Lukas 11:9 - Jaji ma Su-sungi

⁹ Dadi Ngoi to kanau ra ngini: Ni golo'o, ḏuanga i'a ni dawongo. Ni disa, ḏuanga i'a ni sanga. Ni tolo'o ngalana, ḏuanga i'a ya welanga.

Lukas 11:9 Iomraidhean Croise

Matias 21:22

Na'o ngini ni ngaku mode-mode'e, 'oru ḇato ngini golo'o taninga nyiata ma dara, ngini ḏuanga i'a na dawongo.”

Matias 21:31

Nah tai ngowa'a nga muḏiḏi gena-ge 'a guna ga'a 'a mete'e manga ḇaḇa 'ai mau?” Ananga gena-ge ya sangoro, “Ngowa'a nau'u ma ioro.” Ḏua, Yesus 'o kanau ra ananga, “Ni ngaku mode'e 'Ari demo nena-ne: Ngowa'a golo-golo'o balastengi re we-were'a su-sudala, ananga gena-ge 'aḏi osama nyo-nyoimi ra Ma Jou'ongu Madutu 'ai Pareta; mada'a ngini ua!

Matias 6:29

Mada'a, Ngoi to siajele ra ngini nena-ne: Kalaha 'Olana Salomo ngowa'a rema-enanga madutu, 'ai pakeanga ma rousu ma tero ua sa'olo saya-saya gena-ge.

Markus 11:24

Sababu gena-ge, Ngoi to siajele ra ngini nena-ne: 'Oru ḇato 'o manyiata re 'o ngaku mode-mode'e Ma Jou'ongu Madutu 'o pula'a ḏua, enanga gena-ge 'i dadi ra unanga.

Markus 13:37

Ngoi to kanau pa'i ra ngini ḇato ua, mada'a toma ngowa'a mo-moini: balasu majaga-jaga!”

Lukas 11:10

Sababu 'a guna ḇato ga'a 'o golo'o, ḏuanga i'a 'o dawongo. 'A guna ḇato ga'a 'o disa, ḏuanga i'a 'o sanga. Re 'a guna ḇato ga'a 'o tolo'o ngalana, ḏuanga i'a ya welanga.

Yohanes 14:13

Re 'oru ḇato ga'a ngini golo'o ra Ngoi ni pake 'Ari lomanga, Ngoi ta si'a'a di'a ngini, la Ngoi to sigasa puji re silamo'o Tari Ḇaḇa.

Yohanes 15:16

Ngini nena-ne ni cumutu Ngoi ua. Siḏibo ḏi'i, Ngoi nena-ne reto cumutu ngini ḏua, re Tini 'utusu ni tagi, la ninga sowo'o lai repe, re enanga gena-ge sowo'o kasingado-ngadolo i'a. Dadi 'oru ḇato ga'a ngini golo'o Tari Ḇaḇa ni pake 'Ari lomanga, ngini ḏuanga i'a ni sanga.

Yohanes 15:7

Na'o ngini marimoi tau-taunu ra Ngoi re 'Ari do-doto'o ni gogono tau-taunu taninga 'akala re sinyingara ma dara, ni golo'o 'oru ḇato Tari Ḇaḇa, tantu ḏua Unanga nu pula'a ra ngini.

Yohanes 4:10

Yesus 'a sangoro, “Na'o ngana na waro mangale Ma Jou'ongu Madutu 'ai bu-bula'a re Ngoi nena-ne 'a guna ga'a to golo'o ka'e ra ngana, tantu ḏua, ngana masiretene ḏuanga i'a no golo'o ka'e ḇanyo ra Ngoi, re Ngoi to pula'a ḇanyo 'ahu ra ngana.”

Roma 2:7

'Age ngowa'a mamuni'a ga'a 'a'a 'ori i'a la-la tau-taunu sababu ananga gena-ge mau Ma Jou'ongu Madutu 'o silamo'o ananga, sanga mulia re ḏi'i 'aḏi 'ahu mamete'e ra Unanga toma soroga. Ananga gena-ge, ḏuanga i'a Unanga ya'u pula'a 'ahu kasingado-ngadolo i'a.

2 Korintus 6:2

Toma Boku 'Ofi-'Ofi ma dara Ma Jou'ongu Madutu 'o kanau so'o ne: “Toma 'orasa Ngoi to cumutu ngini, Ngoi to sijumu 'ari mura re dadalara re To dawongo ngini ninga nyiata, re salamata ma wangere, Ngoi tini riono ngini.” Ngoi, Paulus to siajele ra ngini: Totoho la-la ino! Nange-ne, enanga ma 'orasa Ma Jou'ongu Madutu ro cumutu di'a sijumu 'Ai mura re dadalara. Nange-ne, enanga ma 'orasa Unanga mau 'o sisalamata ngini.

'Ibrani 11:6

Dadi sanga ua 'a guna ḇato kai ngo-ngaku ua nyengara sisanangi Ma Jou'ongu Madutu 'ai 'akala re sinyingara. Sababu ngowa'a ga'a mau 'aḏi silamo'o re siḏubuso Ma Jou'ongu Madutu balasu 'aḏi ngaku mangale Ma Jou'ongu Madutu Unanga 'age, re Unanga ḏuanga i'a 'o pula'a ngogele ra ananga ga'a 'aḏi disa Unanga mode-mode'e, la ananga 'U nana'o.

'Ibrani 4:16

Sababu gena-ge, ino ngene renanga mojongo awa wo talaḏi Ma Jou'ongu Madutu ga'a 'O parenta re sijumu 'Ai mura re dadalara ra ngene. Unanga gena-ge 'a sijumu 'Ai 'akala re sinyingara ma la-la re pula'a 'Ai mura re dadalara ra ngene, la ngene wo sanga ri-riono pasi-pasi enanga ma 'orasa.

Yakobus 1:5

Mada'a, na'o 'age matengo taninga sigolona 'ai 'akala soro'unu enanga 'i kuranga mangale ma duhu sa'olo unanga 'o 'ahu na'o 'o sanga dola'aku re bo-baja, unanga gena-ge balasu 'o golo'o ra Ma Jou'ongu Madutu. Ḏua Ma Jou'ongu Madutu ḏuanga i'a 'o pula'a 'akala soro'unu ra guna ḇato Rai 'akala re sinyingara sa-sanangi kama kuḏubungu ua.

Yakobus 5:15

Na'o manga nyiata 'i supu tamanga 'akala re sinyingara remanga ngo-ngaku mode-mode'e, Ma Jou'ongu Madutu ḏuanga i'a si-la ngowa'a siḏi gena-ge. Re na'o ngowa'a gena-ge 'o 'a'a ḏosa, Ma Jou'ongu Madutu ḏuanga i'a singi-ngiranga 'ai ḏosa-ḏosa gena-ge.

1 Yohanes 3:22

Dadi 'oru ḇato ga'a ngene wo golo'o ra Unanga, ngene wa sanga, sababu ngene wa mete'e 'Ai parenta re wa sisanangi Unanga 'ai 'akala re sinyingara.

Tingoýi 2:24

Mada'a taninga sigolona toma limau Tiatira, 'age mamuni'a ga'a mete'e ua ngo Izebel 'ami do-doto'o gena-ge. Ngini gena-ge madoto'o ua do-doto'o ga'a silomanga 'Iblisi ma rahasia ga'a pa'i enanga gena-ge ḇato nga'unu sijumu. Sababu gena-ge, Ngoi to siajele ra ngini, to pula'a riwara parenta ra ngini,