Lukas 14:13 - Jaji ma Su-sungi

¹³ Dadi wakutu ngana no 'a'a laya rimoi i'a, no saele ngowa'a ma dinga'unu ua, ngowa'a ḇolo, ngowa'a ceg̱u re ngowa'a hafu.

Lukas 14:13 Iomraidhean Croise

Matias 15:30

Ngowa'a kawasa 'aḏi sapolo gasa ngowa'a cug̱a, ngowa'a hafu, ngowa'a ḇolo, ngowa'a mou, re ngowa'a siḏi ma lelegu manga repe ḏi'i. Ngowa-ngowa'a siḏi gena-ge ananga ya'u sigare ra Yesus 'ai rou, re Unanga ya'u si-la mo-moini.

Matias 22:10

Ḏua 'ai budaka-budaka gena-ge 'aḏi tagi. Ananga 'aḏi tagi toma tapaka-tapaka re 'aḏi lomu ngowa-ngowa'a mo-moini ga'a 'aḏi ma'u sanga, bae ngowa'a la-la, bolo ngowa'a ma jira, singadolo molo'ara ma laya ma ngi'i 'i masituḏu-tuḏu i'a reo ioronongoḏu.

Lukas 11:41

Ngini ninga moku re suḏe ma dara, balasu ni pula'a toma ngowa'a ma dinga'unu ua. Na'o ninga ga'a so'o gena-ge, ngini ni dadi 'ofi-'ofi ra Ma Jou'ongu Madutu 'ai momina.

Lukas 14:12

Ḏua Yesus 'o kanau toma wala ma dutu, “Wakutu ngana no saele ngowa'a di'a 'omo wangere 'olona, bolo 'omo lobi'i, no saele awa 'ani ḏagilomu bolo 'ani ioro re nongoḏu, bolo 'ani herapongo, bolo 'ani wala sebanga ga'a ngowa'a rema-enanga. Sababu ḏuanga i'a ananga 'aḏi saele ngana ḏi'i. Ga'a so'o gena-ge ananga nga'unu ya balasa.

Lukas 14:14

Na'o ngana 'a'a so'o gena ḏuanga i'a ngana no bara'utungu. Sababu ngowa'a gena-ge ya balasa nga'unu ua ngana 'ani la. Mada'a ngana 'ani la, ḏuanga i'a Ma Jou'ongu Madutu 'a balasa wakutu ngowa'a loasa re banari dadunu 'aḏi 'ahu moju toma ngowa'a senge-sengene manga sigolona.”

Lukas 14:21

Falalomu gena-ge 'o maḏibo, re 'o siajele tai Tuanga. Ḏua ma tuanga gena-ge 'o ruta madutu, re 'o soma'a tai falalomu gena-ge, ‘Capati no tagi toma tapaka reo lurungu-lurungu toma limau ma dara, no gasa ino 'o ngowa'a ma dinga'unu ua, ngowa'a hafu, ngowa'a ceg̱u re ngowa'a ḇolo.’

Yesus 'ai so-soma'a 9:39

Togumu i'a, Petrus 'o ma'u mete'e ra ananga. Ngadolo da'a 'u gasa toma kamara da'u re'u. Ngowa'a balo-balo sigoloḏi 'a Petrus re 'aḏi gaḏi re 'aḏi sijumu manga baju re juba ga'a ngo Dorkas madini wakutu mo 'ahu-'ahu moju.

1 Timotius 3:2

Sababu gena-ge, matengo i'a 'o dadi jama'ata ma bi-biri'i, unanga gena-ge balasu 'ai de'oso re ḏegoro kama rapu ua, 'ai were'a pa'i matengo ḇato, nga'unu 'o manahana 'ai nyafusu ma jira, 'ai 'akala re sinyingara soro'unu singadolo ngowa'a ya'u silamo'o, 'o nyanyaḏi dawongo ngowa'a ga'a 'aḏi tuḏu tai wala re nga'unu 'o doto'o ngowa'a.

1 Timotius 5:10

re we-were'a remanga lomanga re ngongaje sa'olo we-were'a ga'a si'a'a 'ori i'a ma la-la ma tero sa'olo: ya dadanu manga ngowa'a ce-ceka'a i'a moju singadolo 'aḏi la-lamo'o, 'aḏi sanangi tamanga ioro re nongoḏu na'o 'aḏi tuḏu tamanga wala, 'aḏi de-de'oso ngowa'a ngaku Yesus, riono ngowa-ngowa'a ma dinga'unu ua, re 'aḏi madaga'a mode-mode'e munara 'oru ḇato ma la-la.

Titus 1:8

Siḏibo ḏi'i, na'o ioronongoḏu ngo-ngaku rimoi 'aḏi sapolo tamanga wala, ananga balasu 'aḏi dawongo remanga 'akala re sinyingara sa-sanangi, 'aḏi nyanyaḏi 'a'a 'ori i'a ma la-la, manga 'ahu 'i loasa re banari re ananga balasu 'aḏi nga'unu manahana manga diri re 'aḏi nga'unu manahana manga nyafusu ma jira.

Filemon 1:7

Dowara Filemon, 'ani dadalara ra Ma Jou'ongu Madutu 'ai 'umata mo-moini, enanga gena-ge 'i dadi roanga masala ra ngoi, re 'i pula'a babata ra ngoi ḏi'i. Sababu dowara, ngana no pula'a babata ra Ma Jou'ongu Madutu 'ai 'umata manga 'akala re sinyingara.

'Ibrani 13:2

Awa ninga 'akala re sinyingara 'i taka-taka ni dawongo ngowa-ngowa'a ga'a ngini nana'o nyangu re 'aḏi sapolo ra ngini ninga wala. Sababu 'age mamuni'a ga'a raḏi dawongo mala'ekata tamanga wala, mada'a ananga ya waro ua enanga gena-ge mala'ekata.