Lukas 12:29 - Jaji ma Su-sungi

²⁹ Awa ni madodato re ninga 'akala le-leanga mangale 'oru ga'a ni oromo bolo 'oru ga'a ni ka'e.

Lukas 12:29 Iomraidhean Croise

Matias 6:31

Sababu gena-ge, awa ni madodato re ni kanau, ‘Ngene ḏuanga i'a wo oromo 'oru?’ bolo, ‘Ngene ḏuanga i'a wo ka'e 'oru?’ bolo, ‘Ngene ḏuanga i'a wo pake 'oru?’

Lukas 12:22

Ḏua Yesus 'o kanau i'a Tai me-mete'e, “Sababu gena-ge, Ngoi to siajele ra ngini nena-ne: Awa ni dodato mangale ninga 'ahu: 'oru ga'a ni oromo. Re ḏi'i awa ni madodato mangale ninga lese: 'oru ga'a ngini na pake!

Lukas 12:26

Na'o 'ori i'a ma je-jeka'a so'o nena-ne ḇato, ngini na 'a'a nga'unu ua, i'a sa'olo ni dodato mangale 'ori i'a ma lelegu sa'olo ninga ngo-ngoromo bolo ninga pakeanga?

Lukas 12:30

Mo-moini gena-ge ngowa-ngowa'a ga'a nana'o Ma Jou'ongu Madutu ua, ananga ya disa. Mada'a ninga Ḇaḇa da'u toma soroga 'a waro ninga paralu mo-moini.

Lukas 22:35

Togumu i'a, Yesus 'o kanau ra ananga, “ 'Au nga'ene, Ngoi to 'utusu ngini re to simaha ua ngini ni gasa tohe, pipisi bolo tarupa; 'oru ḇato ngini ni mabasono tala 'i kuranga ra ngini?” Ananga ya sangoro, “Ua.”