Lukas 14:1 - Jaji ma Su-sungi

¹ Toma 'orasa rimoi Sabata ma wangere, Yesus 'o tagi oromo toma ngowa'a Farisi matengo 'ai wala. Unanga gena-ge 'o sayanga ma jingi'i. Toma ngi'i gena-ge, guru-guru 'agama re ngowa-ngowa'a Farisi 'aḏi tailako Unanga mode-mode'e.

Lukas 14:1 Iomraidhean Croise

Matias 12:12

Manusia lebe la-lamo'o i'a reo doba! Dadi na'o so'o gena-ge, ngene nyengara wo riono ngowa'a toma Sabata ma wangere.”

Markus 3:2

'Age ḏi'i rema ngowa-ngowa'a Farisi sababu 'aḏi mau 'aḏi disa waro Yesus 'ai sala, la 'u kalaki toma Mahkamah 'Agama. Dadi ananga 'aḏi tailako Unanga tau-taunu; awa ua mara Unanga 'o si-la ngowa'a siḏi gena-ge toma Sabata ma wangere.

Lukas 11:37

Yesus 'o doto'o togumu i'a, 'age rema ngowa'a Farisi matengo 'o saele 'a Yesus oromo ra unanga 'ai wala. Ḏua Yesus 'o tagi oromo.

Lukas 14:2

'Age rema ngowa'a matengo 'o si-siḏi bere-bere, 'ai rou re 'ai giama 'i robo-roboso. Unanga gena-ge 'o sapolo ra Yesus.

Lukas 17:20

Toma wangere rimoi, Ngowa'a Farisi nga muḏuo i'a 'aḏi sano ra Yesus, “Ngau Ma Jou'ongu Madutu 'ai Pareta 'i sapolo?” Yesus 'a sangoro, “Ngowa'a 'aḏi oḏi'i ua Ma Jou'ongu Madutu 'ai Pareta 'i sapolo sababu 'i sapolo ua reo didina'o-didina'o ga'a nyengara 'aḏi oḏi'i.

Lukas 20:20

Dadi 'aḏi disa donga gasa 'i rousu i'a. Ananga 'aḏi siḏingoto mata-mata ga'a 'aḏi masa-sakala matuhu ma tero sa'olo ngowa'a la-la di'a disa Yesus 'ai sala, la ananga 'aḏi sitalaḏi Yesus ra gubernur Pilatus.

Lukas 6:7

Guru 'agama re ngowa'a Farisi nga muḏuo i'a, 'aḏi disa Yesus 'ai sala, la 'aḏi kalaki Unanga. Ananga 'aḏi tailako Unanga tau-taunu, awa-awa Unanga 'o si-la ngowa'a siḏi toma Sabata ma wangere.

Yohanes 3:1

'Age rema ngowa'a matengo 'ai lomanga Nikodemus. Unanga gena-ge ngowa'a Farisi re 'o osama nyo-nyoimi toma Mahkamah 'Agama.

Yesus 'ai so-soma'a 5:34

Mada'a, toma Mahkamah 'Agama 'age rema ngowa'a Farisi matengo 'ai lomanga 'a Gamaliel, unanga 'o dadi guru 'agama, re 'o sayanga ma jingi'i. Unanga 'o te'oso re 'o soma'a ngowa'a 'aḏi sisupu ceka'a ua Yesus 'ai so-soma'a.