Lukas 12:31 - Jaji ma Su-sungi

³¹ Mada'a siḏibo ḏi'i, ngini ni makutale ni 'ahu mete'e Ma Jou'ongu Madutu sa'olo ninga 'Olana. Ḏua Unanga 'o pula'a 'ori i'a mo-moini ḏi'i ga'a ngini ni paralu.

Lukas 12:31 Iomraidhean Croise

Matias 6:33

Mada'a siḏibo ḏi'i, siḏa-siḏa ngini ni makutale dadi ngowa'a loasa re banari re ninga 'ahu mete'e Ma Jou'ongu Madutu sa'olo ninga 'Olana. Ḏua Unanga 'o pula'a 'ori i'a mo-moini ga'a ngini ni paralu.

Lukas 10:42

Momongolo ua pa'i rimoi ḇato lebe la-lamo'o: sigi-gisene 'Ari do-doto'o. Ngo Maria ma pili gena-ge dadi matengo i'a ua ya 'oro.”

Lukas 12:30

Mo-moini gena-ge ngowa-ngowa'a ga'a nana'o Ma Jou'ongu Madutu ua, ananga ya disa. Mada'a ninga Ḇaḇa da'u toma soroga 'a waro ninga paralu mo-moini.

Yohanes 6:27

Awa ngini ni munara pa'i disa ḇato di'a ngo-ngoromo ga'a 'i capati cira. Jobilaha ngini ni munara disa di'a ngo-ngoromo ga'a kama cira ua, re ga'a sigasa toma 'ahu kasingado-ngadolo i'a. Ngo-ngoromo gena-ge Ngoi, Manusia ma Ngowa'a Nau'u, nyengara to pula'a di'a ngini, sababu Ma Jou'ongu Madutu ro sijumu mangale Unanga ro cumutu Ngoi di'a siḏagi munara gena-ge re Ngoi tu sisanangi Unanga.”

Roma 8:31

Mangale mo-moini ga'a Ma Jou'ongu Madutu 'a si'a'a gena-ge, ngene wo kanau 'oru?! Mode-mode'e Ma Jou'ongu Madutu ra ngene ino! Na'o so'o gena-ge 'a guna nga'unu 'o lawana ngene?! Tantu ḏua, matengo i'a mai ua!

1 Timotius 4:8

Na'o ngene wo site'e nanga lese, ma faeda pa'i ceka'a ua. Mada'a na'o wa site'e nanga nyawa sababu wo mete'e Ma Jou'ongu Madutu 'ai do-doto'o mangale 'ahu loasa re banari, enanga ma faeda lai lamo'o toma 'ori i'a mo-moini. Sababu na'o wo 'ahu so'o gena-ge, ngene wo sanga 'ahu ga'a Unanga 'a sijaji toma 'orasa nange-ne re 'ahu toma biono i'a.

'Ibrani 13:5

Awa ngini ni dadi pipisi ma budaka. Siḏibo ḏi'i, ngini balasu basono sanangi reo 'oru ga'a 'age ra ngini ḏua. Sababu Ma Jou'ongu Madutu ro kanau so'o ne: “Ngoi to sieanga i'a ngana ua, Ngoi to sisoi'i tala ngana ua.”