa'i ngo-ngoromo moku moi ḇato!