Lukas 12:35 - Jaji ma Su-sungi

³⁵ Ni ma'istiari re ninga poci balasu ni silejanga tau-taunu re ni mapake ḏu-ḏuanga ḏua di'a ni de-de'oso

Lukas 12:35 Iomraidhean Croise

Matias 25:1

“Toma 'orasa gena-ge wakutu Ngoi, Manusia ma Ngowa'a Nau'u, dadunu To sapolo moju, Soroga ma Pareta ma tero sa'olo 'ade-'ade nena-ne: Geri molo'ara were'a 'ami me-mete'e 'o mosolese nga nyagi moi, matengo re matengo remanga 'oboro, 'aḏi tagi totoma geri molo'ara na-nau'u.

Matias 5:16

So'o gena ḏi'i, ninga ga'a ma la-la ga'a ma tero sa'olo tarangi, balasu na sijumu toma mandan, la ngowa'a ya oḏi'i kara 'aḏi puji re silamo'o nanga Ḇaḇa toma soroga.”

Lukas 12:36

ma tero sa'olo budaka-budaka ga'a 'aḏi totoma manga tuanga 'o maḏibo toma molo'ara ma laya ino. Dadi wakutu unanga gena-ge 'o tolo'o ngalana, budaka-budaka gena-ge jau-jau ya welanga ma ngalana.

Efesus 6:14

Sababu gena-ge, balasu ni ḏu-ḏuanga ḏua ni matahana toma 'Iblisi re roh-roh ma jira ga'a ninga lawana-lawana, ma tero sa'olo sordado. Ngini balasu ni mete'e ba-banari tau-taunu ra Ma Jou'ongu Madutu. Gena-ge 'i ma tero sa'olo sordado 'o mapake 'ai golona ma bi-biri'u ga'a 'a piri'u tai golona 'a sinamoto. Re ḏi'i ngini ninga de'oso re ḏegoro balasu 'i boloto 'i ma tero sa'olo sordado 'o mapake 'ai baju ḇesi di'a sidaku 'ai katere.

Filipi 2:15

Dadi ngini ni sijumu mangale ngini mode-mode'e Ma Jou'ongu Madutu 'ai ngowa-ngowa'a 'ofi-'ofi re kaninga sala ua, ni 'ahu loasa re banari toma ngowa'a ma jira re ngowa'a baraḏosa manga sigolona. Wakutu ngini ni singadolo Habari Roanga ga'a sigasa 'ahu toma ngowa-ngowa'a, ngini ma tero sa'olo mumuḏungu ma cahaya ga'a 'i sitarangi dungia ma hafu-hafu. Na'o ngini ninga 'ahu so'o gena 'i dadi nana'o rimoi, la ngoi ḏuanga i'a to maroanga wakutu Kristus dadunu 'o sapolo moju. Sababu enanga 'i dadi bukiti mangale 'ari galasau'u ma duduala 'i parasaja ua.

1 Petrus 1:13

Sababu gena-ge, ngini balasu ninga 'akala re sinyingara 'i ḏu-ḏuanga ḏua di'a ni mete'e Ma Jou'ongu Madutu 'ai demo. Ni ma'istiari ninga 'ahu re ni masinganono pa'i ra Ma Jou'ongu Madutu 'ai barakati ḇato ga'a Unanga ḏuanga i'a 'o pula'a ra ngini wakutu Yesus Kristus dadunu 'o sapolo re masijumu 'ai diri.