Lukas 12:19 - Jaji ma Su-sungi

¹⁹ Gena ḏua, ngoi to kanau tari 'akala re sinyingara ma dara, ‘Ngana no bara'utungu! 'Ori i'a ma la-la ngana na sanga ḏua mo-moini. Re kalaha ma di'ara rema musu-musungu, kama moini ua nena-ne si'a. Nange-ne no mangomasa! No oromo re ka'e re no masa-sanangi 'ani 'ahu.’

Lukas 12:19 Iomraidhean Croise

Lukas 12:18

Gena ḏua, unanga 'o mafikiri moju re 'o kanau tai 'akala re sinyingara ma dara, ‘Ngoi ta sanga ma ngo'omo moju, 'ari titila to soma'a ya ruba re simomi'i gasa lebe lamo'o i'a, kara ta gogono 'ari tana'a ma hasili re 'ori i'a rana ma lelegu toma ngi'i gena-ge.

Lukas 16:19

“ 'Age rema ngowa'a matengo, unanga gena-ge ngowa'a rema-enanga. 'Ai pakeanga ma ijana hali-hali re 'ai 'ahu wange moi-wange moi 'o maro-rousu ḇato.

Lukas 21:34

Ni ma'istiari! Awa ngini pa'i ni cufala 'a'a laya re ni ma'eto-'etolo, bolo pa'i ni mafikiri ninga 'ahu ḇato, singadolo kage-kage ma 'orasa gena-ge 'i ngadolo re ngini ni siwaro i'a ua.

1 Korintus 15:32

Na'o pa'i sanga 'utungu nanga 'ahu toma dungia nena-ne ḇato, ma faeda 'oru ngoi to makutale talaḏi ngowa'a ma jira toma limau Epesus. Ngowa'a gena-ge ma tero sa'olo singa-singa! Si'ade-'ade i'a ngowa'a senge-sengene dadunu 'aḏi 'ahu yoḏu'u. Jobilaha ngene mete'e dolabololo enanga ma betongo so'o ne: “Ino ngene oromo re wo ka'e ma'eto-'etolo wa sisanangi nanga 'ahu, sababu da-daini bolo ḏiḏingi ngene wo sengene.”

Filipi 3:19

Ma ḏo-ḏogumu tala, ngowa-ngowa'a ga'a 'aḏi 'ahu so'o gena, manga 'ahu 'i iranga sababu ananga 'aḏi silamo'o re siḏubuso manga nyafusu masiretene. Ananga 'aḏi matoro mangale manga de'oso re ḏegoro. Momongolo ua, sipula'a mara'a ananga masiretene. Ananga 'aḏi fikiri pa'i manga 'ahu toma dungia ḇato.

1 Timotius 5:6

Mada'a were'a balo ga'a mo madaga'a ua 'ori i'a ma la-la, mada'a mo disa 'ahu pai-pai'i re mau sanangi tau-taunu; kalaha munanga mo 'ahu moju, munanga ma tero sa'olo romo sengene!

1 Timotius 6:17

Ngana balasu no golo'o toma ngowa-ngowa'a rema-enanga toma dungia nena-ne, awa ananga 'aḏi momole re awa 'aḏi masinganono toma 'ori i'a 'i kakali ua ma tero sa'olo manga harata. Ananga balasu 'aḏi masinganono ra Ma Jou'ongu Madutu ga'a 'o pula'a 'oru ḇato ra ngene pai-pai'i di'a ngene nanga 'ahu.

2 Timotius 3:4

Ananga nyanyaḏi ma'u sijira, 'aḏi momole, re 'aḏi madibanga kiḏanga ua, ananga lebe nyanyaḏi dungia ma nyafusu, 'aḏi ḇusuru mete'e Ma Jou'ongu Madutu 'ai 'akala ma mau.

Yakobus 5:5

Nange-ne, ninga 'ahu pai-pai'i re dungia ma mau-mau mai ni basono mo-moini. Dadi ngini ni piara ninga lese singadolo ni dadi ma tero sa'olo haiwani, ga'a sidodahe ḏua di'a tola'a. Ma ḏo-ḏogumu, ngini ḏuanga i'a sanga hukumu ra Ma Jou'ongu Madutu.

1 Petrus 4:3

Ma siḏa ma di'ara ḏua, ngini ninga 'ahu ma duhu sa'olo ngowa-ngowa'a ga'a 'aḏi ngaku ua Ma Jou'ongu Madutu. Ngini ninga 'ahu mete'e dungia ma nyafusu: Ngini ni ka'e ni ma'eto-'etolo, re ni 'a'a laya kama 'atoranga ua, mete'e su-sudala, re silamo'o jou'ongu ma somoara.

Tingoýi 18:7

Nange-ne ni pula'a sangisara re 'akala re sinyingara kangela ma tero ra ananga, sa'olo ma siḏa ananga manga 'ahu pai-pai'i re sanangi ḏua, sababu ananga ma tero sa'olo we-were'a ga'a mo momole re mo kanau, ‘Ngoi nena-ne 'olana we-were'a ga'a to pareta; ngoi nena-ne, we-were'a balo ua, re ngoi ḏuanga i'a kama basono 'akala kangela ua!’