Lukas 13:32 - Jaji ma Su-sungi

³² Yesus 'o sangoro, “Tagi na sihabari ra Herodes, unanga gena-ge ga'a sihaga ngowa'a. ‘Wangere nange-ne bolo da-daini, Ngoi ḏuanga i'a to sisupu roh ma jira, re to si-la ngowa'a siḏi. Mada'a toma wangere ma soi ro'ange Ngoi ḏuanga i'a ta siḏuanga 'Ari munara.’

Lukas 13:32 Iomraidhean Croise

Markus 6:14

'Olana Herodes 'a 'isene ḏua mo-moini mangale habari-habari gena-ge sababu 'a Yesus 'ai lomanga ngowa'a ya waro le'a bolo le'a. 'Age rema ngowa'a 'aḏi kanau, “Yesus ne 'a Yohanes tukanga baptis, unanga gena-ge dadunu 'o 'ahu moju. Sababu gena-ge, Yesus rai kuasa 'o 'a'a ga'a hera-heranga.”

Yohanes 10:32

Mada'a Yesus 'o kanau ra ananga, “Ngini rini oḏi'i Ngoi 'ari ga'a hera-heranga ma repe, ga'a 'Ari Ḇaḇa 'o soma'a Ngoi ta si'a'a. Dadi ngini mau ni poini Ngoi reo maḏi di'a 'Ari ga'a hera-heranga 'oru?”

Yohanes 19:30

Yesus 'a ḇowisi ma 'anggur gena-ge togumu i'a, Unanga 'o kanau, “Togumu ḏua!” Gena ḏua, Unanga 'a ruku tala 'Ai sae'e re 'Ai sangagara 'i togumu.

'Ibrani 2:10

Ma Jou'ongu Madutu 'o 'a'a 'ori i'a mo-moini toma dungia nena-ne di'a 'Ai maksudu masiretene. Unanga gena-ge ra sitantukanga mangale ngowa'a ma repe 'aḏi dadi 'Ai 'umata re sibalangu 'Ai mulia ra ananga gena-ge. Sababu gena-ge, Yesus ga'a welanga ngo'omo di'a ngene wo sanga salamata, Unanga gena-ge balasu 'o sanga sangisara singadolo 'o sengene, la Unanga nyengara 'o dadi Salamata ma Cimi ga'a 'i ti-tiai.

'Ibrani 5:9

Reo ngo'omo gena-ge, Unanga 'o dadi Salamata ma Cimi ga'a ti-tiai. Re Unanga 'o dadi 'ahu ma cimi kasingado-ngadolo i'a di'a ngowa'a mo-moini ga'a 'aḏi ta'aloko ra Unanga.

'Ibrani 7:28

Ngowa'a ga'a 'aḏi dadi 'imam 'agung mete'e Musa 'ai hukumu, ananga gena-ge ngowa'a lamahana ga'a 'aḏi matogumu yoḏu'u 'a'a ḏosa. Mada'a wakutu Musa 'ai hukumu togumu i'a, Ma Jou'ongu Madutu si'a'a jaji ma su-sungi reo sasi mangale ḏuanga i'a Unanga 'o tede 'Ai Ngowa'a Nau'u dadi 'Imam 'Agung. Yesus gena-ge 'Imam 'Agung ti-tiai kasingado-ngadolo i'a ga'a si'a'a ngowa'a dadi 'ofi-'ofi ra Ma Jou'ongu Madutu 'ai momina.