Lukas 11:49 - Jaji ma Su-sungi

⁴⁹ Ma sababu gena-ge Ma Jou'ongu Madutu 'ai 'akala ma soro'unu ma betongo so'o ne: ‘Ngoi ḏuanga i'a to siḏingoto 'Ari nabi-nabi re 'Ari so-soma'a re mamuni'a ḏi'i taninga sigolona ya'u sisengene re ya'u sisikisa!’

Lukas 11:49 Iomraidhean Croise

Matias 22:6

Re ngowa'a ma lelegu 'aḏi cako'o ma 'olana 'ai budaka, ya'u ca'olo singadolo ya'u sisengene.

Lukas 11:48

Dadi ngini ni simete'e 'oru ga'a ninga ete re dotumu 'ua re 'au wali manga ga'a. Sababu mode-mode'e ananga ya'u sisengene 'o nabi-nabi re ngini ni 'a'a manga kubu.

Lukas 24:47

Re ngowa-ngowa'a ḏuanga i'a 'aḏi singadolo habari rea Kristus gena-ge 'ai kuasa toma suku-suku mangale manusia balasu 'aḏi maḏibo toma ngo'omo boloto, la Ma Jou'ongu Madutu 'a singi-ngiranga manga ḏosa. Habari nena-ne balasu sirera re siwalata mulaingi toma limau Yerusalem singadolo toma dungia sitabi donga.

Yohanes 16:2

Ngowa'a ḏuanga i'a 'aḏi dusu'u ngini toma wala-wala puji. Ma nyonyata enanga ma 'orasa ḏuanga i'a 'i ngadolo wakutu ngowa'a ga'a 'aḏi sisengene ngini, ananga 'aḏi ta'ajiri 'aḏi siḏagi Ma Jou'ongu Madutu 'ai 'akala ma mau.

Yesus 'ai so-soma'a 1:8

Mada'a ḏuanga i'a ngini ni sanga kuasa wakutu Ma Ngagara 'Ofi-'Ofi 'i 'uci re nu ḏegoro. Toma 'orasa gena-ge, ngini ni dadi 'Ari sakisi-sakisi toma limau Yerusalem, toma daeraha Yudea re daeraha Samaria mo-moini re ngadolo toma dungia sitabi donga.”

Yesus 'ai so-soma'a 11:27

Toma 'orasa gena-ge, 'age rema nabi-nabi nga muḏuo i'a toma limau Yerusalem ino 'aḏi sapolo toma limau Antiokhia. Toma nabi-nabi gena-ge manga sigolona 'age rema ngowa'a matengo 'ai lomanga 'a Agabus. Ma Ngagara 'Ofi-'Ofi 'u sinyanyasele unanga 'o siajele toma ngowa-ngowa'a ngaku Yesus mangale 'orasa sawini lai ti'ara ḏuanga i'a 'i dadi toma dungia Roma sitabi donga. (Gena-ge 'i dadi wakutu 'a Kaisar Klaudius 'o gu'u pareta).

Yesus 'ai so-soma'a 22:20

Re wakutu ananga 'aḏi sisengene 'a Stefanus, ngoi masiretene 'age ḏi'i re to sanangi ananga 'u sisengene unanga Stefanus, re ngoi ta ja-jaga ngowa'a gena-ge manga juba.’

Yesus 'ai so-soma'a 7:57

Ngowa-ngowa'a toma Mahkamah 'Agama ya pu'i manga ngau'u re 'aḏi mapataha re 'aḏi marimoi mau cako'o unanga.

Yesus 'ai so-soma'a 8:3

Mada'a Saulus mau 'o sisikisa ngowa-ngowa'a ngaku Yesus. Sababu gena-ge, unanga 'o supu-osama toma wala-wala, 'o cako'o re 'o iḏala ngowa-ngowa'a gena-ge re ya'u singosama bui.

1 Korintus 1:24

Mada'a di'a ngowa-ngowa'a ga'a Ma Jou'ongu Madutu ro 'aro'o, bae ngowa'a Yahudi bae ngowa'a Yahudi ua, Habari Roanga gena-ge Ma Jou'ongu Madutu 'ai duhu di'a sijumu mangale 'Ai kuasa re 'Ai 'akala ma soro'unu.

1 Korintus 1:30

Ma Jou'ongu Madutu masiretene 'O sirimoi ngini ra Kristus. Re Kristus gena-ge 'o dadi ma tero sa'olo Ma Jou'ongu Madutu 'ai 'akala ma soro'unu ra ngene. Re sababu ngene rewo marimoi ra Kristus, ngene wo dadi loasa re banari re wo dadi Ma Jou'ongu Madutu 'ai ngowa-ngowa'a 'ofi-'ofi re Unanga 'O tuusu ngene.

Efesus 4:11

Unanga gena-ge, “ 'O pula'a cocatu toma manusia,” la 'age rema ngowa'a 'aḏi dadi Yesus 'ai so-soma'a, 'age rema ngowa'a 'aḏi dadi nabi, 'age rema ngowa'a ga'a 'aḏi singadolo Habari Roanga, re guru-guru ga'a 'aḏi doto'o ngowa'a ngaku Yesus.

Kolose 2:3

Pa'i ra Kristus gena-ge ḇato, toma ngowa'a lelegu 'i cua, 'akala soro'unu re wo-waro mo-moini mangale Ma Jou'ongu Madutu. Enanga gena-ge 'i ma tero sa'olo harata ga'a 'ua re 'au wali moju 'i go-gogono.

Tingoýi 16:6

Sababu ananga ya sipa'ala ḏua 'Ani ngowa-ngowa'a re nabi-nabi manga ngaunu. Sababu gena-ge nange-ne, Ma Jou'ongu Madutu no si'a'a ananga 'aḏi ka'e ngaunu ḏi'i. Tero mode'e, ananga balasu sanga so'o gena!”

Tingoýi 18:20

Hai, mo-moini ni tegoro toma soroga, ni monere sababu limau gena-ge ri pinya'olo ḏua. Hai, Ma Jou'ongu Madutu 'ai 'umata, Yesus 'ai so-soma'a re nabi-nabi, ngini gena-ge ni maroanga mo-moini, sababu Ma Jou'ongu Madutu 'o sihukumu ḏua ngowa-ngowa'a 'aḏi tegoro toma limau Babel. Unanga ra balasa ananga gena-ge manga de'oso re ḏegoro ga'a si'a'a ḏua ra ngini!