Lukas 14:12 - Jaji ma Su-sungi

¹² Ḏua Yesus 'o kanau toma wala ma dutu, “Wakutu ngana no saele ngowa'a di'a 'omo wangere 'olona, bolo 'omo lobi'i, no saele awa 'ani ḏagilomu bolo 'ani ioro re nongoḏu, bolo 'ani herapongo, bolo 'ani wala sebanga ga'a ngowa'a rema-enanga. Sababu ḏuanga i'a ananga 'aḏi saele ngana ḏi'i. Ga'a so'o gena-ge ananga nga'unu ya balasa.

Lukas 14:12 Iomraidhean Croise

Matias 5:46

Dadi na'o ni dadalara pa'i ngowa'a ga'a 'aḏi dadalara ngini ḇato, Ma Jou'ongu Madutu 'o pula'a ngogele ua ra ngini. Sababu ngini ma tero sa'olo ngowa'a golo-golo'o balastengi: Ananga ḏi'i pa'i 'aḏi dadalara ngowa'a ga'a ya'u dadalara!

Lukas 1:53

Ma Jou'ongu Madutu 'o pula'a 'ori i'a ma la-la toma ngowa-ngowa'a ma dinga'unu ua singadolo ananga 'aḏi basono kama kuranga ua, mada'a ngowa'a rema-enanga Ma Jou'ongu Madutu ḏuanga i'a 'o soma'a 'aḏi tagi kamanga 'oru ua.

Lukas 1:58

Wakutu wala-wala sebanga re 'ami ioro re nongoḏu ya 'isene Ma Jou'ongu Madutu 'o sijumu 'Ai 'akala re sinyingara ma la-la masala ra ngo Elisabet, ananga ḏi'i 'aḏi maroanga ma tero sa'olo ngo Elisabet mo maroanga.

Lukas 14:11

Sababu 'a guna ḇato 'o sihie 'ai diri, unanga gena-ge ḏuanga i'a Ma Jou'ongu Madutu 'u siholo. Mada'a 'a guna ḇato 'o maholo 'ai diri, unanga gena-ge ḏuanga i'a Ma Jou'ongu Madutu 'u sihie.”

Lukas 14:13

Dadi wakutu ngana no 'a'a laya rimoi i'a, no saele ngowa'a ma dinga'unu ua, ngowa'a ḇolo, ngowa'a ceg̱u re ngowa'a hafu.

2 Korintus 6:13

Nange-ne ngoi to kanau ra ngini ma tero sa'olo ngini 'ari ngowa'a masiretene. Ngoi to golo'o mode-mode'e ra ngini, ni sijumu ḏi'i ninga dadalara di'a ngomi!