Lukas 11:41 - Jaji ma Su-sungi

⁴¹ Ngini ninga moku re suḏe ma dara, balasu ni pula'a toma ngowa'a ma dinga'unu ua. Na'o ninga ga'a so'o gena-ge, ngini ni dadi 'ofi-'ofi ra Ma Jou'ongu Madutu 'ai momina.

Lukas 11:41 Iomraidhean Croise

Matias 26:11

Ngowa'a ma dinga'unu ua 'age taninga sigolona tau-taunu, mada'a Ngoi 'age ra ngini tau-taunu ua.

Matias 5:42

Na'o ngowa'a matengo 'o golo'o 'ori i'a rimoi i'a ra ngana, ngana no pula'a ḇato. Re ngana nu dusu'u awa ngowa'a matengo ga'a mau bau 'oru ḇato ra ngana.”

Markus 7:19

Sababu 'ori i'a osama gena-ge 'i mete'e ua toma 'akala re sinyingara mada'a 'i mete'e po'olo ḇato, kara 'i supu.” Rema demo-demo gena-ge, Yesus 'o kanau ngo-ngoromo mo-moini 'i wosono ua.

Lukas 12:33

Ninga 'ori i'a rana na wu'unu re ma ijana ni pula'a toma ngowa'a ma dinga'unu ua. Na'o 'a'a so'o gena, ngini ni gogono 'ori i'a rana mode-mode'e toma soroga ma dara. Soroga gena-ge ma tero sa'olo harata ma ngi'i kama cira ua. Harata ga'a 'i sigare gena-ge ngowa'a to-tori'i ya tori'i yoḏu'u re ngingia mai reno yoḏu'u.

Lukas 16:9

Ḏua Yesus 'o kanau moju, “Ngoi to siajele ra ngini nena-ne: Ni pake ninga 'ori i'a rana toma dungia nena-ne di'a ni riono ngowa'a lelegu re ni sanga ḏagilomu, la wakutu ma 'orasa enanga 'i ngadolo 'ori i'a rana gena-ge ma ijana ri cua, ananga ḏuanga i'a 'aḏi dawongo ngini toma soroga.

Lukas 18:22

Yesus 'a 'isene so'o gena re 'o kanau, “Ma jingianga rimoi moju, ngana balasu na si'a'a: Na wu'unu 'ani 'ori i'a rana mo-moini, re ma pipisi na sibalangu toma ngowa-ngowa'a ma dinga'unu ua. Dadi ngana ḏuanga i'a no sanga 'ori i'a rana mode-mode'e toma soroga. Togumu i'a no sapolo re no mete'e Ngoi.”

Lukas 19:8

Toma wala gena-ge Zakheus 'o te'oso kanau i'a ra Ma Jou, “Ma Jou, 'ari 'ori i'a rana kaci moi ta sipula'a toma ngowa'a ma dinga'unu ua re ra guna ḇato ga'a ngoi ta'u sihaga ḏuanga i'a ta siḏibo ra ananga ta sidu'o soi rata!”

Yesus 'ai so-soma'a 10:15

Re iḏingi gena-ge 'i kanau moju ma soi ḏiḏi ra unanga, “Na'o Ma Jou'ongu Madutu 'o nyengara na oromo haiwani-haiwani gena-ge, awa na itomo.”

Yesus 'ai so-soma'a 11:29

Dadi ngowa'a ngaku Yesus toma limau Antiokhia mo-moini 'aḏi mafakati siḏingoto manga bu-bula'a tamanga ioronongoḏu ngo-ngaku rimoi ga'a 'aḏi tegoro toma daeraha Yudea. Ananga 'aḏi pula'a mete'e matengo-matengo manga dinga'unu.

Yesus 'ai so-soma'a 24:17

Toma musungu muḏuo i'a, ngoi to cua toma limau Yerusalem, mada'a nange-ne ngoi to maḏibo i'a moju re to gasa bu-bula'a pipisi di'a 'ari bangsa masiretene re to pula'a 'ari jou-jou ra Ma Jou'ongu Madutu.

2 Korintus 8:12

Sababu na'o ngini ni pula'a reninga samangata mete'e ngini ninga dinga'unu, Ma Jou'ongu Madutu ḏuanga i'a 'a dawongo ninga bu-bula'a. Mada'a, Ma Jou'ongu Madutu 'o oḏu'u ngini ni pula'a pai-pai'i mete'e ua ngini ninga dinga'unu.

Efesus 4:28

Ngowa'a to-tori'i, ni tori'i rawara. Siḏibo ḏi'i, ngini balasu ni munara reninga galasau'u ma duduala, la ni sanga ngo-ngoromo di'a sibalangu toma ngowa'a ma dinga'unu ua.

Titus 1:15

'Ori i'a mo-moini 'i 'ofi-'ofi re 'ori i'a rimoi mai ua 'i wosono ua di'a ngowa'a ga'a manga 'akala re sinyingara ma kanau 'i 'ofi-'ofi ra Ma Jou'ongu Madutu 'ai momina. Mada'a ngowa'a ga'a manga fikirana 'i cira re kamanga ngo-ngaku ua, 'ori i'a rimoi i'a mai ua 'i 'ofi-'ofi re 'ori i'a ma repe 'i wosono ra ananga, sababu ananga manga 'akala re sinyingara ma kanau ri faja singadolo 'aḏi basono ḏosa riwara.

'Ibrani 13:16

Re ḏi'i awa ni sidaioranga 'a'a 'ori i'a ma la-la, re ni riono ngowa'a lelegu. Sababu de'oso re ḏegoro so'o gena-ge 'i dadi jou-jou rimoi ḏi'i ga'a sisanangi Ma Jou'ongu Madutu 'ai 'akala re sinyingara.

'Ibrani 6:10

Dadi sababu Ma Jou'ongu Madutu 'o 'adili tau-taunu, Unanga gena-ge 'a sidaioranga ua ngini ninga munara ra Unanga. Re Unanga 'o 'elingi ḏi'i ninga dadalara na sijumu ra Unanga ḏua sababu ni riono ioronongoḏu ngo-ngaku rimoi, 'au nga'ene singadolo nange-ne.

Yakobus 1:27

Mada'a 'agama ma 'atoranga ga'a 'i banari re 'i ti-tiai ra Ma Jou'ongu Madutu 'ai momina nena-ne: Ni riono ngowa'a daga re ngowa'a balo ga'a manga 'ahu kangela, re ni jaga ninga diri masiretene, la awa ni mete'e dungia ma nyafusu ma jira.