Lukas 11:51 - Jaji ma Su-sungi

⁵¹ Mulaingi sisengene 'a Habel, singadolo 'aḏi sisengene 'a Zakaria toma jou-jou ma ngi'i ra Ma Jou'ongu Madutu 'ai Wala ma sigolona. Ngoi to siajele ra ngini nena-ne: Ngowa-ngowa'a 'orasa nange-ne ḏuanga i'a 'aḏi sanga hukumu sababu nabi-nabi gena-ge ngini re ninga ete re dotumu ananga ya'u sisengene.

Lukas 11:51 Iomraidhean Croise

Matias 23:35

Dadi ngini ḏuanga i'a ni sanga hukumu di'a ngowa'a kamanga sala ua mo-moini ninga ete re dotumu ya'u sisengene. Mulaingi ra Habel, ngowa'a ga'a kai sala ua, singadolo ngini ni sisengene 'a Zakharia 'a Berekhya 'ai ngowa'a nau'u, ga'a nu sisengene wakutu unanga toma jou-jou ma ngi'i ra Ma Jou'ongu Madutu 'ai Wala ma sigolona.

'Ibrani 11:4

Sababu Habel 'ai ngo-ngaku, unanga 'o pula'a jou-jou ra Ma Jou'ongu Madutu ga'a 'i lebe rousu ra Kain 'ai jou-jou. Sababu Habel 'ai jou-jou Ma Jou'ongu Madutu 'o sanangi re 'a dawongo 'a Habel sa'olo ngowa'a loasa re banari. Re kalaha Habel ro sengene, unanga 'ai ngo-ngaku gena-ge 'i dadi do-doto'o moju ra ngene nange-ne.

'Ibrani 12:24

Ngini ni sapolo talaḏi ra Yesus ga'a 'o dadi lese to golona di'a jaji ma su-sungi. Unanga gena-ge 'ai ngaunu lebe rousu rea Habel 'ai ngaunu. Sababu wakutu Yesus 'ai ngaunu 'i pa'ala, Ma Jou'ongu Madutu 'o singi-ngiranga ninga ḏosa. Mada'a wakutu Habel 'ai ngaunu 'i pa'ala, Ma Jou'ongu Madutu 'o sihukumu 'a Kain.

1 Yohanes 3:12

Awa ngene ma tero sa'olo 'a Kain 'o dadi 'Iblisi ma ngowa'a re 'a sisengene 'ai nongoḏu masiretene. I'a sa'olo unanga gena-ge 'o sisengene 'ai nongoḏu?! Sababu 'ai de'oso re ḏegoro gena-ge 'i cira mada'a ma nongoḏu 'ai de'oso re ḏegoro 'i loasa re banari.