Lukas 13:28 - Jaji ma Su-sungi

²⁸ Ngini ḏuanga i'a ni oḏi'i 'a Abraham, Ishak re 'a Yakub, re nabi-nabi mo-moini ra Ma Jou'ongu Madutu 'ai dungia su-sungi ma dara. Mada'a ngini ḏuanga i'a ni doiti ma sangisara re ni rerese ma gaḏi, sababu ngini masiretene sanga dusu'u ni supu toma dungia su-sungi gena-ge!

Lukas 13:28 Iomraidhean Croise

Matias 13:42

Ananga mo-moini ḏuanga i'a sanga upa'a toma ḏiḏiana u'u ga'a leja-lejanga. Toma ngi'i gena-ge ananga ḏuanga i'a ya rerese ma gaḏi re ya doiti ma sangisara.

Matias 13:50

Ngowa'a ma jira gena-ge, ananga ḏuanga i'a sanga upa'a toma ḏiḏiana u'u ga'a leja-lejanga. Toma ngi'i gena-ge, ananga ḏuanga i'a ya rerese ma gaḏi re ya doiti ma sangisara.”

Matias 22:13

Ḏua 'olana gena-ge 'o kanau tai falalomu-falalomu, ‘Ngowa'a nena-ne nu piri'u 'ai rou re 'ai giama kara upa'a unanga toma hafu-hafu. Toma ngi'i gena-ge, 'age rema ngowa'a ya rerese ma gaḏi re ya doiti ma sangisara.’ ”

Matias 24:51

Re budaka gena-ge sanga ca'olo singadolo dadi cira tai tuanga re 'o sanga upa'a toma ngi'i di'a ngowa'a munafiki. Toma ngi'i gena-ge, ananga ḏuanga i'a ya rerese ma gaḏi, re ya doiti ma sangisara.”

Matias 25:30

Re budaka ga'a ma faeda 'i cua gena-ge, sanga upa'a toma ngi'i hafu-hafu toma ḏuḏunu. I'a da'a, ngowa-ngowa'a ḏuanga i'a 'aḏi rerese ma gaḏi re ya doiti ma sangisara!’ ”

Lukas 10:15

Re ngini ngowa'a Yahudi toma limau Kapernaum! Awa ngini ni ta'ajiri mangale Ma Jou'ongu Madutu ḏuanga i'a 'o dawongo ngini toma soroga! So'o gena ua! Mada'a Unanga 'o siupa'a ngini toma naraka!”

Lukas 14:15

Wakutu ngowa'a matengo tamanga sigolona ga'a 'o oromo mamete'e rea Yesus 'o 'isene 'a Yesus 'ai demo-demo gena-ge, unanga 'o kanau, “Bara'utungu madutu, ngowa'a ga'a ḏuanga i'a 'o oromo mamete'e ra Ma Jou'ongu Madutu Tai pareta ma dara!”

Lukas 16:23

Toma naraka ngowa'a rema-enanga gena-ge 'o sangisara masala. Toma ngi'i gena-ge unanga 'o tatamo ie 'o oḏi'i 'a Abraham toma giḏanga re 'a Lazarus 'age ra 'a Abraham 'ai gagoro.

2 Tesalonika 1:5

Mo-moini gena-ge ḏuanga i'a 'i dadi bukiti rimoi mangale Ma Jou'ongu Madutu 'o sijuruhakimi ngowa'a mete'e 'adili re banari. Dadi Unanga 'a putusu tala ni patasa ni osama ra Unanga 'Ai pareta toma soroga, sababu ngini ni sanga sangisara, mada'a ni mete'e tau-taunu Ma Jou Yesus.

2 Petrus 1:11

Ḏua Ma Jou'ongu Madutu ḏuanga i'a 'o dawongo ngini rai hormati wakutu ni osama ra Ma Jou Yesus Kristus 'ai Pareta kasingado-ngadolo i'a, Unanga ga'a nanga Salamata ma Cimi.

Tingoýi 21:8

Mada'a ngowa'a ga'a manga ngo-ngaku taḇe i'a, ngowa'a 'aḏi ngaku ua, ngowa-ngowa'a ga'a madiga'a jira, ngowa-ngowa'a ga'a sisengene ngowa'a, ngowa'a su-sudala, ngowa'a ga'a 'a'a sarati, ngowa'a ga'a 'aḏi silamo'o re siḏubuso jou'ongu ma somoara, ngowa'a sa-sakala, ananga mo-moini gena-ge ḏuanga i'a 'aḏi siupa'a toma ngoloto u'u ga'a walira leja-lejanga. Gena-ge ma ngale: Ananga 'aḏi basono sengene ma soi ḏiḏi.”

Tingoýi 22:15

Mada'a ngowa-ngowa'a ga'a madiga'a 'ori i'a ma jira: Ananga ga'a 'aḏi 'a'a sarati, 'aḏi su-sudala, 'aḏi sisengene ngowa'a, 'aḏi silamo'o re siḏubuso jou'ongu ma somoara, ngowa'a sa-sakala, bae tamanga demo re ganau bolo tamanga de'oso re ḏegoro; ananga mo-moini gena-ge manga ngi'i toma limau ma ḏuḏunu.