Lukas 14:15 - Jaji ma Su-sungi

¹⁵ Wakutu ngowa'a matengo tamanga sigolona ga'a 'o oromo mamete'e rea Yesus 'o 'isene 'a Yesus 'ai demo-demo gena-ge, unanga 'o kanau, “Bara'utungu madutu, ngowa'a ga'a ḏuanga i'a 'o oromo mamete'e ra Ma Jou'ongu Madutu Tai pareta ma dara!”

Lukas 14:15 Iomraidhean Croise

Matias 25:10

Ḏua mosolese ma haga gena-ge, 'aḏi tagi tibo manga goroho. Mada'a wakutu ananga 'aḏi tagi-tagi, geri molo'ara na-nau'u 'o sapolo. Mosolese-mosolese ga'a 'aḏi pahe, 'aḏi ḏu-ḏuanga ḏua, 'aḏi osama mamete'e reo geri molo'ara na-nau'u toma laya ma ngi'i, re ma ngalana ngowa'a ya kuci!

Matias 8:11

Mode'e! Ngowa'a Yahudi ua manga repe ḏuanga i'a 'aḏi sapolo da'a wangere ma la'o ino re toma wangere ma soḏu isa di'a oromo mamete'e rea Abraham, Ishak re Yakub toma Soroga ma Pareta.

Lukas 12:37

Bara'utungu masala, budaka-budaka gena-ge na'o manga tuanga 'o sapolo sanga i'a ananga 'aḏi ḏu-ḏuanga ḏua di'a de-de'oso unanga. Ni ngaku mode-mode'e 'Ari demo-demo nena-ne: Tuanga gena-ge 'o ḏu-ḏuanga ḏua re 'o soma'a budaka-budaka gena-ge 'aḏi tegoro, kara unanga masiretene 'o de-de'oso ananga.

Lukas 13:29

Ḏuanga i'a ngowa'a Yahudi ua matai sapolo da'a wangere ma la'o ino, toma wangere ma soḏu isa, toma kore sara ino, toma kore mie ino. Ananga mo-moini 'aḏi oromo ra Ma Jou'ongu Madutu 'ai dungia su-sungi ma dara.

Lukas 22:16

Sababu, Ngoi to siajele ra ngini nena-ne: Ngoi ḏuanga i'a to oromo mamete'e ra ngini so'o nena-ne riwara singadolo ngo-ngoromo Paskah ma ngale 'i sitotomo, wakutu Ma Jou'ongu Madutu 'ai dungia su-sungi 'i ngadolo.”

Lukas 22:30

Dadi ngini ḏuanga i'a na basono roanga re monere re ni ka'e re ni oromo mamete'e ra Ngoi tari pareta ma dara. Ngini matengo re matengo ḏuanga i'a ni tegoro toma ḏe-ḏegoro nyagi moi re romoḏiḏi di'a ni parenta ngowa'a Israel suku nyagi moi re romoḏiḏi.”

Tingoýi 19:9

Ḏua mala'ekata gena-ge 'o kanau ra ngoi, “Na lefo so'o ne: ‘Bara'utungu ngowa-ngowa'a sanga saele toma molo'ara ma laya di'a Doba ma Ngowa.’ ” Gena ḏua, mala'ekata gena-ge dogo kanau ḏi'i, “Gena-ge habari banari ra Ma Jou'ongu Madutu tala.”