Lukas 12:28 - Jaji ma Su-sungi

²⁸ Saya-saya toma goroa 'i konyo wangere nange-ne, re da-daini ngowa'a ya tau'u. Kalaha so'o gena-ge, Ma Jou'ongu Madutu 'a diai saya-saya gena-ge lai rousu masala. Dadi ma la-lamo'o i'a ḏi'i Unanga 'o diai ngini! Dadi i'a sa'olo ninga ngo-ngaku pa'i ceka'a ua ra Ma Jou'ongu Madutu ḇato!

Lukas 12:28 Iomraidhean Croise

Matias 14:31

Yesus jau-jau 'a toa'a 'ai giama re 'u cako'o 'a Petrus, re 'O kanau, “Petrus, ngana 'ani ngo-ngaku pa'i ceka'a ua ḇato ra Ngoi. I'a sa'olo 'ani 'akala re sinyingara 'i taka-taka?”

Matias 16:8

Yesus 'a waro 'oru ga'a ananga 'aḏi ma'u kanau matengo re matengo. Dadi Unanga 'o kanau i'a ra ananga, “I'a sa'olo ngini ni ma'u kanau matengo re matengo mangale roti 'i cua?! Ngini ninga ngo-ngaku pa'i ceka'a ua ra Ngoi?!

Matias 17:17

Yesus 'a sangoro, “Ngini mode-mode'e ngowa-ngowa'a ga'a ni ngaku Ngoi ua re ni iranga ninga ngo'omo! Singadolo ma di'ara ngau moju, Ngoi balasu to tegoro marimoi ra ngini?! Singadolo ma di'ara ngau moju, Ngoi to sidodai 'Ari 'akala ḇanyo ra ngini?! Gasa ino ngowa 'olo gena-ge!”

Matias 17:20

Yesus 'a sangoro, “Sababu ngini ninga ngo-ngaku pa'i ceka'a ua. Ni ngaku mode-mode'e 'Ari demo-demo nena-ne: Na'o ngini ninga ngo-ngaku ma lamo'o sa'olo gisisi lai ceka'a ngai moi, ngini nga'unu kanau toma kie nena-ne ‘Malage i'a da'a’ re tantu ḏua enanga 'i malage. Na'o ngini ninga ngo-ngaku so'o gena, 'oru ḇato ngini nga'unu na 'a'a!” [

Matias 6:30

Saya-saya toma goroa 'i konyo wangere nange-ne, re da-daini ngowa'a ya tau'u. Kalaha so'o gena-ge, Ma Jou'ongu Madutu 'a diai saya-saya gena-ge lai rousu masala. Dadi ma la-lamo'o i'a ḏi'i Unanga 'o diai ngini! Dadi i'a sa'olo ninga ngo-ngaku pa'i ceka'a ua ra Ma Jou'ongu Madutu?!

Matias 8:26

Yesus 'o kanau, “I'a sa'olo ni mojongo? Ngini ninga ngo-ngaku te'e ua ra Ngoi!” Gena ḏua, Yesus 'o te'oso re 'a ḇangata rato re talaga gena-ge. Re talaga 'i ogoro madutu sa'olo wag̱ele tau'u.

Lukas 8:25

Ḏua Unanga 'o kanau ra ananga, “I'a sa'olo ni ngaku Ngoi ua?” Ananga 'aḏi heranga re 'aḏi matai mojongo re 'aḏi ma'u kanau matengo re matengo, “Unanga nena-ne 'o dadi 'oru! Singadolo rato re momoku ya mete'e Unanga 'ai parenta!”

'Ibrani 6:7

Ngowa'a ga'a Ma Jou'ongu Madutu 'o sibarakati, ma tero sa'olo tana'a 'i nga'unu besa'a kara ma go-gahu 'i konyo, re 'i pula'a ma hasili toma ngowa'a ga'a 'aḏi munara.

1 Petrus 1:24

Toma Boku 'Ofi-'Ofi 'i silefo so'o ne: “Ngowa'a toma dungia mo-moini ma tero sa'olo rurubu re ngowa'a manga kabasarana mo-moini ma tero sa'olo saya-saya; Rurubu 'i wa'alo, ma saya-saya 'i matai turono.