Lukas 12:11 - Jaji ma Su-sungi

¹¹ Ngini ni mojongo awa mangale 'oru ga'a ngini balasu ni kanau di'a ngini na riono ninga diri wakutu ngini ngowa'a nu'u gasa toma wala puji di'a sijuruhakimi toma pamarenta, bolo toma ngowa'a la-lamo'o.

Lukas 12:11 Iomraidhean Croise

Matias 23:34

Ni 'isene la-la ino: Ma sababu gena-ge, Ngoi nena-ne ḏuanga i'a to 'utusu ra ngini nabi-nabi, ngowa-ngowa'a 'akala soro'unu re guru-guru 'agama. Mamuni'a ngini na'u sisengene re mamuni'a ngini na'u sisalib. 'Age ḏi'i mamuni'a ngini na'u sipo toma wala-wala puji, re na'u dedele ananga toma limau rimoi sigasa limau ma lelegu.

Matias 6:25

Sababu gena-ge, Ngoi to siajele ra ngini nena-ne: Awa ni dodato mangale ninga 'ahu: bae 'oru ga'a ni oromo bae 'oru ga'a ni ka'e. Re ḏi'i, awa ni madodato mangale ninga lese: 'Oru ga'a ni pake. Sababu tantu ḏua, ninga 'ahu lebe la-lamo'o i'a reo ngo-ngoromo re lese lebe la-lamo'o i'a reo pakeanga!

Matias 6:27

Re ḏi'i, kalaha pa'i jam rimoi ḇato tai 'umuru ma giḏanga 'a guna ra ngini ninga sigolona nga'unu 'a dogo sababu 'o madodato?!

Matias 6:28

I'a sa'olo ngini ni madodato mangale pakeanga? Tai'i ni tailako la-la ino 'o saya-saya 'i konyo toma goroa. Saya-saya gena-ge kama munara ua re kama 'a'a ma pakeanga ua.

Matias 6:31

Sababu gena-ge, awa ni madodato re ni kanau, ‘Ngene ḏuanga i'a wo oromo 'oru?’ bolo, ‘Ngene ḏuanga i'a wo ka'e 'oru?’ bolo, ‘Ngene ḏuanga i'a wo pake 'oru?’

Matias 6:34

Sababu gena-ge, awa ni dodato mangale wangere da-daini, sababu enanga rema susa re sangisara masiretene. Wangere nange-ne enanga ma susa re sangisara ngadolo nena-ne ḇato, awa na dogo moju sababu ni dodato mangale wangere da-daini!”

Lukas 12:22

Ḏua Yesus 'o kanau i'a Tai me-mete'e, “Sababu gena-ge, Ngoi to siajele ra ngini nena-ne: Awa ni dodato mangale ninga 'ahu: 'oru ga'a ni oromo. Re ḏi'i awa ni madodato mangale ninga lese: 'oru ga'a ngini na pake!