Lukas 12:9 - Jaji ma Su-sungi

⁹ Mada'a 'a guna ḇato 'o masoloto Ngoi 'o kanau mangale unanga 'o mete'e Ngoi ua toma mandan; unanga gena-ge ḏi'i, Ngoi Manusia Ma Ngowa'a Nau'u tu soloto re To kanau unanga gena-ge 'Ari ngowa-ngowa'a ua ra Ma Jou'ongu Madutu 'ai mala'ekata ma biono.

Lukas 12:9 Iomraidhean Croise

Matias 10:33

Mada'a 'a guna ḇato 'o masoloto Ngoi toma mandan sababu 'o siajele mangale unanga 'Ari me-mete'e ua, Ngoi ga'a toma soroga Tari Ḇaḇa 'ai biono, Ngoi nena-ne ḏi'i to soloto unanga, To siajele unanga nena-ne 'Ari me-mete'e ua!”

Matias 25:12

Mada'a geri molo'ara na-nau'u 'o sangoro, ‘Ni ngaku 'Ari demo nena-ne: Ngoi tunu nana'o ngini ua!’ ”

Matias 25:31

“Wakutu Ngoi, Manusia ma Ngowa'a Nau'u To sapolo moju sa'olo 'Olana rari kabasarana lamo'o, mala'ekata mo-moini 'aḏi mete'e Ngoi, re Ngoi ḏuanga i'a to tegoro tari ḏe-ḏegoro ga'a 'i mulia.

Matias 25:41

Gena ḏua, Ngoi 'Olana gena-ge to kanau toma ngowa-ngowa'a Tari kuḇali, ‘Ngini ngowa'a ma jira, ni tagi. Ni osama toma u'u ma lejanga ga'a kama sora-sora ua ga'a sidodahe ḏua di'a 'Iblisi re enanga ma mala'ekata-mala'ekata!

Matias 7:23

Mada'a Ngoi ta sangoro, ‘Ngoi to nana'o ngini ua. Ni maḏagi ra Ngoi, sababu ngini ninga ga'a 'i cira!’ ”

Markus 8:38

Toma dungia nena-ne, 'i romanga reo ngowa'a 'aḏi 'isene Ma Jou'ongu Madutu ua? 'A guna ḇato 'o mara'a mangaku mete'e Ngoi re 'ari do-doto'o; Ngoi to mara'a ḏi'i mangaku unanga gena-ge 'Ari me-mete'e wakutu Ngoi, Manusia ma Ngowa'a Nau'u, dadunu to sapolo moju mamete'e Rari Ḇaḇa ma kuasa re mala'ekata-mala'ekata 'Ofi-'Ofi.”

Lukas 15:10

Ngoi to siajele ra ngini nena-ne: So'o gena ḏi'i, Ma Jou'ongu Madutu re 'Ai mala'ekata 'aḏi monere na'o ngowa'a baraḏosa matengo ro maḏibo toma ngo'omo boloto.”

Lukas 22:57

Mada'a Petrus 'o masoloto re 'o kanau, “Unanga gena-ge, ngoi to nana'o ua!”

Lukas 9:26

Na'o ngowa'a 'aḏi mara'a mangaku Ngoi re 'ari do-doto'o wakutu Ngoi, Manusia ma Ngowa'a Nau'u 'o ḏuanga i'a dadunu to sapolo rari kuasa, re Ḇaḇa 'ai kuasa re mala'ekata-mala'ekata 'ofi-'ofi ma kuasa; Ngoi ḏi'i mai to mara'a mangaku ngowa'a gena-ge.

2 Timotius 2:12

Na'o ngene wo doiti sangisara, ngene ḏuanga i'a wo parenta mamete'e ra Unanga. Mada'a na'o ngene wo masoloto Unanga, Unanga ḏuanga i'a 'o soloto ngene ḏi'i.

1 Yohanes 2:23

Ngowa'a matengo ga'a dawongo ua, Ma Jou'ongu Madutu 'ai Ngowa'a Nau'u, unanga 'o marimoi ua ḏi'i ra Ma Jou'ongu Madutu. Mada'a 'a guna ḇato 'o mangaku Yesus, Ma Jou'ongu Madutu 'ai Ngowa'a Nau'u, unanga gena-ge 'o marimoi ḏi'i ra Ma Jou'ongu Madutu.

1 Yohanes 2:28

Sababu gena-ge, 'ari ngowa-ngowa'a ni 'ahu marimoi tau-taunu ra Kristus. Dadi ḏuanga i'a ma 'orasa 'i ngadolo wakutu Unanga dadunu 'o sapolo moju, ngene nyengara wo talaḏi Unanga kananga mojongo ua re wo magogono ua, sababu wo mara'a ua.

Tingoýi 3:8

Ngoi reto waro mangale ngini ninga de'oso re ḏegoro: Kalaha ngini ni te'e siḏi nyangu ngini reni mete'e Ngoi 'ari do-doto'o mode-mode'e re ni masoloto ua nana'o Ngoi. Dadi oḏi'i, Ngoi to welanga ngalana ḏua di'a ngini. Ngalana gena-ge matengo i'a mai ua nga'unu ya kuci.