Lukas 12:17 - Jaji ma Su-sungi

¹⁷ Unanga gena-ge 'o mulaingi mafikiri tai 'akala re sinyingara ma dara, ‘Sababu ma ngi'i 'i cua ḏua di'a ta gogono 'ari tana'a ma hasili. Ta sidisa ma 'akala sa'olo moju?’

Lukas 12:17 Iomraidhean Croise

Matias 16:7

Wakutu ananga gena-ge 'aḏi 'isene Yesus 'o kanau so'o gena, 'Ai me-mete'e 'aḏi makanau matengo re matengo, “Unanga 'o kanau so'o gena, sababu ngene wo gasa roti ua.”

Matias 5:42

Na'o ngowa'a matengo 'o golo'o 'ori i'a rimoi i'a ra ngana, ngana no pula'a ḇato. Re ngana nu dusu'u awa ngowa'a matengo ga'a mau bau 'oru ḇato ra ngana.”

Lukas 10:25

Gena ḏua, guru 'agama matengo 'o te'oso mau disa Yesus 'ai sala dadi 'o sano ra Yesus, “Guru, ngoi balasu to 'a'a sa'olo, la to sanga 'ahu kasingado-ngadolo i'a?”

Lukas 11:41

Ngini ninga moku re suḏe ma dara, balasu ni pula'a toma ngowa'a ma dinga'unu ua. Na'o ninga ga'a so'o gena-ge, ngini ni dadi 'ofi-'ofi ra Ma Jou'ongu Madutu 'ai momina.

Lukas 12:16

Ḏua Yesus 'a sijarita 'ade-'ade so'o ne: “ 'Age rema ngowa'a rema-enanga matengo 'ai tana'a ma hasili lai lamo'o.

Lukas 12:18

Gena ḏua, unanga 'o mafikiri moju re 'o kanau tai 'akala re sinyingara ma dara, ‘Ngoi ta sanga ma ngo'omo moju, 'ari titila to soma'a ya ruba re simomi'i gasa lebe lamo'o i'a, kara ta gogono 'ari tana'a ma hasili re 'ori i'a rana ma lelegu toma ngi'i gena-ge.

Lukas 12:22

Ḏua Yesus 'o kanau i'a Tai me-mete'e, “Sababu gena-ge, Ngoi to siajele ra ngini nena-ne: Awa ni dodato mangale ninga 'ahu: 'oru ga'a ni oromo. Re ḏi'i awa ni madodato mangale ninga lese: 'oru ga'a ngini na pake!

Lukas 12:29

Awa ni madodato re ninga 'akala le-leanga mangale 'oru ga'a ni oromo bolo 'oru ga'a ni ka'e.

Lukas 12:33

Ninga 'ori i'a rana na wu'unu re ma ijana ni pula'a toma ngowa'a ma dinga'unu ua. Na'o 'a'a so'o gena, ngini ni gogono 'ori i'a rana mode-mode'e toma soroga ma dara. Soroga gena-ge ma tero sa'olo harata ma ngi'i kama cira ua. Harata ga'a 'i sigare gena-ge ngowa'a to-tori'i ya tori'i yoḏu'u re ngingia mai reno yoḏu'u.

Lukas 16:3

Ḏua falalomu ma sae'e gena-ge 'o makanau tai 'akala re sinyingara ma dara, ‘Nange-ne ngoi balasu to 'a'a 'oru? Tuanga mau sitogumu ngoi 'ari munara: To mapatu, ta nga'unu ua; to golo-golo'o, ta mara'a.

Lukas 16:9

Ḏua Yesus 'o kanau moju, “Ngoi to siajele ra ngini nena-ne: Ni pake ninga 'ori i'a rana toma dungia nena-ne di'a ni riono ngowa'a lelegu re ni sanga ḏagilomu, la wakutu ma 'orasa enanga 'i ngadolo 'ori i'a rana gena-ge ma ijana ri cua, ananga ḏuanga i'a 'aḏi dawongo ngini toma soroga.

Lukas 18:22

Yesus 'a 'isene so'o gena re 'o kanau, “Ma jingianga rimoi moju, ngana balasu na si'a'a: Na wu'unu 'ani 'ori i'a rana mo-moini, re ma pipisi na sibalangu toma ngowa-ngowa'a ma dinga'unu ua. Dadi ngana ḏuanga i'a no sanga 'ori i'a rana mode-mode'e toma soroga. Togumu i'a no sapolo re no mete'e Ngoi.”

Lukas 19:17

'Ai tuanga 'o kanau, ‘Rousu masala, ngana budaka ma la-la. Sababu ngana reno dadi ngowa'a cufala rema 'ori i'a i'a pa'i ceka'a ua, ngoi to pula'a watasa ra ngana no parenta limau nyagi moi.’

Lukas 3:11

Yohanes 'a sangoro, “Ngowa'a remanga baju bela ḏiḏi balasu sipula'a bela moi toma ngowa'a kamanga baju ua, re ngowa'a remanga ngo-ngoromo balasu sibalangu toma ngowa'a kamanga ngo-ngoromo ua.”

Yesus 'ai so-soma'a 16:30

Ḏua unanga 'o supu re ya'u gasa Paulus re 'a Silas, kara 'o kanau, “Tuanga-tuanga, ngoi balasu to 'a'a 'oru, la ngoi to sanga salamata?”

Yesus 'ai so-soma'a 2:37

Wakutu ananga ya 'isene so'o gena, ananga manga 'akala re sinyingara 'i kangela masala. Ḏua ananga 'aḏi sano ra Petrus re 'a Yesus 'ai so-soma'a ma lelegu ḏi'i, “Ioronongoḏu, ngomi balasu mi 'a'a 'oru?”

Roma 12:13

Ni siriono ngowa'a manga ngo-ngaku rimoi ra ngini ga'a manga kuranga re ngadolo ua. Re na'u dawongo ngowa'a tagi-tagi ino taninga wala reninga 'akala re sinyingara sa-sanangi.

1 Timotius 6:17

Ngana balasu no golo'o toma ngowa-ngowa'a rema-enanga toma dungia nena-ne, awa ananga 'aḏi momole re awa 'aḏi masinganono toma 'ori i'a 'i kakali ua ma tero sa'olo manga harata. Ananga balasu 'aḏi masinganono ra Ma Jou'ongu Madutu ga'a 'o pula'a 'oru ḇato ra ngene pai-pai'i di'a ngene nanga 'ahu.

1 Yohanes 3:16

Gena-ge 'i sijumu ra ngene mangale ma'u dadalara ma ngo'omo: Yesus Kristus nyengara ra sipula'a 'ai 'ahu, la ngene wo sanga salamata. Sababu gena-ge, ngene ḏi'i balasu wo nyengara wa sipula'a nanga 'ahu di'a nanga ioronongoḏu ngo-ngaku rimoi!